Blysförin frá Stjórnarráðinu að Hótel Borg.

...............Við mættum galvaskar ég og Sigrún Jóndóttir bloggvinkona. Mætingin betri en við áttum von á á Gamlársdag.  Áberandi hversu margt fullorðið fólk tók þátt í þessu í dag. Neyðarblysum var skotið upp og kallaði fólk eftir hjálp.   Má segja að Austurvöllur hafi verið reykfylltur í dag. Ætlunarverkið var að trufla útsendingu á Kryddsíldinni og það tókst en ég harma að unnin voru skemmdarverk.  Við yfirgáfum sviðið til að fá okkur heitt súkkulaði í grenndinni.  Þá sáum við sjúkrabílana koma að. Við fórum heim áður en þessu lauk og urðum aldrei varar við nein læti. Við vorum stoltar að því að taka þátt í dag.

Ég vona að þið eigið skemmtilegt Gamlárskvöld.

Kryddsíld lokið vegna skemmdarverka

Athugasemdir

[Húnbogi Valsson (IP-tala skráð) 31.12.2008 kl. 15:32]

Vel af sér vikið hjá þér. Ég er ekki jafn stoltur. Þurfti að fara í vinnu og missti því af þessu.

[Hólmdís Hjartardóttir, 31.12.2008 kl. 15:35]

Húnbogi......það að vera í vinnu er lögleg afsökun.  Eigðu gott kvöld.

[Óskar (IP-tala skráð) 31.12.2008 kl. 15:40]

Já gott hjá ykkur að fara og mótmæla:) og það friðsamlega. En hitt pakkið eyðilagði nú þetta fyrir ykkur elsku kellingin  mín. Sjaldan hef ég orðið jafn snögg reiður og núna, ef eg hafði hugleitt það að kjósa vinstri græna þá fauk það allrar veraldar til.

Þetta voru fáranleg mótmæli.

[Húnbogi Valsson (IP-tala skráð) 31.12.2008 kl. 15:59]

Það hefur sýnt sig að friðsamleg mótmæli virka ekki og þessar skemmdir eru smámunir miðað við það tjón á efnahag og orðspori þjóðarinnar sem mótmælendur eru að reyna að afstýra með því að koma sökudólgunum frá.

[Sigrún Jónsdóttir, 31.12.2008 kl. 16:04]

Ég er stolt af öllum mótmælendum dagsins.  Við höfum lengi vitað að það hlyti að koma að þessu....því mælirinn er löngu fullur.

Takk fyrir daginn

[Víðir Benediktsson, 31.12.2008 kl. 16:18]

Ég sem var viss um að þú værir í steininum. Ætlaði að heimsækja þig.

[Hólmdís Hjartardóttir, 31.12.2008 kl. 16:19]

Óskar ertu Pé '? Ég vil ekki skemmdarverk eða líkamsmeiðignar.

Húnbogi við erum að mótmæla hrikalegum skemmdarverkum.......

Sigrún takk sömuleiðis.

Vona að þið eigið öll gott kvöld

[Hólmdís Hjartardóttir, 31.12.2008 kl. 16:20]

Víðir takk fyrir það! Við svosem hugleiddum hvað væri í matinn þar í kvöld!

[Ásdís Sigurðardóttir, 31.12.2008 kl. 17:02]

Kæri bloggvinur, ég óska þér gleðilegs nýs árs og þakka fyrir skemmtileg kynni á árinu megi nýja árið færa þér hamingju og gleði. Kær kveðja

[Rannveig H, 31.12.2008 kl. 17:12]

Takk fyrir að standa vaktina ég er stolt af ykkur vinkonum meðan ég er að hafa það gott í sveitinni. Kær kveðja og gleðilegt ár.

[Hólmdís Hjartardóttir, 31.12.2008 kl. 17:34]

Rannveig og Ásdís óska ykkur gleðilegs árs,

[Heidi Strand, 31.12.2008 kl. 19:55]

Takk fyrir daginn Hólmdís. Mér leið illa þegar löggan hótaði okkur  með gas þar sem vorum  í friðsemd. Þá vissi ég að það mundi verða ólæti.

Það eru ekki allir sem eiga fyrir mat, en þeir sem eru í steininn fær að minnsta kosti að borða.

Gleðilegt byltingarár!

[Hólmdís Hjartardóttir, 31.12.2008 kl. 20:14]

Sömuleiðis Heidi.

Þú hefur vonandi sloppið við gasið!

[Magnús Geir Guðmundsson, 31.12.2008 kl. 21:41]

Nú er ég ekki alveg dús við hann Húnboga vin vorn. Tjónið í dag vissulega ekki mikið miðað við það sem orðið er, en það réttlætir alls ekki að þar með sé allt í lagi að vinna enn meira tjón. Og hvers á saklaust starfsfólk STöðvar 2 að gjalda, að verða fyrir meiðslum og svo fyrirtækið sjálft fyrir tjóni á tækjum, sem kannski er mjög mikið?

ER hið rétta viðkvæði, að "Svo skal böl bæta, að auka við"!?

[Hólmdís Hjartardóttir, 31.12.2008 kl. 22:15]

Magnús ég vil ekki skemmdir á eignum og ekki líkamsmeiðingar.  Því miður eru alltaf einhverjir sem ganga of langt