Hinn nýi jólaköttur

......og þessi  er enn grimmari en sá gamli.

Þið kannist við jólaköttinn

 sá köttur var gríðarstór

Fólk vissi ekki hvaðan hann kom

eða hvert hann fór.

Ágreiningurinn leystur

Fínt

Við verðum þá ekki rukkuð um neitt.

Við höfum búið við stjórnvöld..................sem hafa fyrirgert rétti okkar til sjálfstæðis.          Ég myndi sannarlega vilja lesa sögubækur árgerð 2109.

Ég er svo illa innrætt.............að ég hugsa...kannski værum við betur  sett norsk?

Ísland stefnir í greiðsluþrot

Þetta kallar á byltingu

Allt að 80 ára leynd yfir viðkvæmustu upplýsingunum í skýrslu Rannsóknarnefndar

Þrátt fyrir fyrirheit stjórnmálamanna landsins í kjölfar bankahrunsins þess efnis að hrunið yrði rannsakað í kjölinn og allar upplýsingar yrðu upp á borðum er Alþingi mjög að draga úr allri upplýsingagjöf með nýjum lögum um Rannsóknarnefndina. Allra viðkvæmustu upplýsingarnar sem þar birtast munu ekki koma fyrir almenningssjónir fyrr en árið 2090.

Þetta kom fram í kvöldfréttum Stöðvar 2 í kvöld.

Mun 80 ára leynd þannig hvíla yfir upplýsingum er Alþingi ákveður að sé of viðkvæmt fyrir almenningssjónir en í þann hóp falla meðal annars fjárhagsupplýsingar um fyrirtæki og einstaklinga sem hlut áttu að máli. Skulu slíkar upplýsingar verða dulkóðaðar og færðar til geymslu í Þjóðskjalasafninu. Verða þannig allra viðkvæmustu upplýsingarnar engum ljósar fyrr en árið 2090.

Ásta Ragnheiður Jóhannesdóttir, forseti þingsins, segir aldrei hafa staðið til að birta allar upplýsingar sem nefndin kemst yfir en segist gera ráð fyrir að nefndin sjálf muni gera opinber þau gögn er hún telur að eigi erindi til almennings. Skýrslan verði eins tæmandi og hægt hafi verið að gera hana á þeim tíma sem til stefnu var.”En auðvitað er Rannsóknarnefndin búin að fara í gegnum allar þessar upplýsingar og ég geri ráð fyrir að hún birti allt sem þarf að birta í skýrslunni af þessum upplýsingum.”

Rannsóknarnefndin mun skila skýrslu sinni þann 1. febrúar næstkomandi eftir að hafa fengið þriggja mánaða viðbótarfrest á birtingu hennar. Hefur Páll Hreinsson, sem leiðir nefndina sagt opinberlega að þær upplýsingar sem fram komi í febrúar séu verstu fréttir sem nokkur nefnd getur fært þjóð sinni. Lét hann slík ummæli falla nokkru áður en nefndin sótti um viðbótarfrest svo gera má ráð fyrir að þær verstu fregnir sem Páll talar um í október hafi versnað enn síðan þá.

Tekið af Eyjunni

Pukur í umboði hvers?

Í hvaða umboði telur fólk sig sitja í ríkisstjórn og á Alþingi?    Við eigum heimtingu á að fá allt upp á borðið. Það er sanngjörn krafa fólksins sem á að borga reikninginn.  Fólksins sem hefur misst heimili sín.....atvinnu  og mannsæmandi líf.

Annars er dæmalaust að fylgast með íslenskum stjórnmálum.....úrræðaleysið algert fyrir heimilin í landinu.  Þetta eru meiri angurgaparnir í öllum flokum. Því miður var skjaldborgin um fjármagnið...ekki fólkið.

En Alþingi á ekki að leyna þjóðina um miklvægar upplýsingar.....umboð þeirra nær ekki til þess.

Verður að klára Icesave af ótilgreindum ástæðum

Réttlætiskennd mín segir nei við Icesave.

Enginn getur sannfært mig um að það sé rétt að almenningur eigi að borga fyrir þessa glæpi bankamanna og vanhæfi stjórnmálamanna og eftirlitsstofnana.  Eins og staðan er í dag er fólk að missa heimili sín og margir eiga ekki fyrir mat.  Í dag sá ég langa röð af fólki bíða eftir að fá úthlutað mat.  Það er ekkert sólskin í kortunum. Almenningur fær enga miskunn hjá ríkisbönkunum á meðan milljarðalán eru afskrifuð hjá öðrum.  Ísköld kló kreppunnar er rétt að byrja að sýna sig.   Við getum ekki tekið á okkur Icesave líka. Skjaldborg um heimilin var tálsýn.

Og enn leika allir sem sök eiga að máli lausum hala.  Vegna þess að þjóðfélagið er svo gegnsýrt af spillingu.

Ég skrifaði undir áskorun til Forseta Íslands að neita að skrifa undir þessi lög.

Verði það örlög mín að missa húsnæði og þurfa að svelta ætla ég að velja mér aðsetur fyrir framan Alþingishúsið.

 

Forseti synji Icesave

Íslensk fyndni 2009

Er manninum alvara?...............jú líklega.  Menn hafa hreinlega ekkert lært. Siðblindan er svo skelfileg. Ætli honum detti ekkert í hug að þetta falli í grýttan jarðveg hjá fólkinu sem hefur tapað öllu? Lífsviðurværinu  og heimilum sínum......og vill sjá menn eins og hann á bak við lás og slá.

En Guantanmo er að losna.....legg til að við leigjum það undir þessa menn því fangelsin hér eru yfirfull.

 Verst hvað þeir fá gott veður.

Krafa Hannesar vegna innláns

MIG GRUNAR AÐ ÞAÐ VERÐI FELLT AFTUR.

Eða brennt...

Það er engin sátt í þessu þjóðfélagi.  Úrræði ríkisstjórnar til handa heimilum í landinu eru einfaldlega ekki að duga.  Og ekki er neitt skárra í boði.....Í kvöld heyrðum við að það ætti að draga úr atvinnuleysisbótum fyrir ungt fólk. Þetta hljómaði austan tjalds...

Við hreinlega þurfum byltingu. Það þarf að rústa þessu spillta flokkakerfi.

Ég þoli ekki íslenska pólitík

Óslóar-jólatréð fellt við hátíðlega athöfn

Boð og bönn,

Forræðishyggja  er alls staðar skaðvaldur.

Ekki orð um það meir.

 

Bann við fóstureyðingum virkar ekki

Háskaleikur.

,,,,,,,,,,,,,,,Og á sama tíma er verið að auka fjárveitingar til utanríkisþjónustu og til RUV.

Landspítali hefur búið við manneklu árum saman. Og nú á að herða að. Spítalinn getur ekki neitað  að taka við sjúklingum. Og samkvæmt sjúklingalögum eigum við rétt á heilbrigðisþjónustu. Dæmið getur ekki gengið upp svo einfalt er það. Og við höfum ekki efni á að missa hundruð heilbrigðisstarfsmanna úr landi.  Mér verður hreinleg illt að heyra á sama tíma um nýtt hátæknisjúkrahús.  Við verðum að bíða með það. ( en hvar eru annars símapeningarnir?)

Þegar staðan er svona svört þarf að henda því út sem við getum verið án. Í stað þess að setja meira fé í Ruv á að sjálfsögðu að leggja Rás 2 niður.

Utanríksþjónustuna á að sjálfsögðu að skera niður...............almennur Íslendingur getur vel verið án hennar.

Aðskilja ríki og kirkju.

Hætta að styrkja stjórnmálaflokkana.

En umfram allt skulum við halda í heilbrigðis og menntakerfi.

Verulega skert þjónusta við sjúklinga

Sýning á verkum Eggerts Péturssonar.

....Nú stendur yfir sýning á verkum Eggerts Péturssonar á Nordatlantiske Brygge hér í Kaupmannahöfn. Frábær sýning sérstæðs listamanns. 

Það er sorglegt að sjá hve fáir hafa skrifað sig í gestabók því þetta er sýning sem virkilega er áhugavert að skoða.

Hvet alla Íslendinga búsetta í borginni og þá sem leið eiga um að gefa sér tíma til  að líta við.

Það er þess virði.