Kastljósið

,,,,,horfði andaktug á Kastljósið .  Þorsteinn Már lýsti samskiptum við Seðlabankann  um helgina og ég trúði hverju orði sem hann sagði.  Ekki þótti mér síður athyglivert að sjá Viðskiptaráðherra.  Honum var greinilega brugðið. Það var eins og hann hefði allt í einu kveikt á perunni eftir að hafa hlustað á Þorstein Má.   Kom greinilega alveg af fjöllum.   Og hafði augljóslega ekki komið að málinu fyrr en hann var upplýstur á sunnudagkvöld.  Að hlusta á þessi viðtöl styrkti þá trú mína að það væri einleikari í Svörtuloftum.  Sem hefði einn stjórnað atburðarrásinni.    Þetta er eins og einhvers konar einvígi milli Jóns Ásgeirs og Davíðs.  Sem lýkur ekki fyrr en annar fellur frá. Það er eðlilegt að ÞM efist um hæfi DO í málinu.

Framsóknarmenn minna á að það sé Alþingis að taka þær ákvarðanir sem DO tók.  Ekki ríkisstjórnar einnar hvað þá seðlabankastjóra.

En ég get upplýst að Glitnishúsið á Kirkjusandi var vel upplýst nú fyrir miðnættið.  Það kæmi mér hreint ekki á óvart að þeim tækist að endurfjármagna bankann.  Og rassskelltu DO þar með.  Nú eiga þeir leik.

Geirharður upplýsti að hann hefði verið í stöðugu sambandi við ISG vegna málsins.  Hugsanlega er hún afsökuð í málinu. Var að koma úr heilaaðgerð og væntanlega vel lyfjuð. En gárungarnir segja að hún sé ein í þessari ríkisstjórn sem geti sannað að hún hafi eitthvað í hausnum það hafi sést á mynd en hafi reyndar verið lítið..........

Vona bara að það verði ekki fjöldaflótti frá landinu...................með krónuna í frjálsu falli

Sameining Glitnis og Landsbanka ólíkleg

Athugasemdir

[Jóna Kolbrún Garðarsdóttir, 1.10.2008 kl. 01:48]

Ástandið í þjóðfélaginu er alveg hræðilegt.  Maður bíður spenntur eftir næstu skrefum í þessari refskák. 

[Hólmdís Hjartardóttir, 1.10.2008 kl. 02:00]

Elsku JK   ÞETTA ER BARA BYRJUNIN

[Gudrún Hauksdótttir, 1.10.2008 kl. 07:51]

Tó fólk vildi flýja land tá er ástandid ekki betra annarsstadar trúdu mér.Í svona international krísu eru allir med  tví midur.

hvernig ætla rádamenn tjódarinnar ad bregdast vid tad er mest adkallandi núna ad mínu mati.

Madur verdur bara ad herda sultarólina enntá meira

Fadmlag á tig

[Sigríður Hulda Richardsdóttir, 1.10.2008 kl. 09:17]

Ég er ansi hrædd um að Davíð standi á bak við þetta allt saman. Hann er mjög hefnigjarn maður.

Af hverju er þjóðin ekki búin að losa sig við þann mann fyrir löngu síðan?

[Hólmdís Hjartardóttir, 1.10.2008 kl. 09:23]

ohh Sigga mín hvernig er hægt að losna við hann?

Jyderupdrottning...........launin okkar eru bara tölur á blaði en algerlega orðin verðlaus

[Guðmundur Ásgeirsson, 1.10.2008 kl. 10:07]

Það skein sterkt í gegn í viðtölum Kastljóssins í gær að einleikur Davíðs gekk ekki eingöngu á svig við stóran hluta ríkisstjórninarinnar, heldur virðist vera að kollegar hans í bankastjórn Seðlabankans hafi ekki einu sinni verið hafðir með í öllum ráðum! Skammarlegt, sértsaklega hversu augljós valdníðslan er.

Komum öll á Austurvöll eftir hádegi í dag, mætum þessum mönnum á þeirra heimavelli og sýnum þeim viljann í verki. Tonn af fiðri og þúsund lítra af tjöru takk!

[Hólmdís Hjartardóttir, 1.10.2008 kl. 10:18]

Guðmundur....ég heyrði að andrúmsloftið í Seðlabankanum sé orðið erfitt vegna einlekarans.  Auðvitað eigum við að mótmæla.....það þarf bara miklu meiri kynningu.  Og svo eru margir sem trúa því að DO hafi verið að gera góðverk.........

[Hólmdís Hjartardóttir, 1.10.2008 kl. 11:43]

Það verður að finna ný vistunarúrræði fyrir DO