Kirsuberjatréð mitt er byrjað að blómstra.

Ég fylgist alltaf spennt með því sem  gerist í garðinum á vorin. Fagna hverri plöntu sem hefur lifað af veturinn. Alveg sérstaklega finnst mér gaman þegar kirsuberjatréð blómstrar. Það er ættað frá Kurileyjum sem ku hafa svipað veðurfar og Ísland. Ég sé ekki annað en að vel gangi að rækta kirsuberjatré á Íslandi. Ég spái því að eftir örfá ár verði komin bara stæðileg  tré út um allt.

Alpasóley fagurblá er líka upp á sitt besta núna.

 Annars fór ég  eftir vinnu í dag að kíkja á ljósmæður sem voru  að kynna sitt góða starf. Gott framtak.

Athugasemdir

[Lilja Guðrún Þorvaldsdóttir, 4.5.2008 kl. 01:39]

Þú hlýtur að vera með fagurgræna fingur Hólmdís. -  Ekki mundi ég kvarta yfir svona góðum nágranna, sem græðir lóðina lífi.-  Kíkti einmitt lika á ljósmæðurnar.

[Hólmdís Hjartardóttir, 4.5.2008 kl. 01:42]

Puttarnir mínir eru amk. með græna slikju.

[Jóna Kolbrún Garðarsdóttir, 4.5.2008 kl. 01:47]

Ég er líka með græna fingur, en ég hef varla þorað að vinna í garðinum mínum í mörg ár nema á vorin og haustin þegar engir Geitungar eru þar.  Í dag var rakað yfir grasið og fíflar hreinsaðir úr þriðjungi garðsins míns, á morgun verður meira hreinsað og rakað svo á mánudaginn verður áburði dreift yfir grasið.

[Hólmdís Hjartardóttir, 4.5.2008 kl. 01:50]

Dugnaður er þetta Jóna Kolbrún, ég þori varla út í garð fyrir frúnni!!

[Lilja G. Bolladóttir, 4.5.2008 kl. 01:52]

Íhh, hvað ég sakna garðanna minna við híbýli mín í Danmörku. Í einum þeirra mátti finna eplatré, perutré og heslihnetutré. Í öðrum voru jarðaberjaplöntur, hindberja- og brómberjarunnar, sítrónurunni, líka eplatré og plómutré, auk annars heslihnetutrés. Í þeim þriðja var bara mest illgresi

Verð þó eiginlega að nefna það, að fyrsti staðurinn sem ég bjó á, var lágreist húsaþyrping sem háskólasamfélagið í bænum mínum leigði út. Þar bjuggu sem sagt bara stúdentar af öllum gerðum. Og í þeim garði voru ræktaðar hassplöntur inn á milli annarra planta, en allt er svo frjálslegt í Danmörku, svo húsvörðurinn tók með glöðu geði að sér að vökva þær og hugsa um þær....

[Hólmdís Hjartardóttir, 4.5.2008 kl. 02:02]

Danir Ég þarf að fá lotto til að geta keypt mér lítið hús með eigin garði. En vorin í dönskum og enskum görðum eru dásamleg.

[Lilja G. Bolladóttir, 4.5.2008 kl. 02:05]

Já, ég gleymdi líka alveg að minnast á "sírenuna" mína, sem ilmaði alveg dásamlega við útidyrahurðina mína  Hún ber bara sumarilminn..... (Ég segi bara sírena, af því að ég get aldrei munað almennilega hvorki hvað þessi runni heitir og enn síður hvernig það er stafað.....)

[Guðrún Jóna Gunnarsdóttir, 4.5.2008 kl. 02:34]

Þú þyrftir svo sannarleg að detta í lukkupottinn Hólmdís og eignar þitt litla hús og eigin garð. Þú ert greinilega með fagurgræna fingur. En hvar í ósköpunum eru Kurileyjar?

[Hólmdís Hjartardóttir, 4.5.2008 kl. 02:36]

Kurileyjar eru við Japan.....og Lilja við skrifum bara sírenur.

[Katan , 4.5.2008 kl. 19:56]

takk fyrir kveðjuna=)

[Hallmundur Kristinsson, 4.5.2008 kl. 20:41]

Alparósir, Stjúpur, Ljósmæður - Blómstrar þetta ekki allt? 

[Ragga (IP-tala skráð) 4.5.2008 kl. 21:08]

Ofboðslega falleg tré og eitt slíkt er í minni götu þótt það sé ekki í minni eigu þá kíkji ég alltaf á hverju vori á það til þess að sjá hvernig það hefur komið undan vetrinum.

[Sigrún Jónsdóttir, 4.5.2008 kl. 22:37]

Þarf að láta vinkonu mína með garðinn vita af kirsuberjatrénu.  Ekkert sem kemur skapinu í lag eins og blómstrandi tré að vori

[Sigrún Óskars, 4.5.2008 kl. 23:52]

Gæti kirsuberjatré lifað á Álftanesi? Væri til í eitt slíkt. Það væri fínt að hafa þig í garðinum, með svona græna fingur.

[Hólmdís Hjartardóttir, 5.5.2008 kl. 00:25]

Takk fyrir innlitin....ég held að kirsuberjatrén geti alls staðar þrifist.