Ekki meir Geir

.........................Hrikalega er þetta aumt. Blessaður maðurinn hann er veikari en ég hélt.

Hann setur niður við svona yfirlýsingar. Á öðrum stað á netinu er það fullyrt að Geir hafi beðið Davíð að fara en sá síðarnefndi hafi neitað. Krafa fólksins var endurnýjun á stjórn FME og SÍ. Geir virðist ekkert hafa heyrt af því.  Krafan var ekki "allir nema Davíð". Margir sjálfstæðismenn tóku undir það.

En dapurt er þetta verð bara að segja það. Eitthvað svo sandkassalegt.

Geir: Stjórnuðust af hatri

Það vantar hjúkrunarfræðinga, sjúkraliða og leikskólakennara í Stafangri

.................Ég fékk póst um það að Íslensk stjórnvöld  hafi stöðvað nefnd sem átti að koma frá Stafangri að reyna að fá íslenska hjúkrunarfræðinga í vinnu.  Í hvaða rétti spyr ég?

Ég hélt að fólk réði því sjálft hvort það flytti úr landi eða ekki.  Ég veit um marga hjúkrunarfræðinga sem hafa áhuga á að fara í burtu úr öllum niðurskurðinum.

 

Dagur sem lengi hefur verið beðið eftir....

.......síðasti dagur XD ráherranna.  Þetta er reyndar óvenju fallegur dagur. Snjór yfir öllu og veröldin er í bláhvítu.  Og styttist í krókusana.

Ég trúi því að þeim detti ýmislegt í hug í dag. Þeir eru reiðir. Reiðir við Samfylkingu og reiðir við fólkið.  Þeir verða ekki aðgerðarlausir þennan síðasta dag. 

Bíð spennt.

Makalaust merkilegt.

     Gerir fólk sér grein fyrir að þetta er launalægsta fólk landsins.  Launin ekki mikið hærri en fullar atvinnuleysisbætur.  Neðar verður vart komist. Búið að hagræða í ræstingum áður.

Ef það  er þjóðhagslega hagkvæmt að senda þetta fólk heim á atvinnuleysisbótum er mín stærðfræði slakari en ég hélt.

 

Óskiljanleg harka Landspítala

Allt eðlilegt!

.....Þeir hafa svör á reiðum höndum bankabarónarnir það er á hreinu. Hvar sem borið er niður. Allir með hreinan skjöld.  Hættið að vera svona vond við þá.  Skammist ykkar.  Milljarðalán út um allar trissur. Arabaprinsar og kráareigendur.   Jafnvel einhver "að handan"  og  hver veit hvað.  Stórfeldir fjármagnsflutningar úr landi.  Niðurfellingar á skuldum og ábyrgð bankamanna ( sem þó fengu laun vegna ábyrgðar)  Og allt hefur þetta sínar "eðlilegu"skýringar.

Fjandans málið er að allt virðist löglegt því það "gleymdist" að setja lög.  Það mátti allt frelsið var svo mikið. Það er ekkert ólöglegt að stela lífsgæðum og öryggi heillar þjóðar. Að ég tali nú ekki um mannorðið.

Siðlaust?

Best að fara að sofa.

Vistuðu hlutabréf í Panama

Ég hef fulla trú á Jóhönnu

.....og hún er eflaust sá stjórnmálamaður sem flestir Íslendingar treysta. Gaman að heyra hana svara fréttamönnum.  Það er nýr stíll. Hún talar mannamál. Hún fer ekki undan í flæmingi.  

Það er stutt til kosninga og þessi stjórn sem er að myndast á bara að vinna brýnustu verkin. Tryggja heimilin.  Skipta um stjórn seðlabanka.  Ég vona að sem flestir ráðherrar verði utanþingsfólk.  Það er eina leiðin til að tryggja frið í samfélaginu. 

Þjóðin mun halda vöku sinni. Það er nóg af pottum og pönnum í landinu ef á þarf að halda.

Það sést á fréttum að ráðherrar Sjálfstæðisflokks eru hreint ekki hættir.

Nær Evrópu með Vinstri grænum

Eru stéttarfélögin vel vakandi?

............Ástandið í þjóðfélaginu er þannig að víða er gengið á réttindi fólks.  Allt er betra en að missa vinnun.  Áratugaréttindabarátta skolast í burtu.  Fólk lætur allt yfir sig ganga og enginn þorir að segja neitt. Fólki er fækkað á vinnustöðum, álagið eykst.  Sem sums staðar var ærið fyrir. Við vitum að niðurskurður er nauðsynlegur. Við vitum að okkur er gert að borga fyrir óstjórn síðustu áratuga. Réttindi eru víða fótum troðin núna.

Ég vona að fulltrúar stéttarfélaganna séu vel á verði.

Samfylking spáir ekki rétt í spilin

  ef Lúðvík Bergvinsson verður gerður að Dómsmálaráðherra.  Svo mikið er víst. Hann er orðaður við fasteignabrask samfara þingmennsku.

Skríllinn vill alla spillingu burt.

Búsáhaldabyltingin mun halda áfram.

Vel miðar í viðræðum

Tekur Hannes Hólmsteinn við af Herði á Austurvelli?

       Maður spyr sig?

Nú þegar Sjálfstæðisflokkurinn er kominn í laaaangt frí.

Þjóðin mun fylgjast vel með áfram.

Matarkarfan hefur hækkað um 5 - 13 %

..............Kannski búsáhaldatrommufólk eigi erindi við kaupmenn?  Mig grunar að þessar hækkanir séu ekki allar bráðnauðsynlegar nú þegar fólk hefur í vaxandi mæli úr litlu eða engu að spila.

Krónan hefur hækkað mest, Nóatún minnst.

Mig grunar að margt hækki í skjóli kreppu.

Þaf ekki að herða eftirlit? Kannski gott djobb fyrir fyrrverandi ráðherra og seðlabankastjóra. Þarna gætu þau komið að gagni fyrir þjóðina.

Höldum vöku okkar.