Baugsmál fyrir svefninn.

Ég hef aldrei nennt að setja mig inn í þetta mál. Alltaf grunað öfundarmenn að koma því af stað(DO). Aldrei heldur efast um að hægt væri að finna eitthvað gruggugt í svona stóru fyrirtæki ef vel væri leitað. Dómur er fallinn. Sakargiftir virðast litlar. En ég vil vita hvað við þjóðin höfum borgað fyrir þetta mál og hver er ábyrgur fyrir þeirri sóun. Ég veit að það hleypur á hundruðum milljóna. Ég er í engum vafa að einhver hefur farið offari í þessu máli og ætti að taka hatt sinn og staf. Ég vona að fjölmiðlar fari ofan í saumana á því hver ber hér ábyrgð.   En ég er líka á því að Baugsmenn hafi of mikil völd og í raun haldi þeir nú uppi háu matarverði hér ásamt auðvitað fleirum.  Neyddist til að versla í Hagkaup í dag......vörur í 2 poka. 3 lúxusvörur; hárbursti, tímarit og parmeggiano ostur. Vörur í 2 poka kostuðu ríflega 14þús krónur.......sem er skandall. Ég neyðist vonandi ekki aftur þarna inn. Ég sé ekki að hægt sé að búa á Íslandi lengur.

Athugasemdir

[Jóna Kolbrún Garðarsdóttir, 6.6.2008 kl. 02:13]

Hagkaup er okur verslun, ég versla nær eingöngu í Bónus, Krónunni og Europris.  Sem betur fer er ég á bíl og get auðveldlega verslað þar sem hagkvæmast er að versla.

[Hólmdís Hjartardóttir, 6.6.2008 kl. 02:14]

Ég versla nánast eingöngu í Bónus.

[Guðmundur Brynjólfsson (IP-tala skráð) 6.6.2008 kl. 03:06]

Nei - það er nefnilega vart lifandi hér lengur. Það er málið. Matarkarfan fyrir einn í Bónus hefur hækkað rosalega á síðustu 3 mánuðum. Ég þarf ekki verðkannanir til að segja mér það. Ég sé það á strimlunum.

[Haraldur Davíðsson, 6.6.2008 kl. 04:05]

Með kostnaði þínum sem skattgreiðanda við Baugsmálin, er algjörlega búið að toppa þjófnað Baugs....miðað við hvað sem er..

[Tína, 6.6.2008 kl. 06:34]

Góðan daginn sæta. Satt er það að maturinn hérna er orðin svakalega dýr en ég neita að trúa öðru en þetta eigi allt saman eftir að lagast (þó svo að matur verði alltaf dýr hér). En hvort sem þú trúir því eða ekki, þá tókst mér líka að finna bjarta hlið á þessu máli . Hér áður henti maður matarafgöngunum miskunnar og hugsunarlaust í ruslið en núna er maður svei mér orðin ansi glúrin við að nýta þetta allt saman betur (kannski búin að horfa aaaaðeins of mikið á Nigellu?). Sko...... fátt er með svo öllu illt að ei boði nokkuð gott .

En hvað sem öllum kostnaði á öllu líður, þá er brosið og gleðin alltaf frítt. Spreðum því slatta í það.

Knús á þig Hólmdís mín

[Hólmdís Hjartardóttir, 6.6.2008 kl. 10:17]

þú ert frábær Tína.     

Guðmundur mér finnst þetta líka.   Haraldur satt hjá þér.

[Sigrún Óskars, 6.6.2008 kl. 12:59]

Bónusmenn fá alveg sitt - það sést á veldinu í kringum þá. Enda nota þeir stærðina og völdin til að ráðgast með heildsölur og birgin. Ég versla samt alltaf í Bónus - það er ódýrast, þótt þetta veldi og ríkidæmi þeirra fari í taugarnar á mér.

[Hólmdís Hjartardóttir, 6.6.2008 kl. 13:24]

Já Sigrún við erum fastar í netinu. Þeir hanga ekkert á horriminni

[Lilja G. Bolladóttir, 7.6.2008 kl. 15:05]

Damn, 14.000 kr. fyrir tvo poka, þetta er algjör glæpur. Ég verslaði rúmlega hálfan poka í Nettó um daginn, eitt og annað smálegt sem mig vantaði fyrir matargerð kvöldsins og einhverjar hreinlætisvörur og á strimlinum mínum stóð 6.331 kr.!!!

[Hólmdís Hjartardóttir, 7.6.2008 kl. 16:03]

Já Lilja þetta er hreinn þjófnaður