Já þetta er gremjulegt Geir

..................Óstjórn undanfarinna áratuga hefur komið Íslendingum á botninn. Lífsgæðin eru hrunin. Æran er farin.  Það er litið á okkur sem glæpalýð. Heilbrigðiskerfið að verða rústir. Menntakerfið næst.  Það er gert grín að okkur í öðrum löndum fyrir að hafa ekki komið ykkur frá sem stýrðu skútunni í strand.  Allt traust er farið úr samfélaginu. Siðblindan alger.

"Ríkiskerfið" stóð sig ekki . Hverjir réðu þar för?  Eigum við að persónugera það?

Ykkur hefur tekist hrapallega.  Ykkur er ekki treyst til að byggja á rústunum.  Þið fáið ekki annað tækifæri.  Vinsamlega stigið til hliðar  svo við eygjum von sem þjóð. 

Er til of mikils mælst?

Þetta er svo miklu meira en gremjulegt.

 

Geir: Árið verður mjög erfitt

Athugasemdir

[Víðir Benediktsson, 17.1.2009 kl. 18:57]

Hann sagði nú í áramótaávarpinu að sér þætti þetta leitt. Það er að segja ef hann hefur gert eitthvað rangt sem er náttúrulega alls ekki víst.

[Haraldur Davíðsson, 17.1.2009 kl. 19:23]

Geir ætti að láta sig hverfa og það sem fyrst, að hann yfirleitt sjái sjálfan sig sem einhvern sem á að segja okkur nokkuð annað en að hann ætli að víkja, er besta dæmið um botnlausan hroka mannsins.

Honum þykir eflaust leitt að hann fær ekki að vera aðal í friði frá okkur Víðir.........

[Hólmdís Hjartardóttir, 17.1.2009 kl. 19:28]

Geir er veruleikafirrtur

[Magnús Geir Guðmundsson, 17.1.2009 kl. 22:52]

Já, þetta er gremjulegt Geir,

þú getur bar' ekki meir

...Æ, nenni ekki að klára þetta, viðfangsefnið leiðnlegt þótt nafnið sé ágætt, kláraðu þetta sjálf hólmdís mín!

[Heidi Strand, 17.1.2009 kl. 23:39]

Geir er að vakna upp af vondan draum.
Fyrirsögnin er eins og hann nú er að segja okkur fréttir um að árið verður erfitt. það er eins og hann er að fatta það núna.

[Jakobína Ingunn Ólafsdóttir, 18.1.2009 kl. 00:02]

Já einmitt "ríkiskerfið" hver skyldi nú hafa tamið þá skepnu?

[Jóna Kolbrún Garðarsdóttir, 18.1.2009 kl. 00:04]

Geir ætti að setjast í helgan stein strax. 

[Offari, 18.1.2009 kl. 08:37]

Mér þykir þetta leitt.

[Víðir Benediktsson, 18.1.2009 kl. 10:20]

Gremjan í Geira og meira,

glymur í eyranu fleira .

Með Sólrúnu situr,

særður og bitur,

sem hvorki vill sjá eða heyra.

[Sigrún Óskars, 18.1.2009 kl. 10:36]

Spaugstofan tók þetta frábærlega í gærkvöldi. Víðir tekur þetta líka flott; Geir vill hvorki sjá né heyra.

[Hólmdís Hjartardóttir, 18.1.2009 kl. 11:23]

Spaugstofan var góð og Víðir líka! Sammála Sigrún

[Hólmdís Hjartardóttir, 18.1.2009 kl. 14:19]

Stefán ef við missum sama hlutfall af fólki og Færeyigar gerðu er það nálægt 40 þús og það er mikil blóðtaka. Það þarfvirkilega að reyna að koma í veg fyrir þetta. Ég hef sjálf hugsað um að fara e langar mest að vera hér.

[Hólmdís Hjartardóttir, 18.1.2009 kl. 14:19]

þarna átti að vera: en langar mest

[Sigurbjörg, 18.1.2009 kl. 21:44]

Því miður er Geir ekki í takt við raunveruleikann.  Við erum að missa mikið af fólki úr landi, ekki eingöngu vegna hrunsins heldur vegna þess hvernig þessi ríkisstjórn tekur á málinu, gerir meira ógagn en gagn.  Það telur sig vita að engar breytingar verði flokksvaldinu og flýr margt þess vegna.

[Magnús Geir Guðmundsson, 19.1.2009 kl. 01:21]

Jahá, þetta getur Víðir, skellt fram limru og alveg bráðfínni!