Vika

Það er sá tími sem ég gef nýrri borgarstjórn. Skrautlegir tímar framundan.......segir völvan

Fegin

að heita ekki Ólafur F eða Vilhjálmur eða  Björn Ingi. Þvílík læti á borgarstjórnarfundi í beinni útsendingu. Man varla eftir öðru eins. Dagur reynir að stilla fólkið. Hvernig líður nýjum meirihluta??  Hann er mjög veikur og verður skammlífur......segir völvan.

Bingi Boss hættur

Það eru stórfréttir daglega og nú segir Björn Ingi bless. Enda ekkert gaman að vera bara óbreyttur borgarfulltrúi.  Fleiri fréttir væntanlegar á næstu dögum......spáir völvan.  Annars var leikurinn frábær í kvöld

Skoðanakannanir

Visir.is hefur verið með skoðanakannanir í gangi í dag. U.þ.b. 20% hafa trú á að ný borgarstjórn lifi út kjörtímabilið. 80% treysta ekki Ólafi sem borgarstjóra. UM 30% styðja nýja stjórn. Þetta er ekki glæsilegt. Ólafur gleymdi að tala við þá sem voru með honum á lista, svo virðist sem Vilhjálmur hafi gleymt að ræða ýmislegt við sitt fólk. Ég man þegar Vilhjálmur tók við borginni síðast varð stórfelldur niðurskurður á Droplaugarstöðum með fyrstu verkum nýrrar stjórnar sem lagði svo mikla áherslu á málefni aldraðra. Ég held að farsinn haldi áfram. Allir tapa á þessum sandkassaleik. Vonandi gefst einhver tími til að vinna að málefnum borgarbúa. Þesssi gjörningur mun þjappa vinstri mönnum saman. Sundrungin mun vaxa í Sjálfstæðisflokknum. Ólafur hverfur úr stjórnmálum en hefur etv.náð að koma einhverjum hugðarefnum sínum í framkvæmd.  Sennilega verða bara 3 flokkar í framboði í næstu borgastjórnarkosningum sem er gott mál.

Flest á niðurleið.

Hlutabréfin, krónan, veðrið og fylgi sjálfstæðisflokksins. Síðustu tölur um fylgi við nýja borgarstjórn á visi.is er 31.6%. Það eina sem ég hef séð á uppleið í dag er undirskriftarlisti gegn andlýðræðislegum gjörningi gamla góða Villa. Menn eiga að þekkja sinn vitjunartíma.

Blaðamannafundur kl 19

Þetta var nú heldur kauðsleg uppákoma.  Hanna Birna gat vart hamið kæti sína. Nýi borgarstjórinn kynnti málefnasamning. En það sem vakti mesta athygli mína þegar verið var að spyrja Ólaf F út í heilsufarið svaraði Villi ; hann Ólafur er jafntraustur og ég var þegar ég tók við þessu embætti: Það var nú einmitt það. Ekki held ég að Vilhjálms verði minnst fyrir traust. En það er á hreinu að þetta er ekki gæfuspor fyrir borgina. Og ekki mun þetta endast lengi. Eins og staðan er núna er Ólafur valdamesti maður borgarinnar. Hann fékk allar sínar óskir samþykktar. Sjálfstæðisflokkurinn vildi allt til vinna að ná völdum.          Og svo að lokum, gott að Fischer fékk að hvíla þar sem hann vildi sjálfur.

Mönnun á hjúkrunarheimilum

Enn á ný er mönnunarvandi hjúkrunarheimila í kastljósi fjölmiðla. Svo er komið að sum þessara heimila eru að meiri hluta mönnuð erlendu starfsfólki og því miður eru tungumálaerfiðleikar daglegt brauð. Nú er svo komið að Hrafnista sér ekki annað í stöðunni en að bjóða útlendingum tveggja mánaða námskeið í íslensku gegn því að vinna í 2 ár. Þetta er hættuleg braut. Íslenskir starfsmenn gefast upp að vinna með illa talandi fólki. Gamalt heyrnarskert fólk einangrast vegna tungumálaerfiðleika. Droplaugarstaðir hafa farið þessa leið að bjóða erlendum starfmönnum kennslu. Það tekur langan tíma að læra íslensku þannig að þú sért fær um að sinna öldruðum. Stutt námskeið duga engan veginn til. En íslenska starfsfólkið gefst upp. Álagið af að vera kannske eini íslendingurinn á vakt er mikið.  Vonandi verður tekið tillit til þessa ófremdarástands í komandi kjarasamningum. Pólska er aðaltungumálið á Droplaugarstöðum, hana tala ég ekki, því gafst ég upp og margir aðrir. Snúum þróuninn við.

Allherjarspaugstofa.

Það er bara ekki hægt að láta sér leiðast á Íslandi. Nýir farsar á hverjum degi. Ég vona að dómarafarsinn lifi svolítið lengur. Svo er það framsókn. Kannske síðasti framsóknarmaðurinn fái legstað á Þingvöllum. Dánarorsök: sjálfsmorð. Meinið étur þá innan frá. Og svo er það Fischer, eigendur hans vilja að ríkið sjái um útför. þetta er allt saman svo sprenghlægilegt að það hálfa væri nóg. Og á eftir er handbolti, þjóðin fer allan tilfinningaskalann.  Hvað ætli verði svo á morgun?

Fatalaus

Ég er á leiðinni í mikið og langt ferðalag. Draumareisan til Vietnam. En mig vantar föt í ferðalagið en skortir fé til kaupa þau. Lausnin er fundin. Ég geng bara í Framsóknarflokkinn og fæ fatastyrk. Langar engan að vita hver kom bréfi Guðjóns Ólafs til fjölmiðla og í hvaða tilgangi???

Mountain, Dakóta.

Geir Haarde styrkti smábæ í BNA um 5 milljónir til að byggja félagsmiðstöð. Afhverju í ósköpunum??Flokkast þetta sem þróunaraðstoð? Ég hef á tilfinningunni að þetta hafi aldrei átt að fréttast hér. Geta ráðherrar farið eftir svona skyndihugdettum og dælt skattfé okkar í svona ýmislegt smálegt erlendis??? Spyr sú sem ekki veit og ekki skilur.