Á móti þjóðaratkvæðagreiðslu.

.....Hvernig er það hægt? Hvað er lýðræðislegra en þjóðaratkvæðisgreiðsla?  Ætti fólk ekki að fá að kjósa um flest mál sem varða heildarhagsmuni?  Það hlýtur að vera framtíðin að þjóðin kjósi um öll meiriháttar mál rafrænt.  Fljótlegt og ódýrt. Eftir góða kynningu, rök með og á móti ættum við að kjósa sem oftast.

Á móti þjóðaratkvæðagreiðslu

Athugasemdir

[Ragnar (IP-tala skráð) 16.5.2008 kl. 04:49]

Það er alveg ótrúlegt hvað sjálfstæðisflokkurinn getur verið á móti lýðræði.
Hann virðist alltaf vera á móti lýðræðislegum kosningum. Sem dæmi kosningar um álver í Straumsvík og nú þetta.

Er það ekki einmitt sjálfstæðisflokkurinn sem ætti að leggja sem flest mál í hendur fólksins í landinu?? Flokkur lýðræðis og frelsis....

[Arnar (IP-tala skráð) 16.5.2008 kl. 05:22]

Ég held að þið hafið aðeins misskilið fréttina, kannski vegna fyrirsagnarinnar. Hann er ekki að segja að hann sé almennt á móti þjóðaratkvæðagreiðslum, heldur að hann sé á móti að leggja í kostnaðarsama þjóðaratkvæðagreiðslu um eitthvað sem ekki er þörf á fyrr en ákveðið verði að sækja um Evrópusambandsaðild.

Ég er kannski sá eini sem skildi þetta svona ef marka má listann af blogfærslum við þessa frétt, hehe.

[Kristján P. Gudmundsson, 16.5.2008 kl. 05:36]

Ég held, að rafrænar kosningar eigi langt í land hjá okkur ofvitunum í þessu blessaða landi, því miður ? Kosið var um áframhaldandi veru Reykjavíkurflugvallar í Vatnsmýrinni fyrir síðustu aldamót. Þær kosningar voru illa undirbúnar, sem mest mátti vera, enda urðu niðurstöður þeirra kosninga hreinn skandall og þeim, sem að kosningunni stóðu til ævarandi skammar.

Umræðan um blessaða krónuna okkar er ekki heldur uppá marga fiska, og það bábilja að tala um að loka þeirri umræðu með rafrænum kosningum !

Við eigum mikið mannval á Alþingi, af báðum kynjum og það hefur verið kosið eftir lögum og leikreglum lýðræðisins af okkur, íslensku þjóðinni, til að ráða okkar málum, ekki satt ?

Vilja menn leggja Alþingi Íslendinga niður og taka upp "Alþingi Götunnar" með því að taka upp

rafrænar kosningar ? Væri ekki réttara að biðja réttahafa tölvuleikja að semja einhvern leik með því nafni og sjá þannig áður í sýndarveruleika afleiðingar slíks rugls.

Það má ekki heldur gleyma þeirri staðreynd, að okka ágæta Alþingi er stór vinnustaður með mikil umsvif bæði hérlendis og erlendis. Það er skelfilegt að hugsa til þess, að allt þetta fólk missi vinnuna og gera þyrfti við það starfslokasamninga. Engan spámann þarf til að sjá, að sú

aðför yrðo dýr gjörð.

Með kveðju frá Siglufirði, KPG.

[Hólmdís Hjartardóttir, 16.5.2008 kl. 11:52]

Takk fyrir innlit. Arnar þjóðaratkvæðagreiðsla á að svara hvort við viljium stefna að því að sækja um aðild....hún þjónar engu eftir að ákvörðun hefur verið tekin.. Svona atkvæðagreiðsla getur farið fram um leið og hefðbundnar kosningar.

Kristján það er náttúrulega skelfilegt ef allt þetta folk missti vinnuna... Ég vil að við fáum að kjósa oftar um mál....held að lýðræðið virki ekki alltaf á Íslandi

[Guðrún Jóna Gunnarsdóttir, 16.5.2008 kl. 14:33]

Ég er á því að þjóðin eigi að taka afstöðu en það er út í Q fyrr en umræða hefur farið fram og allir vel upplýstir.

Eins og staðan er í efnahagsmálum í dag og umræðan hefur verið myndu sennilega flestir stökkva umhugsunarlaust á inngöngu í þeirri trú að ESB væri törfalausn sem bjargaði ástandinu 

[Hólmdís Hjartardóttir, 16.5.2008 kl. 14:35]

Guðrún Jóna.......við kæmust ekki í ESB eins og staðan er núna. Það er nokkuð sem Sjálftökuflokkurinn vill ekki fá upp á yfirborðið.

[Jóna Kolbrún Garðarsdóttir, 17.5.2008 kl. 01:01]

 Auðvitað er það framtíðin, rafrænar kosningar um öll stóru málin

[Lilja Guðrún Þorvaldsdóttir, 17.5.2008 kl. 02:00]

Sammála.

[Marta B Helgadóttir, 17.5.2008 kl. 22:47]

Alveg sammála.

[Ásdís Sigurðardóttir, 17.5.2008 kl. 23:02]

Við ráðum aldrei neinu því miður. Er hægt að breyta því?? vonandi er ekki of bjartsýn.

[Viðskrifarinn (IP-tala skráð) 18.5.2008 kl. 01:56]

En er fyrirsögn fréttarinnar ekki röng?

Er "hann" ekki einmitt með þjóðaratkvæðagreiðslu þegar og ef innganga býðst og ákveðið hefur verið af ráðamönnum þjóðarinnar - hverjir svo sem það verða þá -  að slík innganga sé æskileg og að einmitt þá skuli leita eftir afstöðu þjóðarinnar allrar?

Af hverju að bauka við svoleiðis "núna" ... ef ekki á að ganga inn fyrr en eftir "dúk og disk"?  Hverjar yrðu aðstæður hér .. eða þar - þá?