Bjart er yfir Reykjavík

Mikið skelfingar ósköp er betra að vakna í björtu á morgnanna. Það er orðið bjart klukkan hálfátta og birtan endist framundir kvöld.´Ég er búin að fá mikið af slæmum fréttum á örfáum dögum, ég er sannfærð um að það er auðveldara að takast á við það þegar sólin skín.  Það eina slæma við sólina á þessum tíma er að maður sér hvert fingrafar, hvert rykkorn Í gær fór ég í langan göngutúr þrátt fyrir kuldann, bakið og sálin voru þakklát fyrir það. Í dag dreif ég mig svo út að sópa og hreinsa í kringum mig. Krókusarnir eru að teygja sig upp úr snjónum og ég er farin að gjóa augunum í beðin. Páskarnir eru snemma í ár, svo hægt er að ljúka hretinu af, svo getur bara vorið komið. Og þá gerist ég moldvarpa með sorgarrendur. Já það lifnar svo sannarlega allt með sólinni.....Ég geymi alltaf spjöldin sem fylgja laukunum sem ég set niður á haustin og fylgist vel með þegar þeir koma upp. Reyndar setti ég óvenju lítið niður sl. haust en margir koma upp ár eftir ár. Í kvöld eldaði ég ýsurétt frá Jóhönnu Vigdísi sem var bara ágætur og í fyrramálð verður gerð ítölsk marinering fyrir kjúklingabringur.  Lífið heldur áfram hvað sem á dynur. 

UNGLINGUR

Í kvöld fylgdist ég með unglingspilti sinna veikri systur sinni sem líka er unglingur. Þetta var á barnadeild. Þegar hann kom ljómaði hún eins og sól í heiði. Hann færði henni ís. Hann kyssti hana þegar hann heilsaði henni. Mataði hana á ísnum. Klappaði henni á kinn.Hélt í hendina á henni. Athugaði hvort vel færi um hana. Talaði við hana,gladdi hana með orðum sínum. Hann hefur lært táknmál til að geta talað við hana. Hann kallaði á starfsfólk þegar honum fannst við geta gert eitthvað fyrir hana. Hann gerði allt sem í hans valdi stóð til að láta henn líða sem best. Þegar hún sofnaði las hann námsbækurnar sínar.  Ég var heilluð af þessum dreng. Fallegur með stórt hjarta. Systir hans brosti þegar ég hrósaði honum og sagði að allar kerlingar vildu fá hann fyrir tengdason........Hver var að tala um unglingavandamál??? Ég vona að hann eigi marga sína líka.

Vorboðar.

það er ekki úr vegi þegar veðrið er svona hryssingslegt að nefna vorið sem er á næsta leyti.  Í gær sá ég fyrstu krókusana. Hvítir, ræfilslegir. Sá reyndar að fjölærar plöntur eru byrjaðar að skjóta upp öngum sínum, liggur á eins og mér. En að sjá þessa fyrstu sprota vorsins virkaði eins og vítamínsprauta á mig. Ég fylltist bjartsýni og lífið virtist allt auðveldara og einfaldara. Og svo kemur lóan....Ég er að hugsa um að halda garðdagbók hér á blogginu.

Liðinn Mánudagur.

Já. Þessi mánudagur leið. Eins og allir mánudagar hafa reyndar gert til þessa. Morguninn hófst á því að reyna að koma unglingnum í skólann, það gekk ekki. Mínir morgnar eru svo erfiðir að ég fæ hálfgert kvíðakast þegar ég leggst á koddann. Þetta vesen dregur úr mér allan mátt. Reyndar er hún búin að vera lasin alla síðustu viku og hóstar enn ansi mikið. Komin á sýklalyf. Morguninn fór svo í að lesa fréttir og ég hugsaði með mér að náttúra Íslands sæi manni fyrir endalausum fréttum. Óveður, metsnjór í Eyjum. Skjálftahrina við Grímsey og í Álftadalsdyngju......eða við Upptyppinga. Gunnuhver í ham á Reykjanesinu. Ja mér kæmi bara ekkert á óvart að eigin völvuspá rættist.    Eftir hádegið fór ég á fund og síðan í Landsbankann að skoða eiginfjárstöðu.  Hef nú alltaf haft mitt á hreinu varðandi fjármál, nú er ég ekki viss lengur..  Ég þurfti lán til að endurnýja eldhúsið mitt í haust. Var spurð hvað ég treysti mér til að borga á mánuði. Ég sagðist vera með svo lág laun að ég gæti bara bætt við mig 10000 á mán. Að endingu varð stór yfirdráttarheimild niðurstaðan. Svo nefnilega athugaði ég stöðuna á reikningnum mínum um daginn í þeirri vissu að allt væri í góðu lagi. Átti ekki von á nema 50 þús útborguð þessi mánaðarmót og færði ferðareikninginn minn yfir á launareikninginn svo það væri nú innistæða fyrir visa og íbúðalánasjóð.   En reikningurinn var í mínus. Bankinn hafði tekið 500þús til að borga yfirdrátt. Ég fór til þjónusturáðgjafa að leita skýringa.  Mér var sagt að í rauninni hefði ekkert verið dregið af mér......   komst að því að raunverulega er ég búin að borga stærðarinnaryfirdrátt á 3 mán.....ég sem sagðist geta borgað 10 þús á mán. En hvernig er hægt að útskýra fyrir mér að þegar 500000 eru dregnar af reikningnum mínum þá hafi ég í raun ekkert borgað???    jæja eftir saltkjötsát keypti ég mér miða á tónleika Eric Clapton, sofnaði yfir  kastljósi og vakna svo útsofin um hálftvö.  Næstu 2 dagar strangir. Fyrirlestrar frá 9 að morgni til 3 og síðan kvöldvakt til hálftólf. Verð að minnsta kosti lítið í heimilisstörfunum.

Börnin lagfærð

Hvaða skilaboð er verið að senda börnunum????

Börnin „lagfærð“

Garðurinn minn.

•  
  • Garðurinn minn er hulinn hvítu teppi. Ekkert bólar á krókusum. En ég sá í dag að kirsuberjatréð er farið að bólgna, verð þó að bíða fram í maí að það blómstri. En með aukinni birtu er ég farin að kíkja út. Fuglarnir gleðja og venjulega hef ég verið örlát við þá. Þó hef ég klikkað allan febrúar vegna fjarveru og síðan veikinda. Ég verð að standa mig í að gefa þeim á morgun því þeim hefur greinilega fækkað. En í dag var fallegt að horfa yfir garðinn í frosti og sólskini. Allar árstíðir eiga sína fallegu hlið.Garðurinn minn er gríðarstór og ég er farin að hlakka til að geta sinnt honum. Ég hef eytt miklum peningum á hverju vori í plöntur, vildi samt geta gert miklu meira!! Yfir veturinn hef ég verið dugleg að kveikja á kertum í garðinum en þessi vetur hefur verið óvenju leiðinlegur og lítið viljað loga á kertum. Bráðum kemur betri tíð með blóm í haga, sæta langa sumardaga......Og ef bróðir minn sem er að skoða fugla á Costa Rica les þetta má hann vita að ég sá 2 King Fishers og einn örn á sveimi, hundruð storka og svo fjölda fugla í dýragarði í Víetnam.  Hvað heitir king fisher á íslensku??

HongKong

Sit her og bid eftir framhaldsflugi.;I London voru kirsuberjatre i bloma; Her er allt gr'att og 10 stiga hiti. Sit med tsigtao sem er kinverskur bjor. Flottur flugvollur. sEINKUN A FLUGI EINS OG I lONDON.hAFID TAD GOTT I KULDANUM. hEF EKKI TIMA TIL AD LAGA TETTA

Morgunverður

Lýsi.1 tsk. T. Doxytab.1 stk. Acidophilus 2 stk. B vítamin 1stk. Hjartamagnyl 1 stk. Kaffi 6 bollar. Og þá er maður klár í daginn.

50 gráða munur

Já veðrið hefur verið andstyggilegt lengi. Næstkomandi miðvikudagsmorgun flýg ég til London ef veður leyfir. Daginn eftir flýg ég til Hongkong og held svo áfram til HoChiMinCity (Saigon)lendi þar kl.18;00 föstudagskvöld að staðartíma. Spáin þar er 30 gráður, hér -17 gráður. ´Ég get ekki sagt að ég kvíði mismuninum en hann er óumdeilanlega mikill. Sannarlega ætla ég að reyna að blogga frá Víetnam þessar rúmu 3 vikur sem ég verð þar, en get engu lofað.

Reyndi á listræna hæfileika

Mættum 25 konur í afmæli. Ég þekkti nokkrar. Rauðvín, hvítvín, skemmtilegar veitingar. Við 3 vinkonur gáfum 4 geitur. 2 tungumál voru töluð í þessu afmæli, franska og svo ástkæra ylhýra sem ég er mun betri í.  Okkur var skift upp í hópa. Hin franski Remi stjórnaði. Við fengum pensla, liti og striga. Og fengum mismunandi verkefni. Það átti að mála mynd af pari á hestbaki  og Heklu í baksýn. Kúbiskt, esspressioniskt eða surrealiskt(að mig minnir) Góður samkvæmisleikur og  tengdi gesti vel saman. Verk þessi verða boðin upp hjá Cristies eða Sothebys við tækifæri.  Boun nuit