Vorvindar glaðir..

Það er nú nánast logn svo fyrirsögnin á ekki við. Er búin að vera að vinna um helgina. Á laugardagsmorgun gekk ég til vinnu frá Hlemmi og var komin með naglakul eftir 10 mín labb. Á heimleið sá ég vetrargosa í blóma og páskaliljur sem blómstra fljótlega. Í dag var mun hlýrra, fór í Blómaval og keypti tete a tete, perluliljur og birkigreinar og gulblómstrandi greinar. Kannske ég fari út með málband á morgun og mæli hversu langt páskalilju- og túlípanalaukar hafa vaxið??? Og snæstjörnulaukarnir eru að skríða upp. En í Blómavali er mjög skemmtileg túlipanasýning sem ég hvet alla áhugasama til að kíkja á. Hálf íbúðin mín er rafmagnslaus, tilraunir með öryggisskifti skiluðu ekki árangri. Fyrsta verk í fyrramálið verður að reyna að ná í rafvirkja, hvenær fæ ég frið í þessari íbúð?

Athugasemdir

[Jóna Kolbrún Garðarsdóttir, 17.3.2008 kl. 02:29]

Krókusarnir mínir og páskaliljurnar eru farin að vaxa í mínum garði, og þegar ég var úti áðan að fá mér frískt loft heyrði ég í stelkum.  Allavega voru það blíb blíb hljóð sem ég heyrði.  Svo eru nóvemberkaktusarnir mínir allir að blómstra núna og þeir blómstruðu líka í nóvember.  Ég man ekki eftir því að þeir hafi blómstrað tvisvar áður

[Tiger, 17.3.2008 kl. 03:12]

  Hvað í ósköpunum er tete a tete? Ég man eftir mikilli páskaliljubreiðu í kringum húsið hennar mömmu í gamladaga - og þá var nú ekki mikið um að páskaliljur væru að vaxa úti sko.. alltaf allt fulltaf páskaliljum um páskana og ætíð ferskar og ilmgóðar. Innlitskvitt og kveðja í vikuna framundan.

[Hólmdís Hjartardóttir, 17.3.2008 kl. 09:32]

Já Jóna vorið er að koma....Tigercopper tete a tete eru litlu páskaliljurnar . Téte þýðir höfuð. Það eru oftast tvö blóm á hverjum stilk. En ég sé að það verða 3 blóm á hverjum stilk hér svo það er téte a téte a tete!!

[Beturvitringur, 17.3.2008 kl. 15:21]

"... hvenær fæ ég frið í þessari íbúð?" - Er reimt hjá þér?

Svo held ég að Jóna Kolbrún misskilji þetta með fuglana. Bölvi og ragni er skipt út fyrir "blíb-blíb". Voru þeir ekki bara að bölsótast yfir einhverju? Bensínverðinu?

[Hólmdís Hjartardóttir, 17.3.2008 kl. 21:08]

Beturvitringur......ég þarf stanslaust að standa í viðgerðum....pantaði nýtt rafmagn í morgun...allt verður endurnýjað. Þetta er 60 ára gamalt hús við Rauðalæk. Búin að lata brjóta  tvisvar upp gólf vegna rottugangs. Elhúsinnréttingin hrundi í bókstaflegri merkingu í sumar svo ég varð að endurnýja þar. Kannske ég ætti að tsala við prest???

[Beturvitringur, 18.3.2008 kl. 01:06]

ja, presta eða iðnaðarmenn, veit ekki

En... sextugt hús virðist ekki frábrugðið jafnaldra fólki. Gigt hér og þar. Leiðslur leka. Það sem áður var reisulegt, lafir. Undirstöður (fætur) fúnar. Klæðning / húð, flagnar og rákast. Jamm, þekketta er að verða 6tug.

[Hólmdís Hjartardóttir, 18.3.2008 kl. 01:27]

Það var reyndar iðnaðamaður sem ég talaði við í morgun....voru kannske mistök. Mig langar að not aurana mína öðruvísi En undan þessu verður ekki komist. já þú ert þá komin á viðgerðaraldur Beturvitringur...