Áfellisdómur yfir skattastefnu.

Fær Stefán Ólafsson afsökunarbeiðni?

Áfellisdómur yfir skattastefnu

Frumvarp á alþingi.

Nú á hlaupársdag berast þau ánægjulegu tíðindi neðan úr alþingi að frumvarp um breytingar á Tóbaksvarnarlögum hafi verið lagt fram(eða verði á næstu dögum).Frumvarpið gerir ráð fyrir að veitingastaðir geti haft sérstök reykrými að uppfylltum ákveðnum skilyrðum. Ég fagna þessu. Ég hef varla nennt að fara inn á veitingahús í vetur vegna kulda og illviðra. Þá er nú betra að sitja í sinni stofu með bjór og smók heldur en að híma undir húsvegg við öldurhús. Ég held að lögin sem nú gilda hefðu þurft að fara í umhverfismat. Ef til vill þekkja alþingismenn ekki nægilega til íslensks veðurfars???? En veðrið er þó það hryssingslegt að þeir fóru ekki sjálfir út að reykja. Reyndar var ég farin að sjá hagnaðarvon í skemmtistaðakuldagöllum.

Mannekla mikið áhyggjuefni

Margítrekað hefur verið bent á þetta. Staðan á Landspítala hefur lengi verið slæm og er ekkert að batna. Mikið álag á spítalanum og lág laun fæla fólk frá að ráða sig í vinnu. Það þarf sérstakt átak til að laga þetta en viljann til þess hefur vantað hjá stjórnvöldum. Það væri undrunarefni ef engin mistök væru gerð undir því álagi sem er á starfsfólk.

Mannekla mikið áhyggjuefni

Silfur Egils

Eftir að hafa sofið Silfrið tvisvar af mér horfði ég á það í morgun. það er klárt mál að ég mun fylgjast með skrifum Andrésar Magnússonar læknis framvegis. Hann talar mannamál. Og hefur rétt fyrir sér að ég hygg. Aöl. fannst mér þetta frekar slappur þáttur. Svaf reyndar Eurovision að mestu af mér. Sigurlagið er nú heldur slakt sem betur fer. Þurfum ekkert að óttast að þurfa að halda keppnina hér. En veit að Íslendingar verða mjög sigurvissir þegar nálgast aðalkeppnina og þá er allt eins og vera ber ekki satt???      En Eric Clapton má enginn láta fram hjá sér fara.

Reykjavik

er stjornlaus synist mer. Er ekki haegt ad stoppa tetta astand.? Mikid vildi eg ad haegt vaeri ad kjosa. Tad er ekki haegt ad bjoda borgarbuum upp a tetta. Tomt rugl. Tad goda vid tetta er to ad sjalfstaedisisflokkurinn verdur ekki kosinn til ad stjorna i naestu kosningum. En tad er leidinlegt ad sja folk fara illa ut ur tessu personulega. Afhverju haettir folkid ekki sjalft? Tessarar stjornar verdur minnst sem oreidustjornarinnar. Sorglegt astand fyrir borgarbua sem eiga betra skilid.

3 klukkustundir

Já það er sá tími sem það tekur forstjóra Straums Burðaráss að vinna fyrir mánaðarlaunum aðhlynningarfólks. Er starfið hans svona miklu verðmætara???

Ísland -Japan

Ég hef það fyrir satt að í Japan þyki fínt að vinna við aðhlynningu aldraðra. Launin eru há og miklar kröfur gerðar um menntun og hæfni starfsmanna. Færri komast að en vilja og eru biðlistar fyrir þá sem vilja vinna á öldrunarstofnunum. Á Íslandi fær fólk vasapeninga fyrir að vinna þessi störf. Allir sem sækja um fá vinnu, engar kröfur gerðar. Mikil mannekla. Þykir mjög ófínt á Íslandi, svo mjög að sumir leyna því hvar þeir vinna. Þurfum við ekki að breyta einhverju hér??

Undarlegt

Gerist einhver sekur um að flytja inn fíkniefni er það rasismi að segja hvers lenskur viðkomandi er nema hann sé íslenskur. Nú leikur grunur á að starfsmaður hjá fjármálaráðuneytinu sé viðriðinn fíkniefnasmygl. Er ekki dálítið hæpið að segja hvar maðurinn vinnur??? Etv spinnast upp sögur um marga starfsmenn ráðuneytisins að ósekju. Ég kannast bara við einn úr þessu ráðuneyti og hefur jafnvel dottið í hug að hann sé á ;einhverju;

uhu eða galdragrip

Eitthvað segir mér að nýji meirilutinn í borginni sé þegar sprunginn og óstarfhæfur. Enda tala allir út og suður, austur vestur. Það mun þurfa eitthvað sterkara en gamla uhu til að halda þessu saman. En að spaugstofunni, ég skemmti mér konunglega. Ég tók borgarstjóragríninu meira sem ádeilu á umræðu um veikindi Ólafs, alls ekki sem gert væri grín að veikindum hans. Hins vegar hefur mér þótt umfjöllun um veikindi hans ósmekkleg á köflum. Nú hefur hann opinberað veikindi sín nauðugur og vonandi hefur maðurinn bara náð sér. Gömlu húsin við Laugaveg hafa verið keypt allt of dýru verði. Til þess hefði ekki þurft að koma ef til væri almennilegt skipulag og heildstæð stefna í þessum málum.  Þetta er einfaldlega dálítið seint í rassinn gripið. Ég vil fá einhverja aðra en misvitra stjórnmálamenn til að marka stefnu í þessum málum. Fordæmið er ekki gott en þessi hús verða til prýði eftir rúman milljarð eða svo. Allir stjórnmálaflokkar eru samsekir um rugl í skipulagsmálum og stefnuleysi enda eru stjórnmálamenn ekki hæfastir til að móta stefnu í þessum málum. Lærum af mistökum,gerum betur.

Biðlaun

Ég bara trúi því ekki að borgarstjórnarmaður eins og Björn Ingi  eigi rétt á biðlaunum þegar hann af fúsum og frjálsum vilja ákveður að hætta á miðju kjörtímabili. Það er ansi dýrt fyrir borgina að hafa marga á borgarstjórnarlaunum og biðlaunum. Legg til að BI verði boðið starf á leikskóla eða við aðhlynningu aldraðra á meðan hann þyggur laun. Þá áttar hann sig kannske á því sem brýnast er að gera í borginni. Ég held að nýr borgarstjórnarmeirihluti hefði gott af að fara í starfskynningu á þessar stofnanir.