Ótrúlegt

.....að enn séu til óþekktir ættbálkar og að enn sé verið að finna nýjar dýrategundir á landi. Og það ekkert svo smáar.  Hvað skyldi leynast í hafinu sem enginn veit um. Kannski ekkert undarlegt að þeir finni ekki Bin Laden.

Myndir nást af óþekktum ættbálki í Brasilíu

Vatnajökull kominn í stuð.

Jarðskjálftakort Veðurstofunnar lítur út eins og einhver hafi misst úr smartíspoka. Ein stjarna er þarna líka. Spennandi að fylgjast með þessu. Stærsti skjálftinn í þessari hrinu er 3.8

Alltaf er Íslendingur til frásagnar!!

   Annars er þetta gríðarlegur skjálfti og tala látinna komin í 107 og á örugglega eftir að hækka mikið því miður. En ég segi enn og aftur Íslendingar virðast alltaf til frásagnar þegar svona atburðir gerast.

Fimm látnir í jarðskjálfta

Drottning

Jú sumarið er að koma. Hér flögraði yfir mér mikil drottning. En lifitíminn er stuttur og var hún þögnuð eftir u.þ.b 1 mínútu. En fyrir mig er þetta öruggt merki  um að sumarið er aðkoma. En ég finn hana ekki ...verð líklega að ryksuga.

...Er á leið á árshátíð á Hótel Borg í kvöld.....reyni að breyta mér í drottningu. Hókus Pókus.

Skjálftahrina fyrir norðan.

Er nokkuð nýr Dalvíkurskjálfti á leiðinni?   Annars er aðalerindið að biðja fólk að lesa blogg mitt ,uppreisn:

Ólíklegt að eldgos verði á næstunni við Upptyppinga

Þessu trúi ég nú ekki. Bíð enn og vona

Ólíklegt að eldgos verði á næstunni við Upptyppinga

Löng meðganga

og langdregin fæðing hjá henni Álftadyngju. Hríðarnar detta alltaf niður. Ætli útvíkkunin sé ekki orðin ca.6 ???  Erfitt að bíða eftir afkvæminu. En klukkan er orðin 4. Var að vinna í kvöld, kom heim, hengdi upp þvott,tíndi óhreint leirtau úr stofunni með tilheyrandi pirringi. Settist svo við skattskýrsluna. Fæ ekki vaxtatekjur og staðgreiðslu á bankabókunum til að stemma. Verð að spyrja ráða....eða skoða leiðbeiningar síðar. Heilabúið er steinhætt að virka og fer ekki í gang aftur fyrr en um hádegisbil á morgun. Undir sæng.

Upptyppingar/Álftadalsdyngja.

Ég fylgist alltaf spennt með jarðskjálftum á Íslandi. Fékk þennan áhuga í arf frá föður mínum. Í  kjallaranum hjá okkur var í mörg ár staðsettur jarðskjálftamælir. Gaman var að fylgjast með skjálftum í Kröflueldum og svo skjálftum í Gjástykki  og Öxarfirði. Og stundum var bara nóg um að vera. Ætlaði einu sinni að verða jarðfræðingur en ekki hefur orðið af því enn. En skjálftarnir fyrir austan eru nú margir á um 1.1km dýpi svo þeir hafa nú heldur betur grynnst. En þeir eru hvorki margir né stórir.

 

Upptyppingar.

Nú er fjör við Upptyppinga.....Hvað er í vændum?? Annars las ég brandara dagsins í morgun: Grímseyjarferjan að verða tilbúin.....finnst þó að ég hafi heyrt hann áður.

Jarðskjálfti upp á 5.3

Vaknaði klukkan 5 eftir 12 tíma svefn. Pestarskömm og flugþreyta að plaga mig. Beið mín þá tölvupóstur frá London þar sem sagði að snarpur skjálfti hefði hrist Bretland um eitt leytið í nótt, fannst m.a . í London. Alltaf missi ég af.......Er búin að leiðrétta fyrirsögn en fyrstu tölur voru 4.9