Enn verðsamanburður.

 Fann strimil úr Hagkaup frá 18.mars.sl.svo samanburður er ekki alveg marktækur við Bónus í dag. En ég læt það flakka því tölurnar eru sláandi. Mínum verslunarferðum í Hagkaup er lokið nema að ég þurfi á einhverju sérstöku að halda.

                             Bónus...................................................Hagkaup

Fjörmjólk               98kr                                                          110kr

Gu, Mayones         71                                                               113

rjómi                     148                                                             183

toro sósur             86                                                                138

toro sósur             68                                                                190

skinka sambæril     192                                                              289

 

 Munurinn er ansi sláandi.

    En svona í leiðinni, finnst ykkur ekkert athugavert við að seðlabankstjóri  spái 30% verðlækkun á húsnæði á næstu tveimur árum????   Mér finnst algerlega ábyrgðarlaust að kasta þessu fram.

 

 

Athugasemdir

[Hólmdís Hjartardóttir, 11.4.2008 kl. 23:22]

Já sérstaklega nú á síðustu og verstu tímum.

[Guðrún Jóna Gunnarsdóttir, 11.4.2008 kl. 23:34]

Vöruverðið hefur löngum verið mun hærra í Hagkaup en Bónus, svo ekki sé minnst á 10-11 og 11-11 búðirnar. Sami eigandinn, mismunandi standard. Þegar grænmetið í Hagkaup fer að ,,fölna" er það flutt yfir í Bónust, sem jafnvel endurpakkar því sem og ýmsum öðrum  vörum, o.sfrv.

[Haukur Nikulásson, 11.4.2008 kl. 23:42]

Hólmdís, ég tengdi pistilinn minn við frétt og við það fór athugasemdin þín út. Mér þótti vænt um athugasemdina (alltaf þegar einhver er sammála manni og hefði því ekkert á móti því að hafa hana inni).

Ég er kominn á þá skoðun að ég verði líka að fara að venja komur mínar í Bónus þó mér finnist ekki skemmtilegt að versla þar. En verðmunurinn er einmitt hluti af mismuninum á þjónustustiginu. Það minnkar með lægra verðinu.

[Hólmdís Hjartardóttir, 11.4.2008 kl. 23:46]

Haukur eg setti aftur inn athugasemd. Ég held að við séum mörg sammála þér núna

[Hólmdís Hjartardóttir, 11.4.2008 kl. 23:51]

Guðrún í færslunni á undan tók ég bananaverð í þremur búðum og það var lægst í 11-11. Grænmetið í Bónus hefur lagast með bættri kæliaðstöðu. Ég hef oft farið í Hagkaup vegna þess að úrvalið td á grænmeti er meira.

[Hólmdís Hjartardóttir, 11.4.2008 kl. 23:54]

Guðrún. Grænmetið i Hagkaup hefur alltaf verið fjölbreyttara og girnilegra. Ástandið í Bónus hefur lagast til muna með betri kælingu. En vörurnar í dæminu hér að ofan eru allar eins. í færslunni á undan segi ég að bananar eru ódýrari í 11-11 en í Bónus.

[Sigrún Jónsdóttir, 12.4.2008 kl. 00:27]

Hvaða rosa gúmmelaði varstu að búa til í kringum 18. mars?

Auðvitað á að versla þar sem verðið er lægst.  Þetta með Seðlabankann! Ég held að "einhver" þar innanbúðar sé genginn af göflunum...endanlega.

[Hólmdís Hjartardóttir, 12.4.2008 kl. 00:37]

Sigrún ég er orðin alveg gapandi yfir Íslensku samfélagi.  Bananalýðveldi. Man ekki eldamennsku marsmánaðar!!! En hef mjög gaman að standa við eldavélina  Þetta með Davíð og Seðlabankann er örugglega ekki í lagi.

[Beturvitringur, 12.4.2008 kl. 01:52]

Samkaup/Strax Urðarbraut, Kópavogi

[Beturvitringur, 12.4.2008 kl. 01:54]

... ritari fékk skjálftahrinu, ætlaði að skrifa

Samkaup/Strax, Urðarbraut, Kópavogi    1 lítri mjólk   kr: 99

Bónus                                                      1  "      "       kr: 77

[Hólmdís Hjartardóttir, 12.4.2008 kl. 02:00]

Það munar um minna Beturvitrungur. Ég er handviss um að ef við gerum verðkannanir getum við sparað stórfé og ekki veitir af. Ég ætla ekki að láta plata mig meira....það er svo margt miklu skemmtilegra hægt að gera við aurana. Þó mér þyki mjög gott að borða góðan mat.

[Hólmdís Hjartardóttir, 12.4.2008 kl. 02:02]

Átti að vera Beturvitringur bið forláts á góðri Íslensku.

[Beturvitringur, 13.4.2008 kl. 01:25]

Mér fannst "-vitrungur" svolítið flott, sbr. griðungur, bolungur, bræðrungur o.s.frv.

[Hólmdís Hjartardóttir, 13.4.2008 kl. 01:54]