Hólmdís Hjartardóttir

9.10.2008 | 00:10

" How do you like Iceland ?"

Síðustu daga hefur verið erfitt að vera Íslendingur. Þjóðarstoltið er sært. Við erum bundin átthagafjötrum....við komumst ekki neitt. Við getum ekki selt eigur okkar og farið....það er enginn til að kaupa. Og enginn til að lána.

Í gærkvöldi lýsti Davíð Oddson yfir stríði við Breta.

Í dag hélt Geir blaðamannafund og hélt langa tölu um ekki neitt.

Ég heyri ítrekað: nú verðum við að standa saman á erfiðum stundum, við munum standa þetta af okkur. Sumir segja að við eigum ekki að eltast við sökudólga....Ég vil draga þá til ábyrgðar. Ég hvorki get né vil borga reikninginn.

Í mínum huga eru margir sekir og vil ég að allir verði látnir sæta ábyrgð. Þeir stjórnmálamenn sem einkavinavæddu bankana. Og brugðust þeirri skyldu sinni að setja reglur og halda uppi eftirliti. Þessir aðilar geta einfaldlega ekki firrt sig ábyrgð.

Ofurlaunabankastjórarnir sem sigldu bönkunum í þrot. Og útrásarvíkingarnir sem skuldsettu okkur langt fram í tímann. Afhverju heyri ég ekkert um frystingu eigna? Eða upptöku eigna?

Afhverju hefur SÍ ekki lækkað stýrivexti eins og allir aðrur seðlabankar?

Afhverju er eftirlaunaósóminn ekki afnumdur með hraði? Þjóðin kynni að meta það að sukkinu yrði hætt hjá stjórnvöldum.

Ég vonast til að það sem kemur út úr þessar kreppu sé það að blindir fái sýn.