Hólmdís Hjartardóttir

1.3.2009 | 14:20

Ísland-Noregur 0-10

Munurinn á Íslandi og Noregi er sá að í Noregi er hægt að lifa á grunnlaununum.....yfirvinna óþörf.

Ég veit að þrátt fyrir tilraunir stjórnvalda til að koma í veg fyrir að heilbrigðisstarfsfólk flykkist úr landi er áhuginn mikill. Nú þegar niðurskurðarhnífnum er beitt svo grimmdarlega í heilbrigðiskerfinu og lág laun að skerðast er fátt sem heldur aftur af fólki sem á heimangegnt. Og hvað eiga þeir heilbrigðisstarfsmenn sem fá uppsagnarbréf að gera?

Fyrir nokkrum árum flutti ungur hjúkrunarfræðingur til Noregs. Hún er einstæð móðir og á Íslandi náði hún ekki endum saman. Í dag á hún sitt hús og sumarhús. Kemur til Íslands einu sinni á ári og fer í tvær utanlandsferðir aðrar árlega. Hún vinnur ALDREI yfirvinnu. Hún ætlar aldrei að flytja til Íslands aftur í gegndarlaust álagið og baslið....Hún uppgötvaði að lífið er ekki bara þrældómur.

Ég heyri margar svona sögur.

	Leita að fagfólki á Íslandi
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Spáðu í það ef við íslendingar þyrftum ekki að vinna yfirvinnu - gætum lifað af grunnlaunum

Þetta er eitthvað sem manni finnst óhugsandi

Sigrún Óskars, 1.3.2009 kl. 15:18

Já, flytjið bara öll úr landi.

Birgir (IP-tala skráð) 1.3.2009 kl. 15:59

Við erum svo svakalega dugleg....þú veist.....og hamingjusöm....þú manst

Sigrún Jónsdóttir, 1.3.2009 kl. 16:38

Ég skil vel að fólk kjósi að flytja til útlanda, þar er hægt að njóta lífsins án þess að vinna sig í hel.

Jóna Kolbrún Garðarsdóttir, 1.3.2009 kl. 17:18

förum öll....

Hólmdís Hjartardóttir, 1.3.2009 kl. 23:47

Heima er samt alltaf best finnst mér.

Knús á þig krútta

Tína, 2.3.2009 kl. 11:05

Eru þá Norðmenn að gera þetta sem sjálfstæðismenn á Íslandi gera? Græða á daginn og grilla á kvöldin? Líka þeir sem eru smiðir eða vinna á sjúkrahúsi?

Jón Halldór Guðmundsson, 3.3.2009 kl. 08:39