ns.is

Neytendasamtökin eru að óska eftir sjálfboðaliðum. Best að skoða þetta.

Vopnuð rauðu

Skrapp í Bónus seinni partinn vopnuð rauðu límmiðunum mínum. Var ánægð að geta ekki notað nema 3 miða. Gaf mér ekki tíma til að merkja mínar vörur með hilluverði en skoðaði strimilinn og fékk þann afslátt sem auglýstur var. Ég keypti 1 pela af rjóma sem kostaði 22 kr meira en sá sem ég keypti 11. apríl. Aðeins eldfimi bökunarpappírinn var í boði í Bónus. Skaust því inn í Hagkaup og þar var sama staðan.  Ég vona að ég hafi meiri tíma í næstu verslunarferð til að bera saman hilluverð og kassaverð......sennilega er víða treyst á að við séum að flýta okkur  Og nota bene verslaði ekki í Hagkaup. Höldum vöku okkar.

Rauðir límmiðar.

    Á morgun ætla ég í bókabúð að kaupa mér rauða límmiða.  Og ég ætla að klessa þeim alls staðar þar sem vantar verðmerkingar.  Og ég ætla að kaupa hvíta límmiða til að skrá hilluverð á þær vörur sem ég set í körfu. Og krefjast þess að fá þær á hilluverði. Dóttir mín sem vinnur í matvöruverslun segir að ef fólk geri athugasemdir við misræmi fái það vöruna á hilluverði. ; En mamma við höfum ekki undan að breyta hilluverði:. Vörurnar hækka svo hratt.

  Á morgun eru Neytendasamtökin með átak gegn þessu misræmi. Tökum þátt, stöndum saman. Ég bendi á blogg þóru Guðmundsdóttur um þessi mál. Svo legg ég til að klukkubúðir og Hagkaupsverslanir og Nóatún verði allar sniðgengnar í næstu viku. Frá laugardeginum 18. apríl.

Vöknum.

 Karlinn í tunglinu er að horfa á mig akkúrat núna, sá er flottur.

Okur

  Bendi á okursíðuna hans doktor Gunna á Eyjunni.  Ég hef sjálf ákveðið að versla eingöngu í Bónus í bili. Og sniðgeng þar með allar dýrari verslanir. Verum vakandi.

Enn verðsamanburður.

 Fann strimil úr Hagkaup frá 18.mars.sl.svo samanburður er ekki alveg marktækur við Bónus í dag. En ég læt það flakka því tölurnar eru sláandi. Mínum verslunarferðum í Hagkaup er lokið nema að ég þurfi á einhverju sérstöku að halda.

                             Bónus...................................................Hagkaup

Fjörmjólk               98kr                                                          110kr

Gu, Mayones         71                                                               113

rjómi                     148                                                             183

toro sósur             86                                                                138

toro sósur             68                                                                190

skinka sambæril     192                                                              289

 

 Munurinn er ansi sláandi.

    En svona í leiðinni, finnst ykkur ekkert athugavert við að seðlabankstjóri  spái 30% verðlækkun á húsnæði á næstu tveimur árum????   Mér finnst algerlega ábyrgðarlaust að kasta þessu fram.

 

 

Áskorun til allra

Sameinumst um aðgerðir til að lækka matarverð. Sjá blogg mitt ;uppreisn;. Það eina sem við þurfum að gera er að mæta ekki í ákveðnar verslanir á tilteknum tímabilum. Þetta verða þögul mótmæli en skír skilaboð. Kynnið þessar hugmyndir sem víðast. Ég trúi því staðfastlega að við getum haft áhrif með því að mynda nægilega stóra hreyfingu. Annars góðan sunnudag.

Enn og aftur

ætla ég að biðja ykkur að kíkja á bloggfærslur mínar frá 5. apríl. Náum matarverði niður með því að sniðganga dýrar matvöruverslanir. Sjá fyrri færslur.....Vaknið

Upprisan

Set þetta bara inn til að vekja athygli á hugmynd sem ég setti á bloggið fyrr í dag. Vil endilega einhver viðbrögð. Ég trúi nefnilega á að við getum haft áhrif..............

Salernispappír 9 rúllur 1099kr.

Ja hérna. Næsta matvöruverslun í nágrenni við mig er 10-11. Þar versla ég aldrei nema svo sem einn og einn mjólkurpott enda verslunin hrikalega dýr. Fyrir ekki svo löngu síðan vantaði mig salernispappír og stökk út í búð. Stór pakki af Andrex klósettrúllum kostaði þá á sjöunda hundrað og gerði ég athugassemdir við verðið. Í morgunsólinni dreif ég mig í búðina og sá þá að sömu umbúðir af salernispappír höfðu hækkað í 1099 krónur. Það hlýtur að hafa orðið uppskerubrestur í WC-.trjánum. Persónulega tel ég þetta glæpsamlegt okur.....Hvenær rísum við upp???