Á morgun verður framtíð mín ráðin.

...............Og ekki bara mín.  Okkar allra. En ég mun aldrei taka að mér að greiða Icesave skuldir sem sannarlega eru ekki mínar.   Verði það niðurstaðan að þessar byrðar lendi á þjóðinni lít ég svo á að ég eigi ekki afturkvæmt til Íslands.  Ég er sannarlega á nálum....með hjartað í buxunum... og lífið í lúkunum..Mér finnst nefnilega ekkert gott að vera rekin að heiman.  kannski ég geti fengið flóttamannastatus hér í Danmörku?

En eftir að hafa legið undir feldi hér á Amager hef ég komist að þeirri niðurstöðu að banna eigi stjórnmálaflokka á Íslandi næstu 10 árin að minnsta kosti.............þeir eru greinilega til trafala. Þeir eru hluti af vandanum...........því miður.

Icesave-umræðu að ljúka

Athugasemdir

[hilmar jónsson, 27.8.2009 kl. 19:14]

Framsókn og Sjálfstæðisflokkur afgreiddu þína framtíð með afleiðingum af 16 ára stjórnarsetu þeirra.

[Andri (IP-tala skráð) 27.8.2009 kl. 19:36]

Hilmar.. Óþarfi að blanda þessum flokkum við skítinn sem núverandi ríkisstjórn er búin að malla í marga mánuði!

[Offari, 27.8.2009 kl. 19:41]

Pólitíkinn hefur verið okkur til trafala, það er rétt hjá þér.

[Hólmdís Hjartardóttir, 27.8.2009 kl. 20:09]

Andri....hvurs er skíturinn?

[kallinn hennar Binnu (IP-tala skráð) 27.8.2009 kl. 21:26]

Fræddu okkur, Andri. Hvaða flokkar bera ábyrgð?

[Ásdís Sigurðardóttir, 27.8.2009 kl. 22:02]

Sammála þér með pólitíkina, þessir menn þvælast fyrir framförum. kær kveðja til þín kíki á þig næst þegar ég verð á ferðinni.

[Stefán Gunnar, 27.8.2009 kl. 22:58]

Þeir sem kjósa þetta yfir okkur á morgunn eru þeir sem bera mestu ábyrgðina. Fólk sem þorir ekki að vernda sína eigin þjóð stóð með andstæðingum okkar og nýtti ekkert þann rétt sem við svo sannarlega eigum.

[Rakel Sigurgeirsdóttir, 27.8.2009 kl. 23:33]

Ó, hvað ég skil þig Hólmdís! Ég hef nefnilega sett þetta svolítið þannig upp fyrir mér sjálfri. Ef Icesave verður samþykkt á morgun þá sé ég mér ekki lengur stætt á að búa hérna. Kannski einfaldast að segja að ég hef bara ekki geð í mér að búa við þá lénsveldisskipulag sem ríkir hér í pólitikinni og efnahagsmálunum. 

Es: Ætli maður geti sótt um sem efnahagslegur flóttamaður í Danmörku?

[Jóna Kolbrún Garðarsdóttir, 27.8.2009 kl. 23:53]

Heyr heyr, mig langar að gerast flóttamaður ef þessi þrælasamningur verður samþykktur.