eyðilegging á Eskifirði

Nú hef ég fengið þær fréttir að heimili bróður míns, konu hans og þriggja ungra dætra varð eldi að bráð í nótt. Sem betur fer sakaði engan. En það er sárt að missa allt sitt. Nú þurfa þau á hjálp að halda. Enginn var heima þegar eldurinn kom upp. Hann á vakt í álverinu, þær hjá ömmu og afa í Fnjóskadalnum. Mikið finn ég til með þeim.

Athugasemdir

[Frikkinn, 1.1.2008 kl. 14:33]

Þetta er skelfilegur atburður, votta samúð mína fólkinu sem missti allt sitt.

    Kveðja Friðrik Ragnarsson

[Ásdís Sigurðardóttir, 1.1.2008 kl. 14:44]

Hræðilegt að heyra þetta.  Aumingja fólkið.  Hvað er hægt að gera?  þú manst að bloggvinir hjálpa hver öðrum, láttu vita á línuna. 

[Hólmdís Hjartardóttir (IP-tala skráð) 1.1.2008 kl. 20:27]

Takk fyrir þetta bæði tvö. Ásdís það skírist fljótlega hvernig best verður að hjálpa þeim, takk fyrir umhyggjuna fyrir þeim.

[Jóna Kolbrún Garðarsdóttir, 2.1.2008 kl. 01:27]

það er nú gott að allir björguðust, það má oftast bæta veraldlega hluti.  Vonandi voru þau vel tryggð.

[Hólmdís Hjartardóttir (IP-tala skráð) 2.1.2008 kl. 01:39]

Þannig hugsa ég nú líka  Jóna Kolbrún. Þau voru ekki heima og aldrei í hættu.  Kannske hefði þetta ekki skeð ef þau hefðu verið heima. Mörg ef. Ég er fegin að litlu frænkurnar upplifðu þeta ekki. Um tryggingar veit ég ekkert ennþá. Hjá mér er allt tryggt, myndi aldrei þora öðru. En svona brunar eru hörmulegir.

[Guðrún Jóna Gunnarsdóttir, 2.1.2008 kl. 01:57]

Svakalegt að heyra þessar fréttir þó vissulega sé það léttir að enginn slasaðist. Tjónið er ekki einungis fjárahgslegt heldur og einnig tilfinningalegt. Sumt er aldrei hægt að bæta.

Vonandi eru þau vel tryggð, ef ekki láttu okkur hin vita. 

[Hólmdís Hjartardóttir, 2.1.2008 kl. 02:15]

Takk Guðrún Jóna ég er viss um að þetta fer allt vel en sumt verður aldrei bætt. En við ættingjarnir getum kannske bætt myndir sem eru mjög dýrmætar fyrir alla. Þetta eru svo ungar dætur, ein fædd í maí ´07,önnur verður tveggja ára í mars og sú þriðj a er skólastúlka. Broðir minn á svo einn virðulegan háskólanema.