Gilitrutt

Finnst það einhvern veginn passa þarna. Annars gaman að sjá tillögur að nöfnum.

Nýtt fjall á Fimmvörðuhálsi

Nú veltir hann sér upp úr dögginni á Jónsmessunótt.

.....Helvískur og hlær að okkur. Ég er að tala um björinn í Bjarnarfelli við Bjarnarvötn. Ég sá viðtal við konurnar sem urðu varar við hann. Önnur þeirra var Haddý skólasystir mín. Þá var ég ekki í vafa um að þarna er enn einn bangsinn. Haddý hefði aldrei nefnt hvítabjörn nema að vera viss í sinni sök. Hún þekkir hross og hrúta....Vonandi finnst þessi sem fyrst. 

Annars vona ég að þið sem flest veltið ykkur nakin upp úr dögginni. Gaman væri að heyra kýrnar tala mannamál....reyni það seinna.

Status Quo

Ja hérna. Það er undarlegt eftir að hafa verið í burtu í rúmar 3 vikur að sjá að að að ekkert hefur gerst hjá sjálfstæðismönnum í borginni. Eg las helstu fréttir meðan ég var í burtu. Ég geri ráð fyrir að öll orka sjálfstæðismanna hafi farið í þetta Villa-mál. Því hefur flokkurinn ekki verið að vinna fyrir borgarbúa undanfarnar vikur. Ég vona að lögum verði breytt á þann hátt að hægt verði að krefjast kosninga þegar slík kreppa er í borgarstjórn.        Ég var að vona að við heimkomuna sæi ég fyrstu krókusana gægjast upp en því var ekki að heilsa en það styttist í það. Snjór yfir öllu á konudaginn, landið klætt hvítu eins og ung brúður. Er óhemju andlaus og löt í dag, dorma í hvert skipti sem ég sest niður er núna að vakna upp enda komin nótt. Yngri dóttirin svaf í allan dag, er lasin með ljótan hósta. Sú eldri svaf langt fram á dag. Vekjaraklukkan stillt á 7:30, nú er bara harkan sex í fyrramálið.

Að þræla myrkranna á milli

Getur einhver sagt mér hvað það er langur tími??? Ekki getur það verið jafnlangur tími allt árið. Að þræla myrkranna á milli í desember er kannske bara 5 mín.  En einhver ógurlega langur tími yfir sumarið. Mér er spurn.    En von er til þess að Kinks komi saman á nýjan leik....I am a dedicated follower of fashion....

Jólasnjór

Það var undurfallegt að horfa út í garð þegar við borðuðum hangikjötið í dag.Ekta jólasnjór. Vann kvöldvakt á Hrafnistu, þar voru flestir syfjaðir og þreyttir en vel fór um fólkið. Nú er dóttir mín og vinkona hennar búnar að hita rauðvínssósuna og rífa í sig hamborgarhrygginn. Mér er mjög minnisstæður aðfangadagur á Húsavík fyrir mörgum árum. Himininn bókstaflega logaði. Glitský eins langt og augað eygði. Heimsótti ömmu mína sem var komin í annan heim en við flest. Hún stóð föst við gluggann dáleidd af fegurðinni. Seinna frétti ég að himininn hefði verið svona frá Eyjafirði og austur um alla firði. Síðan hef ég að hámarki séð tvö glitský í einu á himni. Náttúran er svo fjölbreytt og kemur sífellt á óvart.