Ég er öskuill

,,,,,,,,,,,,,,,,ég virðist hafa tapað um 900 þúsundum á séreignarlífeyrissparnaðinum.   OK ég er einstæð móðir á meðallaunum (tæplega þó).   Meðallaununum hef ég náð með allt of mikilli vinnu. Ég er hætt að spara hér með.  Til hvers?  Þetta er ekki beinlínis hvetjandi.

Mér er algerlega ofboðið.

Ég verð að finna mér ríkan karl.

Jæja strákar nú er lag

.............inn með gjaldeyrinn. Íslenskt genasafn er kannski enhvers virði!!!

Sæðisgjafa skortir í Bretlandi

Þegar banki fer á hliðina

  ....................fellur bankaleynd niður. Gott að vita þetta.  Þess vegna er einfaldasta mál í heimi að skoða hverjir fluttu 100 milljarða úr landi nokkrum dögum fyrir yfirtökuna.   Og skipa þeim (neyðarlög ef þarf ) að flytja þetta lítilræði til baka.  Og birta síðan nöfn þeirra.  Það gengur ekki að sleppa þeim.

 

Gíslar í Lúxemborg?

.......Ég hef það fyrir satt að þessi frétt sé ekki allskostar rétt. Vinnufélagi minn á son sem vinnur (vann?) í Landsbankanum í Luxemborg.   Hún segir þvert á fréttina að starfsmönnum sé ekki hleypt út úr bankanum.  Þau voru stöðvuð við vinnu sína en komist hvergi og verðir hafi umlukt húsið.  Verðir gæta þess að enginn komist burtu.  Og þeim sé meinað að tala í síma.

Við erum aldeilis heppin að vera Íslendingar!!!!!!!!!!!!

Hvernig verður áramótaræða forsætisráðherra?

Salome hér að neðan dregur þetta til baka.

Greiðslustöðvun í Lúxemborg

Krónan hefur veikst um 90% frá áramótum

.......verður það 100% á morgun? Hvað þá?  Verðum við aftur dönsk?

Gengi krónunnar veiktist um 11,65%

Verslunarferð

...ég fór í verslunarferð í gær. Kaffipakkinn sem ég borgaði 725 kr  fyrir í 10-11. kostaði í gær  474 í Bónus.

Annars er merkilegt að versla í Hagkaup og Bónus í Holtagörðum. Verðmunurinn er mikill.  En af hverju getur ein baunadós kostað 70 kr í Bónus en 130 kr í Hagkaup?  Það er innangegnt á milli verslana og ég er viss um að dósirnar eru sóttar á sama lagerinn.  Sama gildir um aðrar vörur þarna.  Afhverju látum við endalaust fífla okkur?

Í Hagkaup þurfti ég aðstoð en fann engan starfsmann svo ekki er það þjónustan sem við erum að borga fyrir. 

Annars er dagurinn bjartur og fagur. Bankarnir lokaðir svo okkur er óhætt að láta eins og allt sé í himnalagi.

Hótun

Síðast liðið ár réði ég mig í hlutavinnu hjá fyrirtæki hér í bæ.  Fyrirtækið hefur ekki greitt mér að fullu sem því ber. Orlof sem ætti að vera um 170þús með vöxtum hefur ekki skilað sér inn á mína reikninga. Skattkorti hefur fyrirtækið ekki skilað til mín þrátt fyrir óskir þar um. Eftir of mikla þolinmæði af minni hálfu hef ég ákveðið að kæra fyrirtækið fyrir fjárdrátt og upplýsa stéttarfélagið mitt og alþjóð um hver á  í hlut. Veit að fyrirtækið er í vanskilum við fleiri en mig...höfum verið að spjalla saman starfsmenn.  Ef mér hafa ekki borist greiðslur fyrir næstkomandi mánudag fer ég á fullt skrið. Vonandi les ábyrgðarmaður þessa fyrirtækis þetta blogg. Er orðin öskuill.

Græðgi

Enn hækkar verð á matvöru. Það er eins og það sé lögmál að matvara hækki stöðugt. Verst að geta ekki hætt að borða. Það eina sem við neytendur getum gert er að sniðganga dýrustu verslanirnar, hætta að versla um helgar og á nóttunni. Verum vakandi....

Klukkubúðir hækka mest

Dr Gunni

 Mér finnst ástæða til að hrópa húrra fyrir Dr Gunna með Neytendaverðlaunin sín. Hann er vel að þeim kominn.

Þjónustuver Landsbankans

þolinmæði mín er á þrotum. Þegar ég kom  heim af næturvakt í morgun hringdi ég í þjónustver Landsbanka. Ýttu á einn og við munum hafa samband við þig innan klukkutíma. Tímarnir eru að verða þrír. Er búin að reyna að hringja aftur...Mig langar þessi ósköp að leggja mig.