Valtað yfir íbúa

....það er ekki laust við að maður missi trúna á að fólk hafi eitthvað að segja um umhverfi sitt. Auðvitað eiga þessar raflínur að fara ofan í jörð.  Annað er skammsýni.  Hver tók ákvörðun um að ekki þyrfti að kjósa?   Meirihlutinn í Vogum hunsar óskir íbúa.  þetta er ekkert nema dapurt.

Stundum finnst mér að álfyrirtækin og Landsvirkjun séu eitthvert stjórnvald.  Er það svo?  Hvað gerist svo í Reykjahlíð?

Íbúar fá ekki að kjósa

Athugasemdir

[Púkinn, 22.9.2008 kl. 16:31]

Uhm....fólk kaus þá sem taka þessar ákvarðanir.  Ef íbúar kjósa aðila sem hunsa þá, nú...geta þeir þá einhverjum um kennt nema sjálfum sér?

[Baldur (IP-tala skráð) 22.9.2008 kl. 16:39]

íbuar kusu meirihluta sem tok i þessu tilfelli umdeilda en hagkvæma ákvörðun.  Þeir sem stjórna þurfa að taka þessar ákvarðanir, þess vegna stjórna þeir. 

Sjónmengun er lítil af þessu en þetta afturá móti skapar tekjur og atvinnu sem allir hafa hag af.  Fólk skilur það

[Jóhannes H (IP-tala skráð) 22.9.2008 kl. 18:01]

Persónulega finnst mér raflínur ekki vera sjónmengun,  mér finnst þetta vera flott mannvirki.

En svona á ekki að fara í jörð,  í fyrsta lagi kostar það margfalt meira að grafa þetta ofaní jörðina heldur en að leggja þetta á milli mastra ofan jarðar, í öðru lagi hefur það ekkert svo minni "rafsegulmengun" í för með sér að hafa þetta oní jörðinni frekar en í loftinu og í raun er útfrá "rafsegulmengun" sjónarhorninu verra að hafa þetta í jörðinni,  í þriðja lagi þá er er miklu meira umstang og mun tímafrekara að laga svona strengi ef þeir eru neðanjarðar, og í fjórða lagi hvað á að gera ef jörðin frís og strengurinn slitnar?.

Það er skammsýni að vilja fá þetta í jörðina, frekar en öfugt.

[Haraldur Bjarnason, 22.9.2008 kl. 18:12]

Skil ekki þetta hjá þér Jóhannes. Rafsegulmengunin er minni í jörð vegna þess að jarðstrengir eru einangraðir en ekki loftlínur. Frost í jörðu er ekkert vandamál við viðgerðir í dag. Þetta er ekki grafið upp á höndum lengur heldur með öflugum vinnuvélum. Það er veruleg sjónmengun að 30-40 metra háum rafmöstrum. Þetta eru engir 8 metra háir staurar lengur. Það er rétt hjá þér að það kostar miklu meira eð setja niður jarðstrengi en það er stofnkostnaður. Viðhaldskostnaður er nánast enginn því endingin er margföld, sérstaklega þar sem hætta er á seltu og ísingu eins og á Íslandi. Rekstraröryggi er því margfalt á jarðstrengjum á við loftlínur og því er þetta ódýrara til framtíðar fyrir þá sem eiga línurnar og þá sem nota orkuna.

[Hólmdís Hjartardóttir, 22.9.2008 kl. 18:19]

Persónulega þykir mér veruleg sjónmengun að svona raflínum og tek undir með Haraldi og svo vil ég að íbúar hafi eitthvað um málið að segja.  Takk allir fyrir innlit.

[Sporðdrekinn, 22.9.2008 kl. 18:22]

Frábært svar Haraldur!

[Jóhannes H. (IP-tala skráð) 22.9.2008 kl. 18:28]

Já, við erum með vélar til að auðvelda okkur störfin en það er samt sem áður erfitt að grafa í frosna jörð.  Og það er líka erfiðara að koma þessum vinnuvélum á svæðið sem á að grafa í.  Og það er líka erfitt að finna hvar strengurinn er bilaður ef hann er allur neðanjarðar.

Frost í jörð getur líka valdið bilunum á strengjum, alveg jafn mikið og veðrun og ísing getur valdið bilunum á strengi ofanjarðar.

að grafa þetta niður er fýsilegt ef það er ekki mikið um frost í jörðu,  en þar sem við getum ekki spáð fyrir um veðrið þá er fýsilegra að hafa þá ofanjarðar.

Og heldurðu virkilega að þetta væri svona mikið vesen ef það væri hagkvæmara að grafa þá niður? fyrst fólkið þarna vill fá þá neðanjarðar?.  Ég er nokkuð viss um að þeir hjá Landsnet séu búnir að gera kostnaðaráætlun fyrir báðar leiðir og hafa komist að þeirri niðurstöðu að það sé hagkvæmara að hafa þá ofanjarðar.

[Jóhannes H (IP-tala skráð) 22.9.2008 kl. 18:48]

Og varðandi rafsegulmengunina,  þá er auðvitað sjálfgefið að strengurinn yrði einangraður  af því að hann væri neðanjarðar ,  og þessi einangrun bætir líka aftur ofaná stofnkostnaðinn.

Ástæðan fyrir því að möstrin fyrir svona víra eru svona há er að það eru í gildi ákveðnar reglur sem segja til um lágmarksfjarlægð frá strengnum til jarðar eða öðrum mannvirkjum, en fjarlægðin fer eftir hvað það er mikill straumur á línunni,  akkúrat útaf rafsegulsviðinu sem myndast útfrá strengnum.

[Haraldur Bjarnason, 22.9.2008 kl. 19:12]

Jóhannes. Þetta verður vitlausara með hverri færslunni hjá þér. Háspennustrengir eru grafnir það mikið niður að þeir skemmast ekki af frosti. Frost nær mest niður 1,20 metra og hægt að minnka það með því jarðefni sem sett er yfir þegar strengurinn er grafinn. Háspennustrengir eru því grafnir niður fyrir frost. Það er ekki erfitt að komast að strengjum því þeir sem legga strengi, áður RARIK nú Landsnet, hafa álíka rétt og Vegagerðin. Það er að þeir hafa svæði til afnota umhverfis strengi og loftlínur. Yfirleitt er þetta 20 metrar í hvora átt frá miðlínu loftlínu og sama með jarðstrengi. Vegagerðin hefur yfirleitt 20 metra út frá miðlinu vegar. Á þessu svæði má landeigandi ekkert gera, ekki planta trjám einu sinni. Þekki það af eigin reynslu. Auðvitað er ástæðan fyrir því að möstrin eru svo há að þá dregur úr rafsegulmengun. Það er rétt hjá þér. Hærri möstur taka meira pláss og sjást betur því er sjónmengun meiri. Það er engin vandi með þeirri tækni sem til er að finna bilun í jarðstreng. Sú tækni er áratuga gömul. Málið er það að þeir sem eru að gera þetta vilja komast sem ódýrast í gegnum stofnkostnað til að fegra fyrir orkukaupendum. Þeir eru ekki að hugsa um hag íbúanna eða framtíðina. Stundargróði ræður þar öllu. Ég held að umhverfisráðherra og ríkisvaldið ættu að setja meiri kröfur í þessum efnum. Auðvitað þarf að flytja orkuna til okkar hvort sem er til heimilisnota eða atvinnufyrirtækja. Það þarf hins vegar að hugsa til framtíðar í þessum efnum. - Kynntu þér málin, Jóhannes,

[Villi Asgeirsson, 23.9.2008 kl. 08:29]

Takk fyrir góðar athugasemdir, Haraldur.