Hólmdís Hjartardóttir

23.1.2009 | 16:33

Auðvitað halda mótmælin áfram.

Hér hefur ekkert gerst sem stöðvar mótmælin. Jafnvel þótt búið sé að ákveða kosningar í vor. Enginn hefur enn axlað ábyrgð og sama fólkið situr í öllum embættum.Er búið að skipta um stjórn FME og SÍ? Hélt ekki.

Ég óska bæði Geir og Ingibjörgu góðs bata og velfarnaðar í framtíðinni. Og engin ástæða til að ætla að þau nái ekki fullum bata. En við getum ekki látið af kröfum okkar af samúð við þau. Mér sýnist fólk vera að ruglast dálítið í ríminu vegna veikinda þeirra.

Ríkisstjórnin á að segja af sér strax.

	Róleg mótmæli á Austurvelli
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Og hvað viltu að verði gert? Á að setja Geir og ISG á Kvíabryggju?

Viltu kannski fá Steingrím J við stýrið?!

Farðu heim að sofa og athugaðu hvort þú verðir ekki aðeins ferskari á morgun.

Freyr (IP-tala skráð) 23.1.2009 kl. 16:46

Ég vil utanþingsstjórn

Hólmdís Hjartardóttir, 23.1.2009 kl. 16:53

Veist þú hvað utanþingsstjórn er?! Og hverja vildirðu sjá í henni?

Freyr (IP-tala skráð) 23.1.2009 kl. 17:06

Mér finnst þetta að vísu ágæt lausn með kosningar í vor, hefði frekar viljað sjá þær næsta vetur því það hefði sennilega verið skynsamlegra en ég sætti mig þó við milliveginn. Kannski ættu mótmælendur að gera það sama og koma til móts við okkur sem vilja ekki rugla til í stjórnmálum núna.

Axel (IP-tala skráð) 23.1.2009 kl. 17:11

Hélt ekki... hættu bara að google-a þetta. Þú verður a.m.k. að vita hvað það er sem þú ert að heimta.

Freyr (IP-tala skráð) 23.1.2009 kl. 17:17

Nei ertu hér enn Freyr. Já ég veit hvað er utanþingsstjórn og það er til nóg af fólki sem ekki er rúið trausti til að sitja í henni. Núverandi ríkisstjórn er gersamlega rúin trausti.

Axel ég vil rugla í stjórnmálunum núna....

Hólmdís Hjartardóttir, 23.1.2009 kl. 17:25

Þetta er náttúrulega týpískt... hér er beðið um neyðarstjórn, viðkomandi veit líklega ekki hvað það er og enginn hefur hugmynd um hver á að vera í þeirri stjórn (né hver kærir sig um það).

Þætti gaman að fá staðfestingu á vitneskju þinni með því að þú svaraðir þá bloggheimi hvað neyðarstjórn sé. Og svo hver ætti að vera þar...

Freyr (IP-tala skráð) 23.1.2009 kl. 17:29

Í stjórnarkreppu er það forseti sem skipar utanþingsstjórn. Sú stjórn situr þar til starfhæf ríkisstjórn er mynduð. Ég vil þetta frekar en að núverandi stjórnmálamenn allra flokka myndi þjóðstjórn. Persónulega myndi ég helst af öllu vilja sjá erlenda sérfræðinga til að stýra landinu næstu mánuði.

Þorvaldur Gylfason, Stefán Ólafsson, Hulda Gunnlaugsdóttir og fleiri nöfn koma upp í hugann þegar Íslendingar eru skoðaðir.

Hólmdís Hjartardóttir, 23.1.2009 kl. 17:48

Það eru nú ákveðin lög til um það Freyr, sjáðu þetta.

24. grein stjórnarskrár Íslands.

" Forseti lýðveldisins getur rofið Alþingi, og skal þá stofnað til nýrra kosninga, áður en 45 dagar eru liðnir frá því er gert var kunnugt um þingrofið, enda komi Alþingi saman eigi síðar en tíu vikum eftir að það var rofið. Alþingismenn skulu halda umboði sínu til kjördags."

Það er öllu hugsandi fólki ljóst að við erum að lifa tíma þar sem allt riðar til falls Freyr, og ef þú sérð ástæðu til að treysta fullu bílstjórunum til að keyra áfram, þá skaltu endilega taka þá afstöðu næst þegar Sjálfgræðisflokkurinn leyfir þér að kjósa sig og verði þér að góðu.

En flokkakerfið er úr sér gengið og hefur verið lengi, til uppljómunar þér og öðrum eins þenkjandi má benda á stórgóða bók sem heitir Löglegt en siðlaust, sem tekur út leynda þræði spillingar og stjórnmála á Íslandi, og forheimsku þeirra sem horfa með blinda auganu.

Einnig má benda þér Freyr á mynd sem getur snúið uppá sannfæringu hörðustu frjálshyggjupésa og heitir Money Masters frá 1996, og skýrir út mikilvægi þess að losa okkur við tengsl stjórnmálalhagsmuna og viðskiptahagsmuna.

Haraldur Davíðsson, 23.1.2009 kl. 18:02

Veikindi HANS eru nú helst að rugla fólk Hólmdís, ekki hennar. Og sumir að missa vitið af vandlætingu yfir hvössum viðbröðgum HT við veikindatíðindum Geirs.

En svo er nú líka rétt að undirstrika, að það er ekki búið að ákveða neinar kosningar 9. mai, þetta er enn sem komið er allavega einungis tillaga sjallanna!

Magnús Geir Guðmundsson, 23.1.2009 kl. 18:15