Eldhúsið mitt er að verða allaufgað.

Hver var að tala um haust?.....Kom heim úr  vinnu skömmu eftir miðnætti og fór beint út í garð að huga að lausamunum minnug næturinnar forðum þegar ég dansaði á náttkjólnum hér úti.  Vonandi losna ég við það í nótt.  En eldhúsglugginn minn er opinn og það er bara talsvert af laufum hér og mold í glugganum.  Svona veður  kallar á kertaljós og notalegheit.

Annars fann ég það í vinnunni í kvöld að margir eru veðurhræddir.  Vona að nóttin verði bærileg hjá ykkur og það fari nú ekki allt á flot.

Í minningunni eru rafmagnslausir  norðlenskir stórhríðardagar bara notalegir.  Kertaljós og kósýheit. 

Athugasemdir

[Brynja skordal, 17.9.2008 kl. 02:01]

Er svo sem ekki neitt veðurhrædd en samt ekki gott að fásvona svakalegt vatnsveður allt á floti allstaðar eða þannig hafðu góða nótt Elskuleg

[Hólmdís Hjartardóttir, 17.9.2008 kl. 02:03]

Sömuleiðis

[Lára Hanna Einarsdóttir, 17.9.2008 kl. 02:19]

Sko, Hólmdís, sko... Hér vesturfrá hefur jú vissulega verið rok og talsverð rigning, en í minningunni er þetta ekkert mikið öðruvísi en venjulega. Lárétt rigning, mjög íslensk, og trén leggjast nánast á hliðina í rokinu.

Ég held að undanfarin góðviðrisár með "útlenskri, lóðréttri" rigningu hafi gert okkur að dekurrófum og fengið okkur til að gleyma því hvernig alltaf hefur rignt á Íslandi - mikið og lárétt.

Enda hefur aldrei verið hægt að nota regnhlífar hér þar til fyrir fáeinum árum þegar útlenska rigningin fór að koma.

[Jóna Kolbrún Garðarsdóttir, 17.9.2008 kl. 02:23]

Ég skil ekki hversvegna ekki er verra veður hérna hjá mér, yfirleitt blæs hann frekar hraustlega hérna á Nesinu.  Húsið mitt hlýtur að vera í skjóli núna. 

[Hólmdís Hjartardóttir, 17.9.2008 kl. 02:28]

lognið fer sæmilega hratt yfir hér hjá mér..........en man miklu verri veður

[Beturvitringur, 17.9.2008 kl. 02:50]

Ég kannast við þessa næturdansa, reyndar á svölunum og hurðin skelltist föst, allt bólgið og vatnsósa.

Verst af öllu finnst mér að hafa misst af jarðskjálftanum. Það hefur sennilega verið hann sem vakti mig en þá var hann líka yfirstaðinn. Meiri skjálfta? Er það hvort eð er ekki það sem við viljum?

[Húnbogi Valsson (IP-tala skráð) 17.9.2008 kl. 07:56]

Var að vinna í nótt á hellisheiði. Verstu vindkviðurnar voru svo hvassar að jafnvel klukkur gengu ekki nema undan vindi og ég meig sama hlandinu tvisvar. Legg af stað heim núna kl. 8 eini gallinn við að hjóla heim í þessu veðri er sá að skórnir fyllast af vatni.

[Hólmdís Hjartardóttir, 17.9.2008 kl. 11:11]

Beturvitringur....jú það var hábölvað að missa af skjálftanum.

Húnbogi....úff ætlarðu að hjóla heim?  Karl í krapinu.  Ég veit hvaða dagur er í dag

[Magnús Geir Guðmundsson, 17.9.2008 kl. 12:14]

Já, þriðjudagurinn 17. september, en eitthvað spes við hann meir?

DAns á náttkjólnum já, Regndansinn eða SVerðdansinn?

En Húnbogi er auðvitað hörkutól eins og þingeyingar nær og fjær eru auðvitað, nefni til dæmis Hákon hjólreiðakappa og háskólalærimeistara, þyrfti líklega "Tvöfaldan Ike" til að stoppa hann!

En viss rómantík já yfir hríðarbyljum og hökktandi rafmagnsljósi, þó maður hafi nú líka bölvað því í bland!

En man nú ekkert eftir þessari lóðréttu Láruhönnurigningu!? Hlýtur helst bara að hafa verið staðbundið veðurfyrirbæri á Vesturgötunni hennar lengst af!?

[Magnús Geir Guðmundsson, 17.9.2008 kl. 12:15]

Afsakiðafsakið, Miðvikudagur 17.. hlýt að hafa fengið sólstíng!

[Hólmdís Hjartardóttir, 17.9.2008 kl. 12:25]

já Magnús Geir þú hefur fengið sólstig....19 gráður á Akureyri kl 12. Systir Húnboga hefði átt fimmtugsafmæli í dag hefði hún lifað. Hún var bekkjarsystir mín allan grunnskólann

[Hólmdís Hjartardóttir, 17.9.2008 kl. 12:27]

sólsting............ég hef orðið fyrir of mikilli vindkælingu

[Magnús Geir Guðmundsson, 17.9.2008 kl. 12:59]

Ó, vissi það ekki, en fallegt og virðingarvert hjá þér að minnast þess. Hélt þú værir bara að grínast eitthvað í sveitunganum.

Vona að Húnboga finnist það ekki leitt að ég fékk þig óvart til að segja frá þessu!

[Hólmdís Hjartardóttir, 17.9.2008 kl. 13:02]

Húnboga þykir eflaust bara gott að við munum eftir henni

[Haraldur Bjarnason, 17.9.2008 kl. 14:46]

...og uppvaskið á kafi í laufblöðum!!

[Hólmdís Hjartardóttir, 17.9.2008 kl. 14:47]

[Húnbogi Valsson (IP-tala skráð) 17.9.2008 kl. 16:04]

Þakka hlýleg orð um hana systur mína heitna. Það er sjálfsagt að heiðra minningu hennar.

Til að forðast misskilning, þá hjólaði ég ekki frá Hellisheiði og heim, heldur frá Síðumúla og í Kópavog. Var að fá nýtt hjól af bestu gerð og það er algjör nautn að ferðast á því.

[Hólmdís Hjartardóttir, 17.9.2008 kl. 16:38]

Húnbogi......það er nú öllu styttri leið en frá Hellisheiðinni........annars hjólar Árni Vill hiklaust austur í Grásíðu.   Já ég hugsa til systur þinnar í dag.

[Magnús Geir Guðmundsson, 17.9.2008 kl. 18:08]

Árni Vill, er það einn þingeyskur hjólagarpurinn til?

[Hólmdís Hjartardóttir, 17.9.2008 kl. 18:24]

Árni Vill er 71 eins árs hjólagarpur á Húsavík sem bjó á milli okkar Húnboga.  Hann er eins og unglingur.