Hver er þessi Davíð??

En frekar en að velta mér upp úr því ætla ég að setja í 5. gír í heimilisverkum fram að dr. House, hlusta bara á leikinn Nú ætla ég að gera það sem ég ætlaði í gær og fyrradag

Ruslpóstur

Er ekki einfaldast að banna allan ruslpóst. Í tonnatali fer pappírinn í ruslið ólesinn. Ekki vil ég þetta pappírsflóð inn til mín. Mikið held ég að póstburðarfólk sem er að sligast undan þunganum af þessu rusli yrði fegið. Þetta er tilgangslaus sóun á pappír. Þekkið þið einhvern sem vill þetta heim til sín???

Enn af vinnubrögðum Dagfinns.

Nú hefur Ástráður Haraldsson hæstaréttarlögmaður tjáð þá skoðun sín að skipan ÞD í embætti dómara hafi verið röng, ómálefnaleg og ólögleg. Verulegar líkur á á ráðningin yrði ógilduð fyrir dómi. Enn einn lögfræðingurinn sem væntanlega hefur rangt fyrir sér að mati ráðherra Sjálfstæðisflokksins. Er Árna Matthiessyni sætt í ráðherrastóli??

Ég er miður mín

Já í alvöru þá er ég bara döpur. Ég hef enga skoðun á Þorsteini Davíðssyni, þekki manninn ekki og hlusta helst ekki á slúður. En að hlusta á Geir Haarde, Þorger ði Katrínu, Össur og Árna Matthiesen reyna að réttlæta þessa ráðningu er skelfilegt. Las grein Sigurðar Líndal sem Geir H segir honum til minnkunar. Hlusta eftir því sem nefndin segir. Hlusta á Frey Ófeigsson. Allir þessir ráðherrar hafa skroppið saman í mínum augum. Ég hef áhyggjur af lýðræðinu. Ég kaus Samfylkinguna í síðustu kosningum. Ég ætla ekki að gera það næst ef þetta verður látið líðast.  Og ég veit að margir kjósendur Sjálfstæðisflokksins eru mér sammála. Þessi flokkur verður að fara frá völdum.

Grímseyjarferjan

Kemst hún til hafnar?

Vopnuð rán

Annað vopnað rán í verslun 11-11 á Grensásvegi. Ekki þykir mér ótrúlegt að sami aðili hafi verið að verki,gekk svo vel síðast.  Í bæði skiftin voru unglingar við störf. 15 ára dóttir mín afgreiðir í matvöruverslun og þar hefur nýlega verið framið rán.  Það sem ég er að hugsa um er að í flestum verslunum eru unglingar við afgreiðslustörf. Hvernig er öryggi þeirra tryggt??? Ég sé að í nálægri 10-11 verslun vinna starfsmenn frá Securitas á nóttunni.  Ég vona að vel verði hugað að öryggi barnanna í þessum verslunum. Hins vega finnst mér helstu rök gegn áfengi í matvöruverslanir lágur aldur starfsmanna.

Heppni

Mikið erum við nú heppnir Íslendingar að hafa svona afburða ráðherra sem skjóta sig í fótinn í hvert skifti sem þeir opna munninn. Hafnir yfir alla gagnrýni, öll rök. Sumir hafa verið of lengi í óstjórn

Hlemmur

í framhaldi af umræðum um verndun miðborgarinnar. Ég nota Strætó.(þið vitið ekki hvað ég á erfitt með að skrifa svona orðskrýpi) Ég fer oft um Hlemm. Um miðjan dag svona hvunndags er það yfirleitt án sérstakrar upplifunar. Um helgar og á sérstökum hátíðisdögum verður veröldin önnur. Hversu oft hef ég vaðið ælur, blóð, hland og  glerbrot þarna ?. Ég hef gengið inn í slagsmál og stöðvað þau. Ég get ekki horft á það að sparkað sé í höfuð liggjandi manns. Ég hef fylgst með drukknum og vímuðum unglingum pólskum og íslenskum. Ég hef séð rónana fá sér brjóstbirtu og kúgast.... Ég hef mætt nöktum manni á skóm.... Ég hef staðið skjálfandi og beðið eftir bíl án þess að fá nokkurt skjól. Ég held að það versta sem ég hef séð í nokkuri borg hafi ég séð á Hlemmi

ÆÆÆ

Það er svo grátlegt hvað Árni ráðherra og Sigurður Kári eru rökþrota vegna ráðningar Þorsteins Davíðssonar. Össur getur rökstutt ráðningu Guðna sem orkumálastjóra en ekki hina ráðninguna.

Berlín.

Ég hef aldrei til Berlínar komið en lengi langað. Nú vil ég bara flytja þangað. Þeir gera bara grín að reykingabanninu. Kráareigendur setja skilti í gluggana : hér er drukkið og reykt: Hér á Íslandi ætla þeir hins vegar að taka reykinn af geðsjúkum sem er bara grimmd. Segi og skrifa. Við Íslendingar einhvern veginn ennþá svo mikil ;hjú: Enginn mótmælir almennilega. Ég vil fá Reykhús með góðri tónlist. Þeir sem ekki þola reyk þurfa ekkert að fara þar inn.