Logn

Mikið er notalegt að sitja með rauðvínstár, kertaljós , Mahalia Jacksson og skrifa jólakort. Og það er logn. Jólafrímerkin eru frábær í ár.Laufabrauðslímmiðar. Sérstaklega gaman að setja á póst til útlanda. Venjulega þarf ég portvín til að geta skrifað jólakort. Síðastliðin nótt var ekki svona notaleg en þá hljóp ég hálft maraþon um allan garð á eftir jólaseríum og garðhúsgögnum og það á náttkjólnum.....ekkert jólalegt við það. En sannarlega kann ég að meta aðventu á fótum eftir þá reynslu að vera Gypsy Queen á strangri legu frá fyrsta des til 18.des. Margbrotin kona það árið. Ég man samt að mitt fyrsta verk eftir að ég mátti vera lóðrétt var að fara upp í stiga til að þvo glugga. Njótið aðventunnar.   Næsta lægð er enn dýpri en sú síðasta