Hverju reiddust goðin?

Það er allt á suðupunkti á Íslandi í dag.  Eldfjöllin ókyrrast.....líka þau mennsku.  Óveðursspá og hætta á snjóflóðum.  Þjóðarskútan sokkin og búið að gefa fjárglæframönnum góðan tíma til að fela slóða sína.

Við verðum að viðurkenna að við ráðum ekki ein við ástandið.   Allt traust á stjórnmálamönnum er farið og SÍ er fyrir bí.   Ég held það verði bara að ráða erlenda óháða sérfræðinga til að leiða okkur út úr brunarústunum og rannsaka tildrög þess að svona herfilega fór. Það er réttur tími til að leita sökudólga núna.   Og nota Svörtuloft fyrir fangelsi.  Það á að krefjast þess að þeir sem fóru með þjóðarauðinn úr landi séu framseldir hingað til lands.  Strax. Ef við eigum að eiga nokkra von sem þjóð.

Égeröskuþreifandiilloghanannú.

Hekla getur gosið hvenær sem er

Athugasemdir

[Hólmdís Hjartardóttir, 23.10.2008 kl. 16:12]

Takk

[ÞJÓÐARSÁLIN, 23.10.2008 kl. 16:32]

Þú ert greinilega vel lesin. Mér finnst synd og skömm að það er hætt að kenna flestar þær bækur, sem maður man best.
Þessi setning situr enn föst í hausnum:

Hverju reiddust goðin, þegar hraunið rann, er nú stöndum vér á.

[Hólmdís Hjartardóttir, 23.10.2008 kl. 16:47]

 Það er nú dálítið langt síðan þetta var lesið en nú er um að gera að velja Íslenskt !!

[Sigurgeir Orri Sigurgeirsson, 23.10.2008 kl. 16:54]

Eitt má Davíð Oddsson eiga, hann greiddi upp skuldir ríkissjóðs. Hugsa sér hvernig það hefði verið ef R-listinn hefði ráðið ríkissjóði! Þá fyrst værum við að tala um neyðarástand.

[Hólmdís Hjartardóttir, 23.10.2008 kl. 16:57]

Já honum tókst það með því að selja bankana....þetta er eins og boomerang Sigurgeir Orri.

[Georg P Sveinbjörnsson, 23.10.2008 kl. 17:34]

Búmerang sem small beint í fésið á fíflinu sem hafi ekki hugmynd um hverju hann varpaði.

[Emil Hannes Valgeirsson, 23.10.2008 kl. 21:35]

Jæja. Eru konurnar nú orðnar reiðar. Þá er ekki von á góðu, örugglega helmingi verra en þegar goðin reiðast.

[Hólmdís Hjartardóttir, 23.10.2008 kl. 21:51]

já Emil  það fer að sjóða upp úr.

Georg það kom af krafti til baka