Seðlabankastjóri rassskellti Jón Ásgeir

......loksins tókst honum að flengja strákskrattann.   Og við borgum brúsann þú og ég. Einhvern veginn held ég að myrkraverkin í nótt eigi eftir að hafa skelfilegar afleiðingar og margir muni missa lífsviðurværið. Dóminoáhrifin munu ekki láta á sér standa. Glitnismenn eru ekki á því að þetta hafi verið nauðsynleg aðgerð.  Ekki get ég metið það.  Ég hef á tilfinningunni að þessi gjörð hafi verið af annarlegum hvötum.....að minnsta kosti segir púkinn á öxlinni á mér það.  Nú held ég að kóngurinn sé kátur.

Hinir bankarnir tapa líka

Neyðarfundur í Seðlabankanum seint í kvöld.

.......Formenn allra stjórnmálaflokka mættu á fund í Seðlabankanum í kvöld.  Allir eru þeir þögulir um efni hans.  Ég kvíði morgundeginum.  Hef enga trú á að þeir hafi bara verið að hittast yfir kaffi og kleinum og rabba um veðrið.  Erum við orðin gjaldþrota?    Eða á að dæla fé í bankana? 

Aldeyjarfoss

..........................dettur einhverjum í alvöru í hug að virkja þarna?  Tilhugsunin er svo skelfileg....það á ekki einu sinni að þurfa að ræða þetta.   Vonandi verður Skjálfandafljót friðað.  Aldeyjarfoss er einn af okkar mestu perlum.

Krafturinn í fórum þjóðarinnar

Auðvitað

 

Ellismellir rokka

Ljós í myrkri

  það er þó einn ráðherra á landinu sem hefur áhyggjur af hruni heimilanna í landinu.  Forsætisráðherra segir okkur að þrengja sultarólina sem er sjálfgert vegna minnkandi kaupmáttar. Á meðan er hann sjálfur í útlöndum að sýna sig og sjá aðra.  Ég held að fjöldi manns muni flýja héðan á næstu mánuðum....enda sjálfhætt að búa hér þegar fólk hefur ekki lengur í sig og á.  Eða kannski er komið að því að bylting verði gerð á Íslandi ?  Er í svartsýniskasti. 

Annars sýnist mér vera fellibylur í garðinum hjá mér.....vissi hreinlega ekki að trén væru svona liðug.

Gæti bjargað fjölskyldum frá gjaldþroti

SUKK ?

.....Eitthvað kostuðu nú svörtu höfuðstöðvarnar?  Mér hefur sýnst OR hafi verið á kafi í ýmsum gæluverkefnum.  Rækjur og REI.   Perlan. Kaup á sumarhúsalóðum.  Alltaf skal seilst lengra ofan í vasa almennings.  Til að borga fyrir óráðsíuna. Þessi hækkun kemur á alversta mögulegum tíma en er kannski gott innlegg í kjarabaráttu.

Heita vatnið er okkar olía.  Og það ætti að vera metnaður fyrir því að halda kostnaði í lágmarki.

OR vantar meira fé

Hver borgar?

   Hvað eru margir ráðherrar á landinu í dag?  Gaman að gera talningu á því. Og gaman væri að sjá yfirlit yfir  ferðir ráðamanna um heiminn. Ég heyrði í morgun að BB gegndi stöðu forsætisráðherra í dag.   Mín tilfinning er sú að flandrið hafi aldrei verið meira.

Þorgerður Katrín: Ætla að öskra mig hása

Matvöruverslun ríkisins góðan dag.

.............sá í fréttum í kvöld myndir frá raunverulegri lágvöruverslun í Vínarborg.  Þangað fer fólk sem hefur úr litlu að moða.  Ég hef hugsað talsvert um það undanfarið  þegar matvöruverðið hækkar og hækkar hvort ríkið ætti ekki að reka matvöruverslun. Nú eða sveitarfélögin.  Það er virkilega orðinn þungur baggi á Íslandi í dag að kaupa í matinn.   Þarna fengjust allar grunnneysluvörur en lúxusinn yrðum við að kaupa annars staðar.  Verðlagningin yrði sanngjörn.  Álagningin ekki meiri en svo að verslunin stæði undir sér. Þarna fengist einhvers konar viðmiðunarverð og raunveruleg samkeppni skapaðist.  Ég er sannfærð um að þetta myndi lækka matvælaverð á Íslandi.   Aðrir sem reka matvöruverslanir færu kannski betur með frelsið.

Ég heyri æ fleiri í kringum mig tala um að flytja úr landi............fólk vinnur varla fyrir sér lengur.

KLÚÐUR

........Nú ættu fleiri sem valda ekki embættum sínum að taka hatt sinn og staf.  Svo virðist sem búið sé að rústa löggæslu þarna suður frá.  Einhver myndi kalla gjörðir BB afglöp í starfi.

Flótti úr lögreglu Suðurnesja

Valtað yfir íbúa

....það er ekki laust við að maður missi trúna á að fólk hafi eitthvað að segja um umhverfi sitt. Auðvitað eiga þessar raflínur að fara ofan í jörð.  Annað er skammsýni.  Hver tók ákvörðun um að ekki þyrfti að kjósa?   Meirihlutinn í Vogum hunsar óskir íbúa.  þetta er ekkert nema dapurt.

Stundum finnst mér að álfyrirtækin og Landsvirkjun séu eitthvert stjórnvald.  Er það svo?  Hvað gerist svo í Reykjahlíð?

Íbúar fá ekki að kjósa