Laufabrauð, soðið brauð og kleinur.

...................Allt steikt og frágengið.  Þegar ég ólst upp á Húsavík var laufabrauðsdagurinn stór og skemmtilegur dagur.   Kökur í hundraðavís.  Margir að skera...........mismiklir listamenn.  Kertaljós og jólatónlist.  Ég hef alltaf steikt laufabrauð fyrir jólin.....og vildi að dæturnar kynntust hefðinni.  Ætlaði að skera laufabrauð í gær en tíminn hentaði ekki unglingunum.   Skar þetta ein í dag, önnur var fárveik en hin þurfti að vesenast í öðru.....hvorug spennt fyrir þessu lengur.  Æi mamma gerðu þetta bara sjálf.  Skammturinn hjá mér er kominn niður í 20 kökur.  Ég vil sjá þetta á jólaborðinu. Og það klárast ekki!!!!!!!!!    Starrar og þrestir voru alsælir með ársgamlar laufabrauðskökur hér úti í gær.

Í framhaldinu var steikt soðið brauð og kleinur.  Notaði palmin feiti sem freyddi ens og freyðibað. Og kleinurnar urðu þær ljótustu sem ég hef gert. En ætar og það er fyrir mestu.

Fékk svo góða gesti af norðurlandi í kvöld.

  

Athugasemdir

[Margrét (IP-tala skráð) 29.11.2008 kl. 07:40]

Æ mín kæra ,settu nú inn fyrir okkur með norðlenska nostalgíu,uppskriftir.

Þó ekki væri nema bara af soðna brauðinu,ha?

[Hólmdís Hjartardóttir, 29.11.2008 kl. 11:37]

set inn uppskrift af soðna brauðinu  í dag eða á morgun

[Magnús Geir Guðmundsson, 29.11.2008 kl. 23:23]

Án þess að ég vilji vera dóni eða of frakkur, (sem ég er þó sjálfsagt stundum) þá finnst mér þú svolítið dauf í dálkin og meir raunar, sem ég þó segi ekki hérna!?