Ég hækkaði um 10 sentimetra í kvöld!!!!!!!

Já , eftir langa bið tognaði loksins úr mér!!! Ég næ núna upp í efri skápana í eldhúsinu mínu, ég get svo svarið það.  Keypti miða á tónleika Bob Dylan til að heyra hann og SJÁ. Minn miði kostaði 6900krónur. Ég heyrði ágætlega og skemmti mér konunglega....þótt ég saknaði margra laga.  Dylan og hljómsveitin voru í góðu formi. Ég gleymdi mér stundum og fannst ég heyra í Megasi...... En til að sjá þurfti ég aldeilis að teygja mig. Stóð á tám í allt kvöld. Þessi staður hentar ekki fyrir svona tónleika, sviðið er of lágt. Loftleysið var algert.  Það er ekki boðlegt að borga 7000 krónur fyrir að sjá ekkert. Keypti mér 2 litla bjóra samtals 1300 krónur. OKUR. Það er meira en kippa af hálfslítra bjór kostar !!!! Gestir voru á öllum aldri....sá litla skottu og mjög fullorðna konu í hjólastól. Ótrúlega mikið af unglingum og ungu fólki.

Ánægðir gestir á tónleikum Dylans

Athugasemdir

[Sigrún Jónsdóttir, 27.5.2008 kl. 01:16]

Gott að þú skemmtir þér samt konunglega.  8000 kall fyrir Dylan Live er kannski ekkert svo mikið ef launin væru í lagi.

[Jóna Kolbrún Garðarsdóttir, 27.5.2008 kl. 01:23]

Það var gott að þú skemmtir þér vel, svo er ekki slæmt að stækka í leiðinni.  Mér finnst þetta líka vera okur á bjórnum.  Svona á ekki að láta bjóða sér

[Hólmdís Hjartardóttir, 27.5.2008 kl. 01:30]

Ég var alveg til í að fá meirir bjór.....en þá var ég búin að "átta" mig á verðinu og lét ekki bjóða mér það lengur.

[Sporðdrekinn, 27.5.2008 kl. 03:35]

Er þetta þá málið? Verð ég bara að fara á tónleika til að hækka?!

[Sigrún Óskars, 27.5.2008 kl. 10:07]

Ég fór líka á Dylan og sá ekkert, en ég var á frímiða - hefði ekki viljað borgað fyrir þessa tóleika. Hann Dylan talaði ekkert við áhorfendur, kynnti ekki lögin eða neitt. Svo var enginn skjár eins og venjulega á tónleikum allavega erlendis.

[Hólmdís Hjartardóttir, 27.5.2008 kl. 10:11]

Sigrún mér fannst Dylan og hljómsveitin mjög góð., ég man líka eftir skjá í Laugardalshöll

[Hólmdís Hjartardóttir, 27.5.2008 kl. 10:12]

Sporðdreki ég er með strengi í dag..eftir teygjurnar.....vonandi dregst ég ekki alveg saman aftur

[frikki (IP-tala skráð) 27.5.2008 kl. 10:13]

ég hef tekið eftir því að fólk sem var ekki að fýla tónleikana hefur greinilega ekki kynnt sér dylan vel þetta var skólabókardæmi um tónleika hjá meistaranum

[Johnny Bravo, 27.5.2008 kl. 11:08]

þessir miðar voru ódýrari af því þar sér maður minna.  Hver vill sjá þennan gamla kall :-D

Gaman að sjá að þeir eru með ódýrari bjór en flestir staðir í Reykjavík 700kr.

Ef þú vilt skammast útí áfengisverð, þá er það ríkisstjórnin ekki tónleikahaldarar. 

[Hólmdís Hjartardóttir, 27.5.2008 kl. 11:12]

Johnny Bravo...ég hef farið á marga tónleika......þessi salur hentar ekki, sviðið er allt of lágt. Ég hef hvergi keypt lítinn bjór á 650 kr.

[Hólmdís Hjartardóttir, 27.5.2008 kl. 11:13]

Frikki....þetta voru flottir tónleikar

[Jónas Jónasson, 27.5.2008 kl. 11:30]

ég myndi ekki borga 7.000 kall fyrir að láta einhvern sjötugann kall garga á mig!

[Hólmdís Hjartardóttir, 27.5.2008 kl. 12:18]

enga öfund Jónas minn

[Guðrún Jóna Gunnarsdóttir, 27.5.2008 kl. 12:46]

Ég hef óhemju gaman af alls kyns músík en ég hreinlega hef enga löngun til að vera eins og sardína í tunnu og hvorki sjá né heyra almennilega í þeim sem flytur tónlistina hverju sinni.  Að vera í einhverjum troðningi, í fullu húsi með tilheyrandi lofti á ekki við mig. Sit þá frekar heima í stofu

[Ragga (IP-tala skráð) 27.5.2008 kl. 13:34]

Ég stóð aftarlega og sá lítið sem ekkert en var heldur ekki í loftleysi. Stemningin nálægt útganginum var hinsvegar ekki svo góð því fólk kvartaði sáran yfir því að þekkja ekki lögin.

Ég skemmti mér vel og er alveg sátt. 

[Jens Guð, 27.5.2008 kl. 15:14]

  Þið sem lítið sáu á sviðið misstuð ekki af neinu.  Þannig lagað.  Það gerðist ekkert á sviðinu.  Ég hætti fljótlega að glápa á sviðið.  Það var allt með svo kyrrum kjörum þar.  Það er þó rétt hjá Sigrúnu að gott hefði verið að sjá kallana í nærmynd á skjá,  eins og algengt er á svona hljómleikum.

  Strax í fyrsta laginu fórum við samferðamenn að tala um hvað Dylan væri farinn að syngja líkt Megasi.  Mér þykir að vísu gaman að hlusta á söngstíl Megasar en þótti þessi rámi og stundum geltandi söngur Dylans leiðinlegur.  Dylan söng reyndar skár í sumum lögum en öðrum.

  Dylan tók óþægilega fá af sínum allra þekktustu lögum en þeim mun meira af síðustu þremur plötum sínum.  Hljómsveitin var of "mónótónísk",  það er að segja útsetningar voru full einhæfar.  Ég skemmti mér í raun ekki almennilega fyrr en í uppklappslögunum. 

  Ég gef hljómleikunum 3 stjörnur af 5.

[Hólmdís Hjartardóttir, 27.5.2008 kl. 15:41]

Takk fyrir innlit...skemmti mér vel við að hlusta

[Tiger, 27.5.2008 kl. 16:30]

  Hahaha .. jamm, ég er nú ekki mikið fyrir Dylan - en hugsanlega myndi ég þó borga vel fyrir að sjá t.d. Tinu Turner eða Abba. En, smekkurinn er misjafn og hver hefur sitt .. knús á þig.

[Lilja G. Bolladóttir, 28.5.2008 kl. 02:09]

Segi eins og tiger.... hér að ofan, ég myndi ekki borga fyrir að sjá Dylan, þó alin upp af nánast hippaföður og þar með ALLRI mögulegri tónlist sem hefur fylgt mér í gegnum árin. Dylan hefur bara aldrei heillað mínar tónlistartaugar neitt.

Ég drakk bara bjór heima hjá mér í staðinn..... eða var ég að vinna? .... ég man það ekki.....

[Hólmdís Hjartardóttir, 28.5.2008 kl. 02:52]

þið eruð frábær

[Haraldur Davíðsson, 29.5.2008 kl. 03:04]

.....jamm, Dylan er orðinn GAMALL, og ekki í árum, heldur er hann bara búinn.....

Hljóðmaðurinn var annaðhvort sofandi eða ekki á staðnum.....

........og að þurfa að standa á tónleikum með   DYLAN  er nottlega skítt fyrir 7000 kall.....Dylan maðurinn ég, fór heim af miðjum  " tónleikum "

Sorglegt...

[Hólmdís Hjartardóttir, 29.5.2008 kl. 03:30]

Haraldur....tónleikarnir voru bara góðir. Á sjálf enga Dylan plötu!! þær hurfu af heimilinu með eiginmanninum.....en nú langar mig í eina af þeim nýjustu..hann er nefnilega enn skapandi..gamli maðurinn