Nú þarf ég lífverði!

......ég er nefnilega sammála Brown.  Stjórnvöld á Íslandi hafa brugðist og fá þess vegna rassskell. Sannleikanum er hver sárreiðastur. Stefna sjálfstæðisflokksins er búin að gera Ísland gjaldþrota með hjálp frá útrásarglönnum.

Ekki er ótrúlegt að við sem þjóð séum að missa fjárræði.  Þvílík skömm. Hafi ég einhvern tímann tækifæri til að fara  til útlanda framar ætla ég að segjast vera norsk.

Mjög óvinveitt aðgerð

Athugasemdir

[Hólmdís Hjartardóttir, 9.10.2008 kl. 23:54]

já það gera þeir.

[Sigrún Jónsdóttir, 10.10.2008 kl. 00:23]

Ég skil alveg reiði Brown,..... því hinn Breski borgari er brjálaður út í breskar sveitarstjórnir, sem höfðu ætlað að ávaxta sitt pund í hinum ýmsu bönkum og tapað.  Þetta gerðu sveitarstjórnirnar að áeggjan Brown og Co.

En hriðjuverkalög?  Er ekki betra að byrja á diplómatískum leiðum?  Hvert er hlutverk Sendiherranna eru þeir ónothæfir þegar til kastanna kemur?

[Jóna Kolbrún Garðarsdóttir, 10.10.2008 kl. 00:27]

Auðvitað eru sjálfsstæðisflokkurinn og framsóknarflokkurinn með samábyrgð á ástandinu sem nú hefur skapast.  En er Brown erkki bara í kosningarbaráttu og fannst þetta sniðugur vinkill að vinna sér inn nokkur atkvæði? 

[Hólmdís Hjartardóttir, 10.10.2008 kl. 00:30]

Þeir fullyrða að Íslendingar hafi flutt mikið fé út úr bönkunum í Bretlandi síðustu daga og það urðu þeir að stoppa.  Þeir líta á þessa miklu peningaflutninga úr landi sem hryðjuverk og ég get skilið það.

Hvert fóru þessir peningar? Í hvað?

[Hólmdís Hjartardóttir, 10.10.2008 kl. 00:34]

Jóna Kolbrún Brown er ekki par vinsæll í Bretlandi....kannski fær hann einher atkvæði út á þetta.  Öll breska pressan er með okkur á forsíðu á morgun.

[Tína, 10.10.2008 kl. 04:14]

Skiljanlega eru menn áhyggjufullir þarna úti sem og annars staðar. Þetta ástand má líkja við dómínó. En ég held að harkan í viðbrögðum hans sé kosningaplott og ekkert annað. Að heyra hvernig fjármálaráðherrann þeirra (Darling) staðhæfði að honum hefði verið tjáð hreint út að engin fengi peningana sína bætta þarna úti fannst mér hroðalegt og gera allar þeirra staðhæfingar í framhaldinu heldur ótrúverðuga. Og þetta með að fé hafi verið flutt milli landa í stórum stíl leyfi ég mér að efa og held að hann segi þetta til að réttlæta þessi harkalegu viðbrögð.

Annars ætla ég bara að senda á þig jákvæðnisknús og bjartsýniskossar elskan mín.

Njótum þess að vera til og eiga góða að þó tímarnir séu flestum erfiðir

[Gudrún Hauksdótttir, 10.10.2008 kl. 08:00]

Er ordin treitt á öllu tessu tali og hlusti ,á ekki von á tví ad vid fáum öllskjöl á bordid ,hvori nú eda sídar.Skil áhyggjur fólks og tad er ég líka en ætla ad vera í frétta fríi alla helgina.

Sendi stórt fadmlag á tig inn í jákvæda helgi .

[Hólmdís Hjartardóttir, 10.10.2008 kl. 09:15]

Takk Tina og Jyderupdrottning eigið góðan dag

[Haraldur Davíðsson, 10.10.2008 kl. 09:43]

Söfnum þeim saman helvítis stuttbuxnastrákunum, og seljum þá hæstbjóðendum á Englandi, það væri sanngjarnt, það mætti láta Hannes og fleiri Thatcherista, fylgja með í kaupbæti.

Eins og menn segja gjarnan á Englandi " FUCK'EM ".

[Hólmdís Hjartardóttir, 10.10.2008 kl. 10:26]

Ég skil ekki Haraldur af hverju eignir þeirra eru ekki frystar......hvern er verið að vernda?  Á neyðartímum er eigupptaka auðjöra sjálfsögð......ekki síst þegar þeir hafa átt stóran þátt í að koma okkur á heljarþröm.