Hólmdís Hjartardóttir

23.12.2008 | 02:19

Nú verður að vaka í nótt og passa ketið.

................Ketkróki er ekki treystandi. En hann lætur skötuna í friði. Matvandur skratti. Þorláksmessa er einn af mínum uppáhaldsdögum....Mikið að gera. Skipt á öllum rúmum....hrædd um að ekki verði mikið viðrað á morgun. Veðurfræðingar verða að axla ábyrgð á því. Jóltréð baðað og skreytt og allt þrifið hátt og lágt. Og jólakveðjurnar í útvarpinu gefa stemninguna. Ótrúlega skemmtilegt.

Allan daginn engist ég því biðin eftir skötunni er erfið. Skötustappa með hnoðmör er toppurinn á tilverunni. Kannski kemur einhver að fá sér bita. Og svo eru nokkrir sem koma ÖRUGGLEGA ekki á matartíma.....jafnvel þótt þeim sé boðið. Ég geri svo mikið að ég eigi kalda stöppu öll jólin,,,,meðan vesalingarnir gúffa í sig Nóa sírus.

Eftir skötusuðuna fer hangikjöt í pott með tveimur sykurmolum.

Stelpurnar vöndust því á leikskólanum sínum að fá jólaglögg og er það orðin hefð hjá okkur á Þorláksmessukvöld að sötra glögg á meðan tréð er skreytt. Það er stundum af mismunandi styrkleika.

Best er svo þegar maður er orðinn örþreyttur um kvöldið að setjast inn í stofu, horfa á jólaljósin og nýskreytt tré. Setja Mahaliu í spilarann og drekka rauðvínsglas. Yndisleg einkastund!

Góða nótt.

Flokkur: Lífstíll | Breytt s.d. kl. 02:53 | Facebook

Athugasemdir

Því miður þarf ég að vinna á Þorláksmessukvöld, það er eitt annasamasta kvöld ársins og ég og pabbi vinnum saman þá. Ég elda mína skötu um hádegisbilið. Börnin mín skreyttu jólatréð okkar í gær, það er bundið upp í loftið vegna kattanna sem vilja príla og skoða tréð.

Jóna Kolbrún Garðarsdóttir, 23.12.2008 kl. 02:24

Tvo sykurmola????? Aldrei heyrt það fyrr.....verð að prófa það. Æi, á engan mola, er í lagi að það séu 2 tsk. af straujara?

Sigrún Jónsdóttir, 23.12.2008 kl. 02:30

Sigrún ég hirti mola á Hressó....annars er hægt að setja 2 teskeiðar.

Jóna Kolla....get ekki hugsað mér að vera að vera að heiman á Þorláksmessukvöld. Hef mjog oft unnið Aðfangadag, stundum jólanótt og oft alla aðra hátíðisdaga...nú er ég svo lánsöm að vera atvinnulaus fram yfir áramót!

Hólmdís Hjartardóttir, 23.12.2008 kl. 02:43

Ég set fullt af sykri þegar ég sýð hangikjötið, 3-4 matskeiðar allavega. Það gerir kjötið svo bragðgott.

Jóna Kolbrún Garðarsdóttir, 23.12.2008 kl. 02:50

Ég kann varla að vera heima á þorláksmessu, ég hef verið að vinna á barnum undanfarin 10 ár á þorláksmessu. Börnin mín hafa séð um allar skreytingar hérna heima hjá mér í mörg ár. Svo þrífa þessar elskur líka fyrir mig.

Jóna Kolbrún Garðarsdóttir, 23.12.2008 kl. 02:53

Jóna Kolla þú sýður líka örugglega meira hangikjöt en ég. Dætur mínar eru úna að þrífa hjá sér

Hólmdís Hjartardóttir, 23.12.2008 kl. 02:57

Ég kemst í jólaskap af því að lesa þetta.

Húnbogi Valsson (IP-tala skráð) 23.12.2008 kl. 07:38

Sendi tér og tínum bestu óskir um gledileg jól og farsæld á nýju ári kæra Hólmdís.Takk fyrir gód kinni sem ég hef notid.

Hjartanskvedja

Gudrún,Jyderup

Gudrún Hauksdótttir, 23.12.2008 kl. 09:40

Gleðileg jól öll sömul

Hólmdís Hjartardóttir, 23.12.2008 kl. 11:12

Ketkrókur er greinilega smekkmaður.

Offari, 23.12.2008 kl. 12:29

Ekki ólikir siðir hjá okkur, meira að segja þetta með sykurinn í hangikjötið, mamma gerði það alltaf líka. Hafðu það sem best elskan mín og eigðu gleðileg jól.