OG ALLIR ÆTLA AÐ HJÁLPA LITLU DÚLLURÖSSUNUM

.......Sem búa norður í rassgati og kunna fótum sínum ekki forráð.  Fengu að prófa að vera sjálfstæðir en réðu ekki við það. Sjálfstæðið er vart nema að nafninu til....við erum algerlega upp á aðra komin með salt í grautinn.

Hvenær axlar einhver ábyrgð?............Ég heyri engan játa mistök, enginn segir af sér. þetta er allt einhverjum öðrum að kenna.  Og almúganum sem keypti sér flatskjái.  Nei þessi  þjóð er ekki komin upp úr  sandkassanum svo mikið er víst.

Eftir nýjustu fréttir af ástinni okkar stóru í London beinast augu okkar enn og aftir að SÍ.

Ísland leitar til Norðurlanda

NOTA BENE IDIOTS

........NBI........NATIONAL BANK OG ICELAND.  Ég trúi ekki að þetta sé skammstöfun fyrir enskt nafn á bankanum.   Kannski til heiðurs Brown?  Fyrir hvað stendur þetta?    Ef við þurfum nokkru sinni á að halda að tala íslensku þá er það núna.

Landsbankinn verður NBI hf.

En norska krónan ?

......kannski næðist betri sátt hér um að tengjast norrænni mynt.  Gætum við tekið upp norska krónu?    Myndu Norðmenn samþykkja það?

Eitthvað verðum við að gera þegar krónan er orðin minna virði en salernispappír. 

Ísland endurskoði ESB-afstöðu

Vöruskortur er orðinn staðreynd

.......................Prins Poloskortur er alvarlegur fyrir margan manninn en ég er svo heppin að það á ekki við mig en ég er orðin í vandræðum með að fá réttar ljósaperur.  Ég er farin að treysta á kerti hér í eldhúsinu mínu.   Og hvað svo þegar þau eru búin?

Prins Polo á þrotum?

Getum við fengið aðstoð við að flýja land?

.......Hingað til höfum við borgað hæsta matarverð í Evrópu, hæstu vexti, dýrustu lyf og svo framvegis.  Þorri launafólks hefur í öllu " góðærinu" átt í mesta basli við að láta enda ná saman.  Nú gengur það ekki lengur.    En svo er því skellt framan í okkur að við höfum lifað um efni fram og þurfum því að fara að borga sukkið.   Það er harður kinnhestur.  Kannski Geir ætti að ræða það við norrænu ráðherrana hvað þeir séu tilbúnir að taka á móti mörgu flóttafólki.  Mörg hundruð manns munu hverfa héðan í vetur.....og eftir því sem fleiri fara verða færri eftir til að borga. Það mun hækka reiknigurinn hjá öldruðum og öryrkjum.....er verið að gera einhverjar ráðstafanir til að hlífa því fólki?

Nú er verið að skoða lánamál einstaklinga.  Ég er á því að þar eigi eitt yfir alla að ganga....það gengur ekki að þeir sem hafa verið glannalegir  fái meiri aðstoð en þeir sem hafa stigið varlega til jarðar.

Verðbólgan nú 15,9%

Óveðursskýin hrannast upp yfir Svörtuloftum

..........ef að það er rétt sem Björgólfur Thor segir í Kompásþætti þeim er sýndur verður annað kvöld er þá stjórn Seðlabanka sætt lengur?  (sjá visir.is).  

Þetta sýnir enn og aftur nauðsyn þess að þessi mál verði þegar í stað rannsökuð af færustu  hlutlausum  sérfræðingum....og einhverjir þeirra verða að vera hlutlausir erlendir aðilar.   Þetta þarf að gerast strax ekki þegar fennt hefur í sporin. Menn eru búnir að fá allt of langan tíma til að fela gjörðir sínar......aldrei verið meira að gera í Sorpu við að eyða trúnaðargögnum.

Hverju í ósköpunum eigum við almenningur að trúa?   En þar sem byrðunum hefur verið velt yfir á okkur tel ég okkur eiga rétt á réttum svörum.

Er Palin Vestur-Íslendingur?

...............Mig er farið að gruna það. Kannski er hún skyld Birni Inga?  Hann var jú fataður upp af  sínum nú klofna örflokki.  Ekki það ég get vel skilið að þeir sem eru i framlínunni geti þurft á fatastyrk að halda.  En 17 milljónir  í föt er alveg brutalt og minnir á aðra Íslendinga en Björn Inga.  En hún er slíkur tækifærissinni að hún heldur að staða sín batni við að nota ekki þessi föt.  Og fer þá að minna á Íslenska stjórnmálamenn suma hverja.

Nú þarf að athuga ættfræðina.

Sarah Palin kastar fínu fötunum

Nýtt framboð................Bloggaraflokkurinn!

......þar sem nýjasta skoðanakönnun um fylgi stjórnmálaflokka gefur til kynna að núverandi flokkar eru rúnir traustir er þá ekki kominn tími á nýtt afl ? Bloggaraflokkinn.  Hér á blogginu er allt yfirfullt af spekingum.  Hér erum við hagfræðingar götunnar og samviska þjóðarinnar.  Þurfum bara að drífa okkur áður en okkur verður tilkynnt að Kolfinna verði forsætisráðherraefni nýs flokks sem er í burðarliðunum.

Fyrsta verkefni þessa nýja flokks verður stórhreingerning.   Einhver með?

   

Traust á stjórnmálaflokka er horfið

.....athyglisverðast við þessa könnun er að 45.1% þeirra sem tóku þátt í könnuninni treysta sér ekki til að styðja neitt stjórnmálaafl í landinu. Flokkarnir verða því allir að  líta í eigin barm.

Það að rúm 30% (af þeim sem tóku afstöðu til flokkanna) styðji enn Sjálfstæðisflokkinn hvers stefna hefur nú þeytt okkur áratugi aftur í tímann sannar fyrir mér sem ég hef alltaf haldið að þetta er sértrúarsöfnuður.

En það sem gerir mig bandóða þessa dagana er þegar því er haldið að okkur almenningi að við höfum eytt um efni fram.   Venjulegt launafólk getur varla skrifað undir það. Og við getum ekki borið ábyrgð á þeim sem hafa gert það.  Ekkert réttlætir það.    Hvað með alla sem misstu af góðærinu?  Auðvitað var aldrei neitt alvöru góðæri aðeins sýndarmennska.  Og blekking. Stjórnvöld neituðu að horfast í augu við að stórir hópar hér hafa lifað við  fátækt.  Landslagið í pólitík á eftir breytast mikið á næstu mánuðum.

Minnihluti styður stjórnina

Enginn með allar tölur réttar

......þannig var það líka hjá stjórnvöldum, bönkunum, Seðlabanka, Fjármálaeftirlitinu og auðmönnunum.

Enginn með allar tölur réttar