AARRGGGGGHHHHHHHHHHH

Bara launahækkun forstjórans er hærri en laun vesæls hjúkrunarfræðings eða ljósmóður. Það er sannarlega búið að segja okkur sem vinnum þessi störf að við séum einskis virði.  Þetta er blaut tuska framan í okkur.  Hann hefur ekki þurft að selja réttindi sín fyrir nokkra þúsundkalla eins og hjúkrunarfræðingar gerðu.

Eftir hækkun er forstjórinn metinn á við rúmlega 5 hjúkrunarfræðinga eða ljósmæður. Væri kannski eðlilegra að hann væri metinn á við 1 og hálfa eða í hæsta lagi tvær.

Afhverju er svo miklu verðmætara á Íslandi að telja peninga en hugsa um fólk?

Mér varð hugsað til starfsfólk slysadeildarinnar þegar slysið varð í morgun. Sennilega hefur þurft að hlaupa hratt þar......eins og reyndar alla daga allan ársins hring. Hrikaleg mannekla og álag er á Landspítala. Nýgerðir kjarasamningar breyta því ekki.  Áfram verður krafan um óendanlega yfirvinnu en nú á lægra kaupi. Áður var yfirvinna 1.0 eitthvað % af mánaðarlaunum en var lækkað í o.o95% Skömm að þessu.

Ég er reið.

Laun forstjóra Landspítala hækka

Athugasemdir

[Sigrún Óskars, 11.8.2008 kl. 13:48]

Þetta er dónaskapur gagnvart fólkinu sem vinnur á LSH. Punktur. Þarna sést mannauðsstefnan í hnotskurn.

[Hólmdís Hjartardóttir, 11.8.2008 kl. 13:56]

Þetta er fullkomlega taktlaust. Drullusokkar

[Ásdís Sigurðardóttir, 11.8.2008 kl. 13:57]

Skildi hann hafa hótað verkfalli?? sumir fá nú allt upp í hendurnar, synd og skömm, eins gott að þeir geri eitthvað í launadeilu ljósmæðra, ekki vill maður vera án þeirra, eða nokkurra annarra í umönnunastétt. Kær kveðja

[Egill Erlendsson (IP-tala skráð) 11.8.2008 kl. 14:03]

blank_page

Ahem, ég verð nú að segja að það er mjög eðlilegt að forstjóri, sem tekur ákvarðanir sem varða alla starfsmenn Landspítalans og geta tryggt þeim betri kjör eða gert þau verri á alveg skilið að hafa þokkaleg laun.

Auk þess er nánast tryggt að starfsöryggi þessa einstaklings er lítið og hann verður horfinn á braut innan tíðar, meðan að flestir starfsmenn spítalans geta gengið að starfi sínu sem vísu.

Tryggja verður þeim aðilum sem þarna eru, sem til þess að vinna svona starf þurfa að sjálfsögðu talsverða menntun, reynslu og almennt atgervi samkeppnishæf laun. Ef það er einhver jólasveinn þarna meðan einkageirinn tekur góða fólkið er voðinn vís fyrir hjúkrunarfræðinga og aðra.

Að lokum er þetta sennilega eitt af vanþakklátustu störfum í heimi, stöðugt fjársvelti og aðþrengdur rekstur hrjáir spítalann. Forstjórinn á aldrei eftir að geta gert allt sem hann myndi vilja undir bestu kringumstæðum. Hann á eftir að koma óvinsælli út úr þessu.

Er það nú ekki þess virði að fá einhvern almennilegan einstakling sem raunverulega getur tekið á málum þarna, eins langt og það nær. Þá kannski getur hann gert nógu mikið til að kjör allra þarna, ALLRA, batni. Eina leiðin til þess er að bjóða þokkaleg laun fyrir það félagslega sjálfsmorð sem það að sinna þessu starfi er.

[Hólmdís Hjartardóttir, 11.8.2008 kl. 14:04]

já Ásdís manni verður bara óglatt

[Guðjón H Finnbogason, 11.8.2008 kl. 15:53]

Þú verður að vera í réttum flokki.Hvaða sjálfstæðismaður fær stöðuna? Verður það fyrrverandi borgarstjóri V.Þ.V.

[Hólmdís Hjartardóttir, 11.8.2008 kl. 15:58]

Egill.................en margföld laun hjfr eða ljósmæðra.

Vissulega getum við gengið að störfunum vísum.....á skítalaunum og óbærilegt álag

[Hólmdís Hjartardóttir, 11.8.2008 kl. 15:58]

Guðjón........almáttugur

[Sigrún Jónsdóttir, 11.8.2008 kl. 16:02]

Hólmdís, þetta er náttúrulega skandall.  Svo er ekki búið (opinberlega) að ráða í þetta starf (nema Egill Erlendsson eða einhver nákomin honum hafi fengið loforð um starfið), þannig að ekki voru þetta launakröfur eins eða neins.

[Hólmdís Hjartardóttir, 11.8.2008 kl. 16:29]

Sigrún.....það er löngu búið að ákveða hver fær starfið.....auglýsingin er bara skrípaleikur.

[Egill Erlendsson (IP-tala skráð) 11.8.2008 kl. 17:39]

Ég skal alveg fullvissa þig um það að það fylgir því líka talsvert álag að vera forstjóri. Ef þú stendur þig ekki vel er framtíð alls þess góða fólks sem á spítalanum vinnur í hættu.

Það er nú líka þannig að fosrtjórastarf gleypir yfirleitt einstakling. Það er ekki hægt að tala um eðlilegt frí og svona starf hefur áhrif á þann tíma sem viðkomandi getur eytt með fjölskyldu og vinum og rýrir gæði þess tíma.

Auk þess gleymist það oft í svona umræðu að forstjórar fá enga yfirvinnu greidda, þetta eru bara launin, alveg sama þó algeng vinnuvika hjá svona aðilum sé 60-70 tímar fyrir utan símtöl og tölvupóstsamskipti allan sólarhringinn nánast.

[Hólmdís Hjartardóttir, 11.8.2008 kl. 17:59]

Egill....vinnutími hjfr og ljósamæðra er heldur ekki fjölsjylduvænn. Sumarfrí oft afturkölluð og aldrei friður heima......því alltaf vantar á vaktir.  Auðvitað á forstjóri á fá góð laun en ekki margföld á við aðra

[Sigrún Jónsdóttir, 11.8.2008 kl. 18:12]

Svo er nú ekki eins og forstjóri þurfi einn að taka ákvarðanir, hann hefur heila stjórn til að bakka sig upp, er í raun bara að framkvæma, það sem stjórn spítalanna eða ráðuneyti hefur ákveðið.

En eins og formaður félags ljósmæðra segir:  Það er gott að vita að það eru til peningar í heilbrigðiskerfinu.

Verður tilvonandi forstjóri ekki látin standa vaktir þegar ljósmæður leggja niður störf, hann ber jú svo mikla ábyrgð.

[Hólmdís Hjartardóttir, 11.8.2008 kl. 18:13]

Að sjálfsögðu eru laun þessara stétta of lág og hafa verið lengi

[Sigrún Óskars, 11.8.2008 kl. 22:31]

Auðvitað fylgir því álag að vera forstjóri, en samt ekki svo mikið að það er fjöldi manns sem sækist eftir þessu jobi.  Og eins og Sigrún Jónsd. segir þá er forstjóri ekki einn. Ábyrgðin sem hann ber - hver er hún í alvörunni. Það er ríkisstjórnin og heilbrigðisráðherra sem bera endanlega ábyrgð. Heilbrigðisráðherra hefur ekki þessi forstjóra-laun, en Forseti Íslands hefur þau.

[Hólmdís Hjartardóttir, 11.8.2008 kl. 23:51]

Launamál á Íslandi eru út úr Q

[Jóna Kolbrún Garðarsdóttir, 12.8.2008 kl. 00:45]

Skrípaleikur og skandall þessi launahækkun, það er mitt mat.  

[Hólmdís Hjartardóttir, 12.8.2008 kl. 02:04]

Sammála