Ég fór í Ríkið í dag..

 þ.e.a.s. sjoppuna við Snorrabraut.  Með mér var kollegi sem ég hitti á förnum vegi. Báðar gengum við út með fulla poka af videóspólum.  Þarna eru þær seldar á 100 kr stykkið. Og mikið af þessu eru ónotaðar spólur. Þarna fann ég m.a. "Elling" norska mynd um geðfatlaða. Mynd sem ég hló að dögum saman þegar ég sá hana á sínum tíma. Okkur datt reyndar í hug að fara með þær í Kolaportið og selja þær á 2-300kr

Ég vonast til að eitthvað af þessum myndum muni hafa ofan af fyrir dætrunum. Viðbrögð þeirrar yngri voru samt á þá leið að það væri ekki skynsamlegt að kaupa spólur.  Ég hef samt meiri áhyggjur að því að þær taki pláss!!!

Ég ætla að geyma þær til vetrarins eða kannski bara rigningardaga. Horfi varla á nokkuð í sjónvarpi yfir sumartímann nema fréttir.....og Jane Eyre.

Og að endingu.....mér sýnist "nýja" eldfjallið undan Reykjanesskaga vera farið að hrissta sig.

Athugasemdir

[Jóna Kolbrún Garðarsdóttir, 25.6.2008 kl. 00:50]

Mér fannst Elling alveg frábær mynd, húmorinn í henni er æðsilegur.  Samt lýsir myndin takmörkunum fatlaðra mjög vel.   

[Hólmdís Hjartardóttir, 25.6.2008 kl. 00:51]

Þetta er dásamleg mynd

[Haraldur Davíðsson, 25.6.2008 kl. 00:59]

..nýja ?..spennandi, verðum við minnt á hvar við búum ?

[Beturvitringur, 25.6.2008 kl. 01:12]

Þú ert nú með eitt undarlegasta áhugamál sem maður heyrir af.  Alltaf á útkikkinu með von um að fá sæmilegt eldgos. Fínt að hafa þig á listanum, ég missi þá ekki af því þegar byrjar.   Þá getur maður kannski flúið undir moldarbarð.

[Hólmdís Hjartardóttir, 25.6.2008 kl. 01:23]

[Tína, 25.6.2008 kl. 08:18]

Ég er enn á því að jarðskjálftadæmið sé ekki búið. Fólk horfir á mig vorkunnaraugum þegar ég segi þetta, en so be it. Er samt alveg salíróleg yfir þessu. Enda búin að upplifa einn stóran fyrir stuttu og veit á hverju ég á þá von.

Kram og knús inn í daginn þinn mín elskuleg.

[Hólmdís Hjartardóttir, 25.6.2008 kl. 10:40]

Öndum bara rólega Tína mín.....það þarf ekki að þíða neina skelfingu þó eitthvað hrisstst.

[Beturvitringur, 26.6.2008 kl. 01:03]

Meintirðu nokkuð "Öndumst bara rólega..."?

E.S. Fór líka í Ríkið (v.skrifa þinna) og sagði að nú væri bloggið farið að auglýsa fyrir þá. Fór út með pokafylli af krassandi krimmum (mun hugsa vel til þín í hraglandanum í vetur!)

[Hólmdís Hjartardóttir, 26.6.2008 kl. 01:12]

 Eldri dóttir mín vill komast í Ríkið líka...er ánægð með það sem ég keypti....gott að eiga þetta í vetur

[Beturvitringur, 26.6.2008 kl. 01:18]

Afgr.daman trúði mér fyrir því að þetta væri sko ekkert að verða búið, - 'það væri herbergi í kjallaranum, fullt af spólum'. En þau fylla ekki á "jafnóðum" Getur sagt dótslu að óhætt væri að hinkra

[Hólmdís Hjartardóttir, 26.6.2008 kl. 01:24]

einmitt....og það eru að miklu leyti ónotaðar spólur