Ha?

.....getum við ekki bara notað visa?

Miklir erfiðleikar blasa við

Áfallahjálp

....þarf ekki að fara að opna áfallamiðstöð fyrir allt þetta fólk sem hefur misst vinnuna sína og er að missa húsin sín.  Í viðtali við Óttar Guðmundsson í gær kom fram að geðlæknar hafi meira en nóg að gera við að sinna fólki sem glímir við andlega vanlíðan vegna kreppunnar. Væri ekki hægt að nota seðlabankahúsið sem áfallamiðstöð?  Þar væri líka hægt að opna súpueldhús fyrir svanga borgara.

Ég held að það verði að huga að andlegri líðan hjá þessari þjóð sem er í losti.  Kemur Geir í kvöld og segir okkur að það sé ekki kreppa?   Eigum við von á  því að það verði vöruskortur fljótlega?

Annars er veðrið gott.

Tæplega 1.500 sagt upp í hópuppsögnum í ár

Sá sem valdið hefur

  hefur talað.  Flokkurinn hans hefur verið of lengi við völd og það er líklega brýnasta verkefnið að losna við hann.  Þjóðin er búin að fá nóg. En var það ekki svo að DO hefur sjálfur gagnrýnt seðlabankastjóra fyrir að tjá sig um stjórnmál?  Afdankaðir stjórnmálamenn eiga ekki heima í bankanum.  Hvað varð um lýðræðið á Íslandi?

Seðlabankastjóri viðrar hugmynd um þjóðstjórn

Við getum hiklaust sparað

.....Lýðnum er ljóst að við búum í einræðisríki.  Ekkert virðist fá því breytt..............nema að hér verði gerð bylting.  Er þá ekki upplag að spara  laun alþingismanna og ráðherra  þar til "þetta" er yfirstaðið.

Annars býð ég mig fram sem einræðisherra

 

 

 

 

Fleiri leita til geðdeilda

.....Óttar Guðmundsson geðlæknir sagði í kvöld að geðlæknar yrðu varir við aukna andlega kreppu í fjárhagskreppunni.  Kemur varla á óvart. Fólk fyllist þunglyndi og kvíða.  Og því miður er líklegt að sjálfsvígum fjölgi.  Allt of margir eru komnir í þrot.   Kannski við ættum bara að nota "símapeningana"  til að bæta stöðu þeirra verst stöddu?  Það er ekkert upplífgandi að fylgjast með fréttum þessa dagana.   Ég held að fjölmiðlar ættu að vera duglegri að finna gleðifréttir fyrir okkur.  Eitthvað jákvætt er nú eftir í henni veröld.  Kannski gætu fréttamenn byrjað hvern fréttatíma á góðum brandara og endað svo á skemmtilegri frétt.  Það yrði miklu léttara fyrir marga að fara inn í skammdegið ef  þetta yrði gert. Annars hefur fréttastofa sjónvarps verið dugleg að birta skemmtilegar fréttir og auglýst eftir þeim og er það mjög jákvætt. Nú svo gætum við haft dag góðra frétta.

Verum svo góð hvert við annað...........

Verða Íslendingar orðnir 100 þúsund eftir eitt ár?

............Ástandið hér er ávísun á landflótta.  Klisjur eins og "traust efnahagsstjórn"  og "góðæri" virka í besta falli hlægilegar.    Engin kreppa segir Geir. En honum er nú fjarstýrt úr Seðlabankanum.

Ég held að þjóðin verði að fara að gefa stjórnvöldum spark í afturendann.

Annars gerði ég þau mistök að fara inn í 10-11 að kaupa mér Merrild kaffipakka í dag.  Borgaði litlar 725 krónur fyrir hann. 

57 milljarða króna halli

VELJUM ÍSLENSKT

  Það er óskaplega þungt hljóð í fólki og ég verð vör við það að fólk er farið að skoða það í fullri alvöru að flytja úr landi.   Það hefur meira að segja verið rætt á mínu heimili. Við fáum stöðugar fréttir af uppsögnum og krónan er verðlaus.   Mér finnst skrýtið að heyra engan áróður rekinn fyrir því að kaupa innlenda vöru í stað erlendrar.  En það er þó eitt sem við getum gert til að reyna að halda íslenskum fyrirtækjum gangandi.......og atvinnu fyrir fólk.

 

AUÐVITAÐ

......nú er verið að losa fé.......því nú á að kaupa Glitni.

Straumur eignast hluta Landsbankans

Kastljósið

,,,,,horfði andaktug á Kastljósið .  Þorsteinn Már lýsti samskiptum við Seðlabankann  um helgina og ég trúði hverju orði sem hann sagði.  Ekki þótti mér síður athyglivert að sjá Viðskiptaráðherra.  Honum var greinilega brugðið. Það var eins og hann hefði allt í einu kveikt á perunni eftir að hafa hlustað á Þorstein Má.   Kom greinilega alveg af fjöllum.   Og hafði augljóslega ekki komið að málinu fyrr en hann var upplýstur á sunnudagkvöld.  Að hlusta á þessi viðtöl styrkti þá trú mína að það væri einleikari í Svörtuloftum.  Sem hefði einn stjórnað atburðarrásinni.    Þetta er eins og einhvers konar einvígi milli Jóns Ásgeirs og Davíðs.  Sem lýkur ekki fyrr en annar fellur frá. Það er eðlilegt að ÞM efist um hæfi DO í málinu.

Framsóknarmenn minna á að það sé Alþingis að taka þær ákvarðanir sem DO tók.  Ekki ríkisstjórnar einnar hvað þá seðlabankastjóra.

En ég get upplýst að Glitnishúsið á Kirkjusandi var vel upplýst nú fyrir miðnættið.  Það kæmi mér hreint ekki á óvart að þeim tækist að endurfjármagna bankann.  Og rassskelltu DO þar með.  Nú eiga þeir leik.

Geirharður upplýsti að hann hefði verið í stöðugu sambandi við ISG vegna málsins.  Hugsanlega er hún afsökuð í málinu. Var að koma úr heilaaðgerð og væntanlega vel lyfjuð. En gárungarnir segja að hún sé ein í þessari ríkisstjórn sem geti sannað að hún hafi eitthvað í hausnum það hafi sést á mynd en hafi reyndar verið lítið..........

Vona bara að það verði ekki fjöldaflótti frá landinu...................með krónuna í frjálsu falli

Sameining Glitnis og Landsbanka ólíkleg

Útsala útsala

allt að 90% afsláttur.  Nú er hægt að kaupa banka á spottprís.   Ef einhvers staðar fengist lán. Evran tæpar 146 krónur og krónan áfram í frjálsu falli.   Get ég fengið launin mín í Evrum takk?  Ætli við þraukum mikið lengur á skerinu?   Maður er farinn að hugsa sinn gang. Hvernig standa lífeyrissjóðirnir okkar? 

 

 

 

Úrvalsvísitalan lækkar um 12,73%