Þessu kyngi ég ekki

Þessi frétt getur bara ekki verið rétt. Mikill skortur er á faglærðu fólki á hjúkrunarheimilum sem mörg hver eru orðin mönnuð hálfgerðum og fullgerðum fóttamönnum frá öðrum löndum.  Því fólki er hægt að borga lægstu laun sem fyrirfinnast á Íslandi.    Getur verið að þetta sé stefnan hjá Reykjavíkurborg í dag?

Og einu sinni enn ætla ég að pota því inn að fólk greiðir margt háar fjárhæðir  fyrir búsetu á þessum stofnunum.  Og á rétt á faglegri þjónustu og að við það sé talað á okkar ástkæra ylhýra móðurmáli.

Það verður að hætta að líta á aldrað fólk sem bagga á þjóðfélaginu.

Fá ekki að vinna sem sjúkraliðar

FORSETI ÍSLANDS.

Nú hætti ég mér út á hálan ís.    Fyrsti forsetinn sem ég man eftir var Ásgeir, síðan Kristján Eldjárn. Kannske var ég of ung til að skynja gagnrýni á þá.   Man samt að frú Halldóra fór berfætt í fiskbúðina.     Svo kom Vigdís fyrsti þjóðkjörni kvenforsetinn og athygli heimsins beindist að okkur.  Einstæð móðir og fráskilin.  Ég var yfir mig hrifin.  Dálitla gagnrýni fékk hún á sig í embætti. Nú finnst mér ekki að forsetinn eigi að vera yfir gagnrýni hafinn. En það var gaman að hafa forseta sem gat tjáð sig vel á mörgum tungumálum og var þar að auki glæsileg kona.

Og enn átti að kjósa forseta....og nú voru nokkrir í kjöri.  Ég vil helst ekki sjá fyrrverandi stjórnmálamann í þessu embætti.  Slíkur forseti nær aldrei hylli allrar þjóðarinnar og því ekki það sameiningartákn sem ég tel að embættið eigi að vera.

Ég kaus ekki Ólaf Ragnar Grímsson.  Og var ekki sátt við kjör hans þrátt fyrir að fá stórglæsilega forsetafrú Guðrúnu Katrínu.

  Ég tel hins vegar að Ólafur hafi staðið sig vel í embætti.  Og hann hélt áfram þrátt fyrir ótímabært andlát Guðrúnar Katrínar.   Ég fylgdist með útför hennar í sjónvarpi og þótti myndavélarnar fullnærgöngular við syrgjendur.  Fólk á rétt á einkalífi.

  Og svo fann Ólafur Dorrit.   Sem var hans happ og okkar allra.

     Andstæðingar Ólafs í stjórnmálum hafa aldrei náð sér eftir að hann varð forseti.   Andúð í hans garð frá vissum aðilum hefur alltaf skinið í gegn.   Ýmsar embættisfærslur gagnrýndar og ávallt hefur hann verið undir smásjá.  Margir Sjálfstæðismenn hafa enn ekki tekið hann í sátt og munu aldrei gera.

     Dagbókarbrot Matthíasar þau sem ég hef lesið hafa mér þótt afar ógeðfelld.  Að fjalla um sjúkrahúskostnað Guðrúnar Katrínar er vægast sagt taktlaust og  að sjálfsögðu  trúnaðarbrot.  Andúð á Ólafi hefur verið yfirfærð á Dorrit sem hefur það eitt til saka unnið að vera lifandi og hrifnæm.  Mér hefur þótt undanfarið að gagnrýni á forsetahjónin sé farin að jaðra við einelti.

    Mér finnst að á meðan við höfum þetta embætti eigum við að hafa frið um það og sýna því tilhlýðilega virðingu.  Ellegar eyðileggjum við það.

   Öll framganga forsetahjónanna í kringum Ólympíuleikana hefur verið til fyrirmyndar  og stóð Ólafur Ragnar sig mjög vel í viðtali í kvöld.   En ég saknaði Dorritar   hún glæðir svona atburði lífi.

Og hananú.

Ég flaug til Kína og Vietnam fyrir rúmum 7 mánuðum.

 

 

 

Flugmiðinn kostaði 79 þúsund krónur. Ég hefði kannske getað aðstoðað Þorgerði Katrínu við að ná kostnaðinum niður við Kínaferðir sínar.  Dýrasta hótelið sem ég gisti á var virkilega fínt hótel.  Nóttin kostaði 6000 krónur.   Þessi gífurlegi kostnaður við Kínaferðir ráðherrans eru ofar mínum skilningi.

 

 

 

 

 

 

Ef þetta er rétt

að Kínaferðir Menntamálaráðherra og co hafi kostað landsmenn 5 milljónir finnst mér að hún eigi að segja af sér. Það er hægt að sætta sig við að borga fyrir eina ferð......annað er bruðl og stórskandall.

Kæru landsmenn sýnið aðhald!!!

Stórhátíðakaup í dag?

 Annars er ég í fríi og mín bíða mikil verkefni á heimilinu......án launa.

En á meðan stjórnendur landsins eru svona "vímaðir" og örlátir væri þá ekki upplagt að "pöpullinn" leggði fram nokkrar réttlátar kröfur sér til handa.

Svo sem hækkun á persónufrádrætti. Og lækkun matarverðs í landinu. Lágmarkslaun verði 200þús....og það fest í lög.

Svo ætti að semja myndarlega við ljósmæður.

Og að lokum legg ég til að þeir sem lifa af lægstu tekjum þessa lands verði veitt Fálkaorða....því það er sannkölluð hetjudáð.

Eldri hetjur syngja fyrir þær nýju

Varaborgarfulltrúar/ljósmæður

Eigum við að bera saman kröfur sem gerðar eru til þeirra?  Kröfur um menntun?  Kröfur um viðveru í starfi?  Kröfur um vaktabyrði?  Kröfur um að vinna á jólum og öðrum hátíðisdögum?  Ábyrgð?  Launin eru nefnilega svipuð hjá þessum hópum,...........varaborgarfulltrúinn getur auðveldlega verið í fullu starfi með sínu varaborgarfulltrúastarfi.   Ljósmóðirin er í fullu starfi í sinni vinnu.  Hver er það sem metur að þetta sé sambærilegt til launa?

Reyndar er ég komin á þá skoðun að það eigi að árangurstengja laun stjórnmálamanna. ( Erfitt í framkvæmd...og skiptar skoðanir um árangur).   Hvað væru réttlát laun fyrir núverandi borgarfulltrúa ef launin væru árangurstengd?....

Enginn árangur hjá ljósmæðrum

LJÓSMÆÐUR VERÐSKULDA GÓÐ LAUN

það er stjórnvöldum til stórskammar að ljósmæður þurfi að berjast fyrir bættum kjörum með kjafti og klóm. Starf þeirra er með þeim dýrmætari í þessu landi.   Minna má á loforð stjórnmálaflokkanna allra að bæta kjör kvennastétta sérstaklega og ályktun SÞ um stöðu kvenna á Íslandi.

Ljósmæður hafa 6 ára háskólanám og bera mikla ábyrgð. Þetta er engan veginn metið til launa þrátt fyrir að flestir meti starf þeirra mikils.

Áfram ljósmæður.

Hjúkrunarfræðingar taka undir kröfur ljósmæðra

Öndvegissúla.

Þar sem ég er svo hrifin af eigin hugmynd um  að reisa súlu í Laugardalnum með nöfnum afreksmanna í íþróttum ætla ég að koma henni á framfæri aftur.  Þar væru greypt nöfn allra Íslendinga sem skara fram úr í íþróttum ..allt  frá landnámi. 

Allt gott um það að segja að veita "strákunum okkar" Fálkaorðuna.  Gallinn við þessa orðu er hins vegar sá að hún hefur verið ofnotuð.  Embættismenn fá hana fyrir að mæta í vinnuna sína.

 

Stáldrottningin

.....ég var bara hálfhrædd þegar ég horfði á Kastljósið áðan. Ekki vildi ég mæta henni í myrkri. Eiginlega ekki heldur í björtu.  Ísköld.  Og ég trúi ekki einu orði sem hún segir.

Það var nú einu sinni svo að Sjálftökuflokkurinn þráði svo ákaft völd að hann sagði já við öllum kröfum Ólafs á sínum tíma. Auðvitað var hann ánægður með það. Þau samþykktu öll hans stefnumál og hann var eins og barn í dótabúð.   Þau bera ábyrgðina.  Ég held að Ólafur hafi staðið við sinn hluta af gerðum samningi.....enda einfalt. Þau ekki.

Afhverju ættum við borgarbúar að treysta þessu fólki?  

Hvað eru margir framsóknarmenn í Reykjavík?.

.....Er það ekki rétt hjá mér að 3 af 4 efstu mönnum á lista Framsóknarflokksins í Reykjavík eru ekki, með í  þessum nýjasta gjörningi?.   Björn Ingi er fjarri góðu gamni (kannski verður leitað til hans). Ásrún lét sig hverfa og Marsibil styður ekki þessa ást á rauðu ljósi.  Líklegt að hún skipti um flokk.

Hvað eru þá margir Framsóknarmenn eftir í borginni?  Eru þeir nægilega margir í ráð og nefndir? Það verður spennandi að sjá  framhaldið. Engin keðja er sterkari en veikasti hlekkurinn.  Ég fæ alltaf fiðring í hláturtaugarnar þegar 1-2% menn segja "við í meirihlutanum".

Djöfull sem ég væri til í að vera borgarstjóri á biðlaunum.

Hleypir spennu í sambandið