Seðlabankastjóri rassskellti Jón Ásgeir

......loksins tókst honum að flengja strákskrattann.   Og við borgum brúsann þú og ég. Einhvern veginn held ég að myrkraverkin í nótt eigi eftir að hafa skelfilegar afleiðingar og margir muni missa lífsviðurværið. Dóminoáhrifin munu ekki láta á sér standa. Glitnismenn eru ekki á því að þetta hafi verið nauðsynleg aðgerð.  Ekki get ég metið það.  Ég hef á tilfinningunni að þessi gjörð hafi verið af annarlegum hvötum.....að minnsta kosti segir púkinn á öxlinni á mér það.  Nú held ég að kóngurinn sé kátur.

Hinir bankarnir tapa líka

Athugasemdir

[Haraldur Davíðsson, 29.9.2008 kl. 18:29]

Já kallinum hefur nú örugglega ekki þótt þetta leiðinlegt...

....en jú ég er sammála þér um að líklegt sé að eitthvað persónulegt hafi spilað með núna.....

[Lilja G. Bolladóttir, 29.9.2008 kl. 20:09]

Ja, allavega miðað við hvað Lárus Welding sagði í Silfri Egils fyrir viku síðan, að staða Glitnis væri batnandi og það væri enginn möguleiki á því að bankinn yrði þjóðnýttur..... þá koma þessar aðgerðir svolítið eins og þruma úr "heiðskíru" lofti. En ég trúi því ekki að ríkisstjórnin hafi af óknyttaskap einum saman, látið hluthafa tapa nánast stærsta hluta af sínum verðmætum í bankanum. Það eiga margir hlutabréf í Glitni, líka venjulegt fólk eins og við. Ef þú áttir sem sagt hlutabréf fyrir 800.000 kr. þá eru þau núna 100.000 kr. virði. Ef þú áttir 8.000.000 hlutafé, þá átt þú núna 1.000.000. Mikið má Davíð hata Jón Ásgeir ef hann gerir svona án þess að það hafi verið nauðsynlegt. Nei, ég trúi því bara ekki.  

[Hólmdís Hjartardóttir, 29.9.2008 kl. 20:31]

Ég held að DO sé varla sjálfrátt þegar kemur að JÁJ....því miður.  Viðbrögð bankamanna hafa öll verið á einn veg menn eru furðu lostnir.  Vinkona mín áti einmitt um 8 millur í hlutafé (ellilífeyririnn hennar).  En staðan getur vissulega lagast.

[Lilja Guðrún Þorvaldsdóttir, 29.9.2008 kl. 21:42]

Ég á erfitt með að ímynda mér að DO yrði látinn komast upp með svona aðgerð, eingöngu vegna blinds haturs á þeim Bónusfeðgum,  það er bara svo fráleitt. - Það hlýtur eitthvað annað og meira að liggja þarna að baki.

[Hólmdís Hjartardóttir, 29.9.2008 kl. 21:50]

Vona að þú hafir rétt fyrir þér Lilja mín..............ég er bara svo sannfærð um að .etta hafi haft áhrif.  En gaman að sjá þig hér. Vonandi gengur vel.

[Hallmundur Kristinsson, 29.9.2008 kl. 22:06]

Svalur í Svörtuloftum
sveiflar nú brandi illum
bænheitur bað hann oft um
að Baugur lenti í villum.

[Hólmdís Hjartardóttir, 29.9.2008 kl. 22:18]

þú ert góður Hallmundur

[Hallmundur Kristinsson, 29.9.2008 kl. 22:22]

 

[Magnús Geir Guðmundsson, 29.9.2008 kl. 22:39]

Ja, Hallmundur er allavega ekki VONDUR eins og sá er um er rætt á að vera!

En tek undir með þér Dísin dökka, (einvher vinkonan kjaftaði frá því haha) að ljúft að sjá hana Lilju góðu leikkonu aftur á ferð og fær hún góða kveðju.

En á vettvangi þess alvarlega, þá er skilnanlegt að fólk fari nú ekki að trúa nokkrum hlut sem bankaburgeisarnir segja, en TRÚA nánast hverju sem er á hinn bógin um hvers vegna þetta gerðist og hvað svo geti gerst í framhaldinu!En þótt "Bubbi kóngur" hafi nú verið valdamikill og það um of og áhrifagjarn, verð ég nú að vera nokk sammála Liljunum báðum, sem mæla nokkuð svo sannfærandi, of margir sem komu að þessu til að rassskellingin þín gangi upp!

En að meira hangi á spýtunni er auðvitað mjög líklegt og fleira eigi eftir að koma upp úr dúrnum!

Nú kannast ég við hann Máa frá fornu fari, hann bæði mikill keppnis- og skapmaður, svo það kemur nú ekki beinlínnis á óvart þótt hann sé ekki sáttur. En svo er auðvitað já alveg eðlilegt að spyrja hvort þetta mun í raun duga og hafi þar með verið rétt til að sporna því að verri hlutir gerðust? Það verður tíminn bara að leiða í ljós og þá hvort púkinn þinn á öxlinni nettu hafi á móti rétt fyrir þér, þetta sé bara byrjunin á falli spilaborgarinnar!?

[Magnús Geir Guðmundsson, 29.9.2008 kl. 22:52]

Vona nú samt að þú hafir getað gert eitthvað skemmtilegt fyrir stelpuna og gefið henni eitthvað gott og mannbætandi í afmælisgjöf, til dæmis Death Magnetics, nýju plötuna með Metallica!?

[Hólmdís Hjartardóttir, 29.9.2008 kl. 22:52]

Dísin er nú ekki mjög dökk.....GJ man bara eftir mér með dökku strípurnar...hahaha.

En þið hafið meirir trú á DO en ég.

[Magnús Geir Guðmundsson, 29.9.2008 kl. 22:59]

Óneineinei, ekki segja að ég hafi trú á DO, mín kæra "Hvorki-né" Dökka!

Hef þvert á móti litla trú og álit á honum fyrir hans pólitísku stefnu og hefðun oft á tíðum, en sé það ekki fyrir mér að hann hafi ráðið hér einn um ákvarðanir.

[Hólmdís Hjartardóttir, 29.9.2008 kl. 23:05]

Fugl hvíslaði að mér að ástandið innan seðlabanka væri mjög erfitt..........

[Magnús Geir Guðmundsson, 29.9.2008 kl. 23:12]

En nú hnaut ég um annað hérna ofar sem þú sagðir, en ég hafði ekki lesið almennilega. Ertu í alvöru viss um að þessi eldri vinkona þín hafi fjárfest í hlutabre´fum í bankanum fyrir 8 m., það verið virkilega þannig að henni hafi verið ráðlagt að eyða ellilífeyrir í slíkt?

Það ætti ekki að ráðleggja nokkrum eldri borgara slíkt, nema þá að hann væri þeim mun efnaðari gæti lagt sitt fé víða og þá m.a. í áhættufjárfestingu eins og hlutabréfakaup eru í eðli sínu.

[Hólmdís Hjartardóttir, 29.9.2008 kl. 23:15]

já það er virkilega þannig............og 8 millur eru orðnar að einni. En landið getur nú risið aftur.

[Sigrún Jónsdóttir, 29.9.2008 kl. 23:45]

Ég verð því miður að hallast á sveif með þér Hólmdís mín.  Mér finnst dæmið einfaldlega ekki ganga upp eftir fréttir dagsins.

[Magnús Geir Guðmundsson, 29.9.2008 kl. 23:50]

Jújú, líkt og holdið og andinn!

Engu að síður slæmt að heyra þykir mér, en veit auðvitað ekki hvernig aðstæður vinkonu þinnar eru að öðru leiti.

[Hólmdís Hjartardóttir, 30.9.2008 kl. 00:09]

Sigrún ég finn einhverja fýlu af þessu.....

Mangi minn.....hún vinkona mín á efir að pluma sig

[Magnús Geir Guðmundsson, 30.9.2008 kl. 00:39]

Var að sjá grein eftir Hallgrím Helga og skil því núna hví menn eru svona heitir á DO í málinu. En svo er hún Solla á sjúkrabeðinu og kannski meir veik en haldið var, því varla hægt að skammast út í hana fyrir að vera ekki á vettvangi sem annar leiðtogi ríkisstjórnarinnar!

En kannski það sé inmitt stóra málið, kvennlega skynsemi og innsæi vantar í þessa fjárans karlapeningaveröld!

[Jóna Kolbrún Garðarsdóttir, 30.9.2008 kl. 00:51]

Ég heyrði svona samsæriskenningar í vinnunni minni í kvöld,  "hefnd Davíðs á Jóni Ásgeir".  Ég vona bara að Davíð sé ekki svona siðblindur. 

[Hólmdís Hjartardóttir, 30.9.2008 kl. 00:56]

Magnús....senilega vantar kvenlegt insæi....las líka HH

Jk.............?????

[Lilja G. Bolladóttir, 30.9.2008 kl. 02:21]

Ég verð nú að segja enn og aftur að það er ekki nokkur leið að menn hefðu látið Davíð komast upp með svona aðgerðir, til þess eins að hefna sín á Jóni Ásgeiri. Við skulum ekki gleyma því að fjölmargir embættismenn "á bak við tjöldin" komu að þessum fundum, sem og öllum öðrum, meðal annars sat faðir minn þá alla sem embættismaður forsætisráðuneytisins..... og að svona fundum koma allir ráðgjafar ráðherranna og ríkisstjórnarinnar, ráðherrarnir eru bara opinberu andlitin. Ráðherrarnir reikna ekki allar tölur út sjálfir, þeir bara kynna þær..... enda gæti t.d. dýralæknirinn ekki einn og sjálfur samið fjárlagafrumvarpið, þið vitið að það eru embættismenn ráðuneytis hans sem reikna það út. Það er ekki möguleiki að þessir opinberu starfsmenn, sem sitja á sínum póstum sama hvaða ríkisstjórn er við völd, myndu láta hafa sig út í einkaplott Davíðs. Það er bara ekki séns..... 

[Hólmdís Hjartardóttir, 30.9.2008 kl. 02:33]

Lilja mikil er trú þín kona.  En vonandi er þetta bull í mér eins og svo ótal margt annað.........