Olía á eldinn

...............Við megum mótmæla ef við erum stillt og prúð. Fjármálaráðherra lætur eins og hann viti ekki hverju er verið að mótmæla.  Kannski veit hann það ekki, kannski hefur hann ekkert hlustað. Kannski skilur hann það ekki. Kannski finnst honum það ekki koma sér við.....hann ætlar óáreittur að sitja í sínum fílabeinsturni. Ríkisstjórnin er EKKERT að gera sem getur komið heimilum til bjargar.  EKKERT. .Ekki má hreyfa við verðtryggingunni á lán ekki einu sinni tímabundið.  Þetta er eignaupptaka, þetta er hreint rán.  Vaknið Íslendingar. Einhver ætti að fara með þetta til mannréttindadómstólsins. Ekki hefur lögum  um séreignarlífeyrissjóði verið breytt þannig að fólk geti notað aurana til að borga niður lánin sín.  Þó eru þetta ekki lögbundnar greiðslur.....þetta er eign hvers og eins.  Nei þetta gæti komið mörgum of vel til að það sé tekið í mál.  Hver er raunveruleg staða lífeyrissjóðanna okkar?  Þessi greiðsluaðlögun lána  sem boðið er upp á er bara stórskaðleg fyrir fólk þegar fram í sækir...........

Í annari frétt á MBL.is er talað við Þorgerði Katrínu um RUV.   Hún ber að sjálfsögðu ábyrgð á stöðu ríkisútvarpsins og hinum siðlausu kjörum Páls Magnússonar.

Ég er búin að fá upp í kok af þessu liði. Burt með það og það strax. 

Mætum öll á Austurvöll klukkan 15:00 á laugardaginn.  Þótt yfirvöld hér hlusti ekki vekja þau athygli langt út fyrir landsteinana.

Þarf að stilla mótmælum í hóf

Athugasemdir

[Ragnheiður Ester Briem, 2.12.2008 kl. 14:15]

Heyr, heyr!!!

Stilla mótmælunum í hóf svo það sé þægilegra og átakaminna að valta yfir almenning eins og hefur verið gert hingað til! Nei takk, hingað og ekki lengra! mótmæli eru til að krefjast breytinga en ekki spurja eða biðja!

Verðum bara að gera e-hv róttækt! Það er ekkert mark tekið á okkur mótmælendum og þetta er mjög þægilegt fyrir þetta lið, að geta bara gengið í rólegheitunum til sinna starfa og haldið áfram með sitt líf, eins og ekkert hafi í skorist á meðan almenningur kvakar e-hv staðar í fjarska! Svo þegar örlítið er kynnt undir rassinum á þeim, þá er strax kallað á óeirðalögregluna og talað um að nú verði að fara að stilla mótmælunum í hóf!

Nú verðum við íslendingar að fara að sýna hvað í okkur býr, hvers við erum megnug og krefjast breytinga, réttar okkar og það strax!!! Við erum jú fólkið sem byggjum þetta land!!!

[Hólmdís Hjartardóttir, 2.12.2008 kl. 14:40]

Ragnheiður Ester..........mótmælin munu verða háværari eftir því sem fleiri missa vinnuna...........við erum ekkert að gefsat upp.

[Anna Ragna Alexandersdóttir, 2.12.2008 kl. 15:17]

Baráttukveðja

[Ragnheiður Ester Briem, 2.12.2008 kl. 15:35]

Ónei! Við gefumst sko ekki upp núna! Þeir vona það náttúrlega og halda en ég hef trú á að fólk hafi loks fengið nóg!

[Alexander Kristófer Gústafsson, 2.12.2008 kl. 16:26]

Þetta þýðir að mótmælinn eru að virka, það er tími fyrir harðari háværi mótmæli!!!

Þetta eru gleðifréttir!

[Sigrún Jónsdóttir, 2.12.2008 kl. 16:31]

Þau vilja ekki hlusta  Það þýðir bara að við verðum að hafa hærra

[Hólmdís Hjartardóttir, 2.12.2008 kl. 16:32]

Sömuleiðis Anna Ragna

Ester áfram Ísland

Alexander mótmælin virka!!!!

[Hólmdís Hjartardóttir, 2.12.2008 kl. 16:35]

Þá höfum við hærra Sigrún

[Ásdís Sigurðardóttir, 2.12.2008 kl. 16:46]

Þú ættir að fá þér góða hóstamixtúru svo þú verðir ekki sár í hálsinum elskan.

[Hólmdís Hjartardóttir, 2.12.2008 kl. 16:48]

Eða koníak Ásdís

[Rannveig H, 2.12.2008 kl. 18:15]

Það sem fer mest í taugarnar á mér núna að það skuli vera til venjulegt launafólk hér á blogginu og víða sem bregður sér í hlutverk Björns Bjarnasonar og talar niður til mótmælanda. Dæmi :Skemmdarverkafólk, skríll eða einhvað er nú farið að þynnast í mótmælum. Veit fólk hvað það er að mótmæla. Svo eru það yndislega fólkið sem er svo æðrulaust bíður bara eftir að það komi aðrir tímar með blóm í haga. Það versta er að stjórnvöld treysta á þetta fólk og að hinir láti bugast.

OK Mín er pirruð núna.

[Hólmdís Hjartardóttir, 2.12.2008 kl. 18:58]

Já þeir eru margir birnirnir Rannveig en við erum ekkert að gefast upp

[Neddi, 2.12.2008 kl. 19:40]

Það má reikna með að það fjölgi aftur á laugardaginn. Nú um mánaðarmótin, þ.e. á mánudaginn, var fjöldinn allur af iðnaðarmönnum heima í fyrsta skipti eftir að ósköpin dundu yfir.

Ég hef það eftir mjög áræðanlegum heimildum að þeir eru vægast sagt brjálaðir í dag.

[Hólmdís Hjartardóttir, 2.12.2008 kl. 20:42]

Já Neddi ég hef trú á að mótmælendum eigi eftir að fjölga verulega. Hins vegar er ég að heyra af fólki sem er svo bugað af ástandinu að það kemur sér ekki út úr húsi.

[Magnús Geir Guðmundsson, 2.12.2008 kl. 21:11]

Já, það eru margar hliðar á þessu, ástandið bitnar á mörgum og fleiri, en það kemur misjafnlega við fólk. SVo er það bara þannig líka, að margir eru ekki enn að minnsta kosti í neinum vandræðum, hafa ekki misst vinnu né eiga í fja´rhagsvandræðum, skulda lítið eða ekkert o.s.frv. Og jafnvel þótt vinna tapist sjá sumir ekki fram á vandkvæði eða erfiðleika strax, eiga nægt sparifé að reiða sig á, maka í góðri vinnu eða geta á einhvern hátt tekist á við breytingar.Þannig er þetta nú bara blákalt á litið Hólmdís mín og hin pirraða Rannveig og það gerir held ég nú ástandið ekkert betra ef líka á að snúa reiði eða pirring upp á það til viðbótar við réttláta reiði og pirring í garð ráðamanna og gráðugra fésýslumanna!

Hvort sem okkur líkar það betur eða verr, þá er hið fornkveðna að "hver sé sjálfum sér næstur" í fullu gildi, þó vissulega séum við Íslendingar oft samstiga er virkilega á þarf að halda.

[Hólmdís Hjartardóttir, 2.12.2008 kl. 21:16]

spakur Magnús

[Magnús Geir Guðmundsson, 2.12.2008 kl. 21:19]

En þessi viðbrögð dýralæknisins eru þannig, að ekki vekur undrun þótt um eða undir 5% svarenda nú í könnunum segist treysta honum! Alveg ótrúlega grunnhyggið að vera með svona yfirlýsingar og þá ekki hvað síst vegna þess hve flokkurinn hans á í miklum erfiðleikum nú. SAnnarlega olía á þann vaxandi vantraustseld er nú geydar!

[Magnús Geir Guðmundsson, 2.12.2008 kl. 21:23]

Neinei, aðalega RAKUR! (en bara af kaffi en ekki kvefkoníakinu þínu hehe!)

[Víðir Benediktsson, 2.12.2008 kl. 22:51]

Hógværð og lítillæti eru sannarlega dyggðir. En því miður er ég hvorugu gæddur og hrauna yfir Árna ef mér sýnist.  Reyndar hef ég það á samviskunni að hafa drukkið með kallinum. Mér líður ekki vel yfir því. Áfengi getur leitt fólk á glapstigu. Ég bið þjóðina afsökunar og axla ábyrgð. Ég er hættur að drekka.

[Hólmdís Hjartardóttir, 2.12.2008 kl. 23:14]

ja hérna Víðir.  Kannski er eina leiðin til að tala hann til að drekka með honum?

Þú þarft varla að hafa samviskubit yfir því

[Víðir Benediktsson, 2.12.2008 kl. 23:26]

Hann virkar ekki svo galinn þegar hann er aðeins mjúkur. Bara skemmtilegur. Kom á óvart.

[Hólmdís Hjartardóttir, 3.12.2008 kl. 00:11]

Víðir jafnvel Davíð getur verið skemmtilegur.  Hann ætti að snúa sér að því.