Atvinnulaus

.................þá fæ ég að prófa það. Sæki um atvinnuleysisbætur á morgun. Ég sé mjög eftir þessari starfsemi.  Sérstaklega sé ég á eftir góðum vinnufélögum og einstökum starfsanda.  Það er eftirspurn eftir starfsemi af þessum toga.  Þarna fór fram endurhæfing eftir slys og sjúkdóma sem gerði fólki kleift að vera lengur heima.  Einnig hvíldarinnlagnir....sem miðuðu að því að veita aðstandendum hvíld frá því að sinna veikum einstaklingum.  Allt til að gera einstaklingum kleift að vera lengur í heimahúsum.   Við höfum fengið mikið hrós fyrir vinnuna okkar og létt á störfum heimahjúkrunar, aðstandenda og einnig höfum við tekið fólk af Landspítala.

Ég var þarna í kvöld að kveðja síðustu skjólstæðingana. Allir tóku þessu vel og af skilningi.

Ég var líka á Landakoti þar sem ég fékk nokkur uppsagnarbréf....og einn daginn mætti ég í vinnuna og við máttum hringja í tugi manns sem höfðu verið boðaðir í aðgerðir....og afboða.  Í mínum huga voru það stór mistök að loka Landakoti sem var einstaklega manneskjulegur spítali. Á sama hátt er sorglegt að loka svo góðri starfsemi eins og hefur verið rekin á Heilsuverndarstöðinni.

En ég örvænti ekki.....það fara að losna stöður í seðlabanka og ríkisstjórn.....

Heilsuverndarstöðin í þrot

Athugasemdir

[Rannveig H, 13.11.2008 kl. 22:13]

Leiðinlegt að heyra þetta, vona að þú komist ljótt í vinnu aftur.

[Rannveig H, 13.11.2008 kl. 22:14]

Fljótt í vinnu aftur átti þetta að vera elskan mín.

[Sigrún Jónsdóttir, 13.11.2008 kl. 22:34]

Held að Seðlabankastaðan sé kannski að losna......bakland Ingu Jónu á Akranesi var að álykta í þá áttina

[Hólmdís Hjartardóttir, 13.11.2008 kl. 22:40]

Takk öll og takk fyrir spjallið Sigrún. Ég get fengið vinnu....en það er spurning hvort ég kýs að vinna í öðru landi..........

[Haraldur Bjarnason, 13.11.2008 kl. 23:08]

Já í Seðlabankann með þig annars er ég með svona fyrirvara uppsagnarbréf í höndunum með von um að úr rætist áður en uppsagnarfresturinn rennur út. Þannig að spurningin er hvort okkar fer í Seðlabankann?

[Jakobína Ingunn Ólafsdóttir, 13.11.2008 kl. 23:15]

Þetta er leiðinlegt að heyra. Ég vona að það rætist úr þínum málum. Það er ekkert skemmtilegt að vera á atvinnuleysisbótum. Skemmtilegra að mæta í vinnuna og hitta vinnufélaganna. Fólk sem er í þinni stöðu ætti eiginlega að mynda hópa og hittast.

[Hólmdís Hjartardóttir, 13.11.2008 kl. 23:41]

Halli ég skal vera "aðal"  og þú mátt vera "vara"   En ég vil alvöru hagfræðing í seðlabankann.

Jakobína Ingunn..........þó ekki sjáist það á launaseðlunum tilheyri ég lífsnauðsynlegri stétt....og get fegið vinnu en takk.  Við ætlum sannarlega að hittast...gott fólk og vinir

[Sigrún Óskars, 14.11.2008 kl. 00:20]

Leiðinlegt að heyra að Heilsuverndarstöðin sé öll. Ég er algjörlega sammála með Landakot - það átti aldrei að loka honum. Maður leiðir hugann að því hvort það sé sparnaður að hafa sjúkrahúsin saman í einu bákni. Við vitum Hólmdís að "yfirstöðum" hefur ekki fækkað svo mjög, kóngasyndromið er enn við líði.

Gangi þér vel að fá vinnu - bara að selja sig dýrt. Ekki segja: hvað fæ ég í laun - heldur ég vil xxx.þúsund á mánuði takk fyrir.   

[Hólmdís Hjartardóttir, 14.11.2008 kl. 00:32]

Sigrún .....þetta er sorglegt....og ég er ekki að hugsa um minn rass.  Það var eitt pólitíska slysið að loka Landakoti.  Það hefur ekkert sparast við sameiningu sjúkrahúsanna. En kveðja til þin gamla "hollsystir"...því brátt skylur engin þaðorð

[Beturvitringur, 14.11.2008 kl. 03:28]

Bloggaðu nú skrattann ráðalausan, ÞANGAÐ TIL þú ferð í næstu vinnu (þá máttu minnka aftur, - sökum anna)

[Haraldur Davíðsson, 14.11.2008 kl. 04:35]

Leitt að heyra, þú dettur niður á vinnu...

[Ragnar Freyr Ingvarsson, 14.11.2008 kl. 08:20]

Leidinlegt ad heyra af thessu. Oska ther alls hins besta i framtidinni.

Mbk, Ragnar Ingvarsson

[Hólmdís Hjartardóttir, 14.11.2008 kl. 09:27]

Beturvitringur......geri það

Haraldur.....ég er ein af þeim heppnu ég get fengið vinnu

Ragnar  Takk.....

[Haraldur Davíðsson, 14.11.2008 kl. 21:58]

Jæja, gangi þér vel, ég trúi því að þú finnir vinnu......

[Gerður Pálma, 16.11.2008 kl. 10:24]

Að Heilsuverndarstöðin hafi þurft að loka er enn eitt sóðamálið sem við getum sett í gullkistu ríkisstjórnarinnar.  Ef þessir herrar hefðu innsýn í þarfir þjóðarinnar hefðu þeir komið á móts við þarfir Heilsuvernarstöðvarinnar til þess að hindra stöðvun. Heilbrigðisgeirinn þarf einkageira samhliða ríkisrekstri til þess að heilbrigð þróun og aðhald eigi sér stað.  Ríkisgeirinn hefur sýnt starfsfólki sem og sjúklingum, öldruðum og öðrum vanmáttar í heilbrigðismálum algjöra vanvirðinu í áratugi.  Við þetta RÍKA þjóð,(blankheit í bili) að láta það viðgangast er mér algjör ráðgáta - ég tek minn hatt ofan fyrir starfsfólki í heilbrigðisstéttum, þar hefur græðgisveiran ekki náð að festa rætur. Nýja rikisstjórnin´sem kosin verður í vor kemur með von um væntumþykju og virðingu sem leiðir af sér eðlilegt samræmi.  Þessi kreppa er að mínu mati guðs náð, við getum skorið burt veiruna og byrjað uppá nýtt með hreina samvisku og heilbrigða stjórn. Það verður nóg að gera með vorinu og Landakot er þarna ennþá, eða hvað?  Heilbrigðisþjónust getur orðið eitt af okkar sterku tækifærum til gjaldeyristekna, þjónusta við Evrópubúa sem bíða í röðum eftir þjónustu.  Fyrst koma jól og allir uppá stól, svo kemur og grundirnar fara að gróa´.

[Gerður Pálma, 16.11.2008 kl. 10:24]

missti eitt ord út

 svo kemur vorið og grundirnar fara að gróa...sorry

[Hólmdís Hjartardóttir, 16.11.2008 kl. 17:09]

Gerður reyndar var það svo að heilbrigðisráðuneyti vildi halda þessar starfsemi gangandi en eigandi hússins var ekki tilbúinn að leigja það.