Flower power

..................Það er óneitanlega svolítið surrealistikst að gerast flóttamaður frá Íslandi.  Ég hafði aldrei trú á að ofurlaun og ævintýramennska í útlöndum gæti staðist til lengdar.   En að það færi svo að ég gerðist flóttamaður frá Íslandi....mig óraði aldrei fyrir því.   Og mér finnst það drepfúlt...og er öskureið.

En þetta  mikla hrun breytir væntanlega gildismati fólks.....svo þá er til nokkurs unnið.

Ég er komin á svo virðingarverðan aldur...að ég hélt að bráðum færi ég að hafa það gott á Íslandi. Gæti lagst í ferðalög....og dundað í garðinum....

En nei..þá rak Ísland mig að heiman.....bókstalega sparkaði mér fram úr rúminu.

Vinnufélagar mínir sem halda vinnunni eru líka að hugsa um að gerast flóttamenn....sjá bara fram á meira álag og launaskerðingu.  Við látum ekki segja okkur að það sé göfugt að halda þannig áfram.

Þessi færsla er fyrst og fremst fyrir þá sem vilja láta skáldagyðjuna skína....

 

 

Athugasemdir

[Hilmar Gunnlaugsson, 31.3.2009 kl. 01:34]

Þetta er leitt ástand. Fyrir rúmlega hálfu ári taldi ég mig öruggann um friðsælt og hamingjusamt líf en nú ræður óvissan og atvinnuleysið þó ég reyni að vera jákvæður.

[Jóna Kolbrún Garðarsdóttir, 31.3.2009 kl. 01:35]

Þetta er ömurlegt, að þurfa að gerast flóttamaður.  Hvernig er með stelpurnar þínar ætla þær að fylgja þér?  

[Hólmdís Hjartardóttir, 31.3.2009 kl. 01:45]

sennilega sú yngri Kolla

Hilmar...ég hefði aldrei trúað þessu...

[Offari, 31.3.2009 kl. 08:32]

Ég heimsæki þig sjaldan en nú verður það líklega mun sjaldnar því ég vill helst ekki yfirgega skerið. Kannsli hef ég efni á að heimsækja þig í næsta góðæri.

[Hólmdís Hjartardóttir, 31.3.2009 kl. 08:55]

Valla nei....

Offari....verð komin til baka

[Sporðdrekinn, 31.3.2009 kl. 13:11]

Thetta er ósangjarnt

[Guðrún Emilía Guðnadóttir, 31.3.2009 kl. 19:49]

Þú bloggar vonandi frá Norge, en þú ætlaðir að koma norður áður en þú færir út.
Þá kemur þú við hjá mér elskan
KnúsMilla.

[Víðir Benediktsson, 31.3.2009 kl. 21:49]

Brátt líður að burtferðardegi,

Brott kveður héðan í vor.

Gengin af glötunarvegi,

gafst upp á skyrbjúg og hor

Noregur heilsar að handan,

heillandi blikar í ver.

Eftir skal Frónið í Fjandann,

fúleggja brimkalda sker.

Rata skal réttasta veginn,

rífa sig burtu er mál.

Frelsinu gargandi fegin,

flúin af landi brott. SKÁL

[Hólmdís Hjartardóttir, 1.4.2009 kl. 08:40]

Víðir skáldagyðjan hefur heldur betur hitt þig.

[Lilja Guðrún Þorvaldsdóttir, 1.4.2009 kl. 12:35]

VÁ!  Það er svo dýrt kveðið hjá honum Víði hér fyrir ofan að maður tímir varla að skrifa. -

 Vildi bara segja, að Sjúklingar landsins mega ekki við því, að missa þig og þína líka úr landi.  Það er of dýru verði keypt, ofaná allt annað.

[Hólmdís Hjartardóttir, 1.4.2009 kl. 17:18]

Lilja það er bara sorglegt hve margir eru að hugsa sér til hreyfings á mínum vinnustað

[Hólmdís Hjartardóttir, 1.4.2009 kl. 17:18]

Milla ég kem við