Kosningaslagorð á Nýja Íslandi

.....hvernig verða þau?  Ég er handviss um að núverandi flokkakerfi á eftir að riðlast mikið. Og það er rétt hjá Agli Helgasyni að það geta verið spennandi tímar að byggja upp aftur. Heimsmyndin verður gjörbreytt eftir að þessari kreppu líkur. Valdahlutföll eiga eftir að breytast í heiminum. Og Nýja Ísland verður öðruvísi en það sem við þekkjum núna.  Mörg uppgjör eiga eftir að fara fram. Og einhverjir verða að axla ábyrgð.  Kannski er loksins kominn tími jafnréttis?   Ég held að tími kvenna sé að koma á ÍSLANDI. Verðmætamatið á eftir að gjörbreytast sem ég held að verði gott.

Munið þið eftir síðustu kosningaloforðum? Og slagorðunum? Hvað með " traust efnahagsstjórn" og góðæri.  Nú er jú hallæri.  Og ljóst að efnahagsstjórnin brást. Hvernig haldið þið að slagorðin hljómi næst? ( geri ráð fyrir að við höldum sjálfstæði).  Gerist nú spámenn í eigin föðurlandi.

Athugasemdir

[Sigrún Jónsdóttir, 10.10.2008 kl. 21:50]

Veljum konur til verka, karlarnir brugðust!

Framapot er vísir á gjaldþrot, leggjum grunninn að jafnrétti!

Konur við völd er okkar nýja veröld!

Hvílum lúðana, lánum þeim púðana!

[Hólmdís Hjartardóttir, 10.10.2008 kl. 22:05]

Búkollabaular.......sjálfstæðiflokkurinn verður örflokkur

Sigrún góð!

[Hólmdís Hjartardóttir, 10.10.2008 kl. 22:16]

Það verði ákveðin lágmarkslaun og hámarkslaun.

" Ein þjóð"   

[Hólmdís Hjartardóttir, 10.10.2008 kl. 22:21]

Kannski það verði Jóhanna sem verður næsti forsætisráðherra? Hennar tími að koma?  Mér litist mjög vel á það.

[Sigrún Jónsdóttir, 10.10.2008 kl. 22:26]

Já, það er komið að "þjóðarvakningu"

[Húnbogi Valsson (IP-tala skráð) 10.10.2008 kl. 22:33]

Ég hef, í innleggi einhversstaðar á blogginu, vitnað í kreppuna í Færeyjum. Þar sem myndaðist yfirstétt sem varð forrík á að leika sér með erlent lánsfé og heirði ótrúlegar sögur af því hvernig sú yfirstétt hagaði sér. Þegar kom að skuldadögum, hrundi allt. Það var upp úr 1990 og mér til undrunar þá virðist enginn, hér á blogginu, muna eftir því. Færeyingar voru hins vegar samtaka um að vinna sig út úr þessu. Sá það, árið 1994, að á bjórflöskunum (Föröya Bjór) stóð eitthvað á þessa leið: "Með því að kaupa föröyska framleiðslu klárum við okkur gegnum krepputíðina". Þeim tókst það á skömmum tíma, Þó að þeir þurfi að framleiða mest allt sitt rafmagn með dísil vélum og hafa enga möguleika á að byggja stóriðju (bara svo ég nefni dæmi). Ef við eigum að standa saman um að vinna okkur út úr þessu, þá eiga allir og þá á ég við ALLIR! að taka þátt í því. Davíð og bankastjórarnir og oligarkarnir, kvótagreifarnir, matadorarnir.....Ef einhver þykist yfir það hafinn að bera sameiginlegar byrðar, þá er ekki von á góðu.....

[Hólmdís Hjartardóttir, 10.10.2008 kl. 22:33]

Sannarlega Sigrún

[Sigrún Óskars, 10.10.2008 kl. 22:42]

hvílum lúðana - lánum þeim púðana - þetta er gullkorn dagsins.

verðmætamatið breytist pottþétt eftir þessar hremmingar og eyðslufyllerý. Margir þunnir núna.

[Hólmdís Hjartardóttir, 10.10.2008 kl. 22:46]

Húnbogi Færeyingar eru með öruggan fjárstuðning Dana. En afhverju er enginn áróður fyrir því að velja Íslenskt?  Og sannarlega verðum við ÖLL að vinna að því markmiði að reisa Ísland við

[Hólmdís Hjartardóttir, 10.10.2008 kl. 22:48]

Og það eru slæmir timburmenn Sigrún

[Jóna Kolbrún Garðarsdóttir, 11.10.2008 kl. 01:36]

Sparsemi, ráðdeild, og hagsýni !! Það verður nýja slagorðið. 

[Guðrún Jóna Gunnarsdóttir, 11.10.2008 kl. 02:00]

Úff! Ekki auðvelt að leggja fram spádóm áður en timburmennirni láta undan. En svona miðað við söguna og reynsluna, mun Sjálfstæðisflokkurinn ná ríkjandi stöðu eftir næstu kosningar. Einhverjar smávegisbreytingar á núverandi stefnu og framkomu, til að byrja með, þó ekki mikil. Gera sennilega samning  við Framsókn ef sá flokkur verður enn til meira en að nafninu til.

[Hólmdís Hjartardóttir, 11.10.2008 kl. 02:26]

Jóna Kolbrún kannski

Jæja Anna?

Guðrún Jóna ég held þú lesir vitlaust í spilin.