Jólaflóð

...............ég hélt mig væri að dreyma þegar ég steig fram úr rúminu áðan.    Hélt fyrst að ég væri komin á fjarlæga strönd.  En svo rann sannleikurinn upp fyrir mér.  Það var allt á floti.  En jólalegt!  

Fann strax skýringuna. Dóttir mín fór í bað áður en hún fór í vinnu í morgun.  Það hefur flætt hressilega uppfyrir hjá henni.  Allar mottur, handklæði og jafnvel rúmteppi voru rennandi á gólfinu.  Hún hefur reynt að þurrka eitthvað......en því miður vakti hún mig ekki.    Gólfið er ónýtt það er nokkuð ljóst. Maður frá tryggingarfélaginu á leiðinni.

Þetta var ekki á óskalista dagsins.

 

Athugasemdir

[Heidi Strand, 26.12.2008 kl. 12:14]

Þú hefur alla mína samúð. Við fengum einu sinni nýársflóð og varð að tæma íbúðina og þurrka. Þetta var rosaleg vinna, en tryggingafélagið reyndist vel í þessu tilviki.
Vona að allt gengur vel. Bestu kveðjur.

[Hólmdís Hjartardóttir, 26.12.2008 kl. 12:58]

Rakaskiljan komin í gang!

[Neddi, 26.12.2008 kl. 14:15]

Þú getur þakkað fyrir það þetta var baðvatn en ekki klóakið eins og ég lenti í í haust.

En leiðinlegt samt gólfið skildi eyðileggjast.

[Hólmdís Hjartardóttir, 26.12.2008 kl. 14:23]

Vala þetta er betra en bruni!  ( ég er náskyld Pollyönnu)

Neddi já.....hér hafa farið fram 3 stórar klóakviðgerðir...með tilheyrandi gólfbrotum!

Ég hefði heldur viljað þetta á öðrum tíma en jólunum.  En ég er vel tryggð.

[Sigurgeir Orri Sigurgeirsson, 26.12.2008 kl. 14:33]

Æjæ... en leiðinlegt.

[Sigrún Jónsdóttir, 26.12.2008 kl. 14:47]

Æi, þetta var leiðinlegt.  Knúsaðu dóttur þegar hún kemur heim....hún er örugglega alveg miður sín

[Jakobína Ingunn Ólafsdóttir, 26.12.2008 kl. 15:03]

Vona að tryggingarnar verði góðar við þig Pollyanna....og að þetta komist fljótlega í lag....

[Hólmdís Hjartardóttir, 26.12.2008 kl. 15:08]

Takk öll fyrir "samúðarkveðjur".

[Víðir Benediktsson, 26.12.2008 kl. 15:27]

Eina skiptið sem ég hef grætt á ævinni var þegar ég varð fyrir vatnstjóni. Tryggingarnar borguðu og þegar ég var búinn að gera við átti ég talverðan afgang. Vann að vísu alla vinnuna sjálfur.

[Hólmdís Hjartardóttir, 26.12.2008 kl. 16:45]

Víðir..............á nú ekki von á gróða!

Enda ætla ég ekki að vinna þetta sjálf.

[Gudrún Hauksdótttir, 26.12.2008 kl. 18:33]

ÆÆ ekki gott ad heyra.....Snúllan tín verdur örugglega midur sín.

Gangi ykkur vel med tryggingarfelagid....Knús til ykkar

[Hólmdís Hjartardóttir, 26.12.2008 kl. 18:44]

Takk Drottning.

[Offari, 27.12.2008 kl. 02:25]

Ég vona bara að þér gangi betur að eiga við tryggingarfélagið en mér gengur.  Annars á ég tölvert af parketi og flísum sem ég veit ekki hvort ég kem til með að nota.

[Jóna Kolbrún Garðarsdóttir, 27.12.2008 kl. 02:28]

En hræðilegt að lenda í svona vatnstjóni um jól.  Vonandi færður fullar bætur á tjóninu. 

[Magnús Geir Guðmundsson, 27.12.2008 kl. 02:34]

Í betrunarvist til Borgundarhólms með stelpuótuktina hið snarasta!

Eða allavega láta hana borga ef tryggingarnar gera það ekki!

Alltílagialltílagi,á ekki að vera svona grimmilegur á jólunum, hun fær ekki að fara í bað næstu þrjár vikur þá, mesta lagi í sturtu og ef baðbanni yrði aflétt, þá færi hún aldrei án eftirlits!

En ljótt af Örlaga-Valda að fara svona með þig!

[Hólmdís Hjartardóttir, 27.12.2008 kl. 03:42]

Offari við skoðum þetta í rólegheitum

Jóna Kolla þetta hefði mátt gerast á öðrum tíma

Mangi minn við sendum Örlaga-Valda til Brimarhólms

[Magnús Geir Guðmundsson, 27.12.2008 kl. 22:04]

Alltaf skal móðureðlið sigra skynsemina!

Hvað ef túttan myndi næst sitja reykjandi í baðinu, dreymandi um einhvern dengsaling og kveikja svo bara í þannig að þú kæmist ekki sjálf í bað næstu þrjár vikurnar? SEgðir líklega bara "skamm elskan, ekki gera þetta aftur"!?