Ég hef fulla trú á Jóhönnu

.....og hún er eflaust sá stjórnmálamaður sem flestir Íslendingar treysta. Gaman að heyra hana svara fréttamönnum.  Það er nýr stíll. Hún talar mannamál. Hún fer ekki undan í flæmingi.  

Það er stutt til kosninga og þessi stjórn sem er að myndast á bara að vinna brýnustu verkin. Tryggja heimilin.  Skipta um stjórn seðlabanka.  Ég vona að sem flestir ráðherrar verði utanþingsfólk.  Það er eina leiðin til að tryggja frið í samfélaginu. 

Þjóðin mun halda vöku sinni. Það er nóg af pottum og pönnum í landinu ef á þarf að halda.

Það sést á fréttum að ráðherrar Sjálfstæðisflokks eru hreint ekki hættir.

Nær Evrópu með Vinstri grænum

Athugasemdir

[Offari, 28.1.2009 kl. 18:11]

Já það er mjög líklegt að hún hugsi um kjósendur á síðast korterinu fyrir kosningar.

[haffi (IP-tala skráð) 28.1.2009 kl. 18:58]

Mannamál? hún iðaði eins og henni væri mál að míga og svaraði eftir því.  Hvernig er hægt að vera nær Evrópu með VG sem er sá flokkur sem ætti að vera ólíklegastur til að fara í ESB heldur en sjálfstæðisflokknum? Nei þetta er ekki mannamál frekar en allt annað frá samspillingunni

[haffi (IP-tala skráð) 28.1.2009 kl. 19:51]

Nú  hvar eru rökin fyrir ESB aðild?  Er það langvarandi atvinnuleysi?  Er það til lengdar óhagkvæmur gjaldmiðill?  Er það að færa ákvörðunartöku úr landi? Er það til þess að vera eins og hinir?  Hvar eru þessi rök sem þú rökræðir?  Og heilaþvottur?  Aðeins samspillingarfólk er heilaþvegið enda fráleitt að jafn sundurstíga fólk geti farið í einn flokk en samt nokkuð gott að það er bara sundrun í þessu spillingarbæli.

[Jakobína Ingunn Ólafsdóttir, 28.1.2009 kl. 20:18]

Jóhanna er ágæt svo langt sem það nær. Hún hefur þó ekkert í það ástand sem ríkir núna. Enginn samfylkingarráðherranna ræður við ástandið sem er mjög alvarlagt.

Það er mjög auðvelt að tala um hvað fólk vill gera en spurningin er hvað er hægt að gera. Ég er hrædd um að Jóhönnu skorti það sem þarf til.

Með þessu er ég að taka ábyrga afstöðu en ég verða gera það því börnin okkar eiga að borga brúsann. Það er stunt af hálfu samfylkingar að setja Jóhönnu í forsvar rétt fyrir kosningar og ekki ætla ég að taka undir þá blekkingu.

[Hólmdís Hjartardóttir, 28.1.2009 kl. 20:24]

Jakobína ég held að Jóhanna geti þetta.  Þetta er ekki mín óskastjórn.

[haffi (IP-tala skráð) 28.1.2009 kl. 20:49]

Einmitt Einar,  svona er rökin þín.  Hvernig ætlastu að rökræða við VG fólk með þessi rök þín? 

[Hólmdís Hjartardóttir, 28.1.2009 kl. 21:07]

Persónulega er ég ekki sannfærð um að við eigum að ganga í ESB en ég vil að við skoðum það og kynnum rækilega og svo á þjóðin að kjósa

[Sigrún Óskars, 28.1.2009 kl. 22:03]

hef líka fulla trú á Jóhönnu