Ég fann jólin í Iðnó.

..............Fór í dag á jólatónleika í Iðnó.  Þar voru Björg Þórhallsdóttir sópran og Árni Heiðar Karlsson píanóleikari. 

Þetta var hreint út sagt yndislegt enda bæði sannir listamenn. Ég hef enga heyrt syngja Ave María (Kaldalóns) betur.  Ég fékk gæsahúð og tár í augu!  Björg hefur svo fallega rödd og er auk þess stórglæsileg á sviðinu.  Ég held áfram að hlusta á  Björgu í kvöld hér heima.  Ætla að hlusta á jóladiskinn hennar: Himnarnir opnast...jólaperlur.

Það er líka gaman að koma í Iðnó.  Húsið er svo fallegt  ekki hvað síst í jólabúningi.

                                                                  

Athugasemdir

[Lára Hanna Einarsdóttir, 21.12.2008 kl. 20:28]

Ég ætla á jólatónleika Dómkórsins í Dómkirkjunni á eftir kl. 22 og fá svolítinn jólafíling.

[Sigrún Jónsdóttir, 21.12.2008 kl. 20:36]

Ég fer í kirkjugarðinn á morgun að kveikja á kertum hjá mömmu og pabba.....kannski kemur minn fílingur þá

Gott að þú áttir góðan dag

[Magnús Geir Guðmundsson, 21.12.2008 kl. 20:38]

Passaðu þau þá vel Hólmdís mín, mátt ekki týna þeim aftur! Björg annars já STÓRSÖNGKONA, hvað eru plöturnar annars orðnar margar hjá henni, þrjár eða fleiri?

[Hólmdís Hjartardóttir, 21.12.2008 kl. 20:41]

Lára Hanna.....þetta var svo gott.  Njóttu vel á eftir

Sigrún mín ég vona það.

Magnús þær eru 3.  Ég týni ekki jólaandanum lofa því.

[Sigrún Óskars, 21.12.2008 kl. 21:41]

Björg er mjög flott söngkona, hún er líka kollegi okkar. Alltaf gaman að fara á tónleika fyrir jólin.

halda svo bara jólaandanum í hjartanu

[Hólmdís Hjartardóttir, 21.12.2008 kl. 22:58]

Já  Sigrún hún var að vinna á Heilsuverndarstöðinni með mér.

[Ásdís Sigurðardóttir, 21.12.2008 kl. 22:59]

það er gott að heyra mín kæra.

[Hólmdís Hjartardóttir, 22.12.2008 kl. 00:25]

Já Ásdís gott að ég fann þau!

[Jóna Kolbrún Garðarsdóttir, 22.12.2008 kl. 00:47]

Það er frábært að þú fannst jólin. 

[Magnús Geir Guðmundsson, 22.12.2008 kl. 02:10]

Annars er bara nokkuð algengt að "Hjúkkur" kyrji hina ýmsustu söngva og það jafnvel á plötum! Ein var þarna í dúettinum Kúnst. SVo var það sú úr Aðaldalnum, sem gaf út plötu fyrir nokkrum árum með fullþingi Magga Kjafrtans. Svo er Eva Ásrún auðvitað ljósmóðir!

Komdu með fleiri, veit að þær eru örugglega fleiri!?

[Hólmdís Hjartardóttir, 22.12.2008 kl. 07:45]

Já Jóna Kolla ég var heppin

Magnús hjúkkum er margt til lista lagt.....t.d. er Sigrún Óskars sem hér kvittar búin að syngja sína jólatónleika.

Ég er aldrei beðin að syngja nema einu sinni!

[Magnús Geir Guðmundsson, 23.12.2008 kl. 01:40]

So so, hefur verið svo magnþrungið að menn fengu nóg!?

Eða ollirðu kannski eyrnasuði?

[Hólmdís Hjartardóttir, 23.12.2008 kl. 01:53]

Sumt er svo gott Magnús að það þolist varla