Hólmdís Hjartardóttir

21.3.2009 | 09:23

Hnífurinn er beittur.

.........Ég hef unnið í 27 ár sem hjúkrunarfræðingur og man ekki eftir öðru en að stöðugt hafi verið hagrætt og mannekla hafi verið viðvarandi....og farið versnandi. Það hefur alltaf verið gífurlegt álag á Landspítala og oft erfiðar vinnuaðstæður. Laun heilbrigðisstarfsmanna hafa þó ekki hækkað í takt við eftirspurn.

Þrengsli hafa verið mikil og sjúklingar hafa þurft að liggja á göngum spítalans sem er auðvitað engan veginn boðlegt.

Í nótt talaði ég við grátandi aðstandanda gamals manns sem nýlega fór inn á hjúkrunarheimili. Hann er skýr en deilir herbergi með tveimur heilabiluðum mönnum....sem hann hefur aldrei þekkt....

Í gær voru enn fréttir af því að MS sjúklingar séu sviknir um lyfjagjafir.

Ég veit að ýmislegt er hægt að spara á þessum stofnunum......nokkuð sem ég ætla að leyfa mér að kalla slæðuverkefni hér.....

Landakot er að fara í gegnum niðurskurð.....þar verður plássum fækkað...og það er ástæða þess að ég er af alvöru að hugsa um að gerst flóttamaður frá Íslandi...

Ég vildi sjá miklu meiri niðurskurð í Utanríkisþjónustunni áður en sjálfsögð réttindi sjúklinga eru skert frekar.....

	Tillögur um sparnað kynntar í næstu viku
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Það veit ég að hjúkrunarkonur eru englar í mannsmynd. Og vona ég heitt og innilega að þær þurfi ekki að flýja land svo þær geti lifað mannsæmandi lífi. Vonum bara það besta.

Knús á þig vinkona

Tína, 21.3.2009 kl. 09:55

Aðförin að eldra og fatlaða fólkinu, auðvitað mest því efnalitla, er orðin áberandi - var ekki á bætandi. Heyri ótrúlegasta fólk á öllum aldri tala um að flytja burt.

Hlédís, 21.3.2009 kl. 09:56

Þetta er í boði sjálfstæðisflokksins.

Heidi Strand, 21.3.2009 kl. 10:13

Tek undir þetta...það væri nær að skera niður ýmsan óþarfa..

TARA, 21.3.2009 kl. 14:14

Við verðum að læra að forgangsraða..

Hólmdís Hjartardóttir, 21.3.2009 kl. 15:48

Og að mínu mati er það forgangsverkefni að láta fólkinu í landinu líða vel og hafa góða heilbrigðisþjónustu..en kaupa færri flott og dýr málverk og leðurstóla handa yfirbákninu...

TARA, 21.3.2009 kl. 15:53

Fólkið sem lagði grunninn að okkar velferðaþjóðfélagi, gamla fólkið, virðist alltaf mæta afgangi. Svona framkoma gagnvart þeim er óþolandi með öllu.

Sigrún Jónsdóttir, 21.3.2009 kl. 16:00

Heyr, heyr. Ég er sammála því að beita niðurskurðarhnífnum á utanríkisþjónustuna.

Jóna Kolbrún Garðarsdóttir, 21.3.2009 kl. 23:37

Bráðum kemur blessað vorið

bót þá gefur alvaldið.

Nú skal allt samt niður skorið

napurt verður framhaldið.

Offari, 22.3.2009 kl. 10:11

Sammála ykkur með niðurskurð í untanríkisþjónustunni. Og niðurskurðurinn í heilbrigðiskerfinu er að keyra um "þverbak" og þessi niðurskurður er einnig í boði Samfylkingar - hefur Samfylkingin ekki verið í stjórn undanfarin misseri? Og aldeilis ekki saklaus af öllu.

Hólmdís, við ættum bara að taka að okkur þessi "slæðuverkefni" - áttu ekki fína slæðu annars?

Sigrún Óskars, 22.3.2009 kl. 13:27

Takk öll Sigrún ég á slæður í úrvali

Hólmdís Hjartardóttir, 22.3.2009 kl. 15:42

Á endanum verður það Lansinn sem tekur á sig allan niðurskurðinn. Eins og venjulega.

Finnur Bárðarson, 22.3.2009 kl. 16:24

Hólmdís mín ég hef nú stundum þurft á því að halda að gista Lansann og hefur mér alltaf ofboðið álagið á ykkur starfsfólkið. Ég lá á hjartadeild Lansanns fyrir nokkrum árum og þrátt fyrir álag og þrengsli eruð þið bara englar.

Knús til þín
Milla,

Guðrún Emilía Guðnadóttir, 22.3.2009 kl. 16:38

Finnur! Lansinn er svo langstærsta sjúkrahúsið hér, að hann verður vart borinn saman við hin. Hrædd er eg um að barnshafandi konur á Suðurlandi, td , telji sér gert að bera vænan slatta af niðurskurði - og jafnvel meiri persónulega áhættu en Lansinn.

Að endingu eru það sjúklingar sem fá á sig niðurskurðinn.

Hlédís, 22.3.2009 kl. 16:47