Á morgun segir sá lati.

Þrátt fyrir miklar væntingar um eigin dugnað varð mér lítið úr verki í kvöld. Og á morgun hef ég lítinn tíma. Fer á kvöldvakt og morgunvakt daginn eftir og svo strax til Akureyrar. Tilefnið er 30 ára stúdentsafmæli. Æfði mig þó í að ganga á bandaskóm með hælum. Þvoði ferðatöskur. Skrifaði kort.

Dagskráin er eftirfarandi: Á föstudag verður ekið í loftköstum til Akureyrar og þá væntanlega slappað af um kvöldið. Á laugardaginn stefni ég á að komast í gullbrúðkaup á Húsavík. Sunnudagurinn fer í óvissuferð. Síðasta óvissuferð okkar var stórskemmtileg þá komum við við í Laxárvirkjum, fórum í Seljahjallagil þar sem óvænt fundust  allmargir lítrar af bjór.  Enduðum svo daginn á kvöldmáltíð í Vogafjósi í Mývatnssveit. Við fengum frábært veður.  Á mánudagskvöld verður svo stórhátíð í Höllinni..Á þriðjudaginn er það svo Vogur...nei fyrirgefið Húsavík.

En hvert skyldi óvissan leiða okkur?  Grímsey? hvalaskoðun á Húsavík? Dubrovnik?

Skriðin undir sæng

 

Athugasemdir

[Jóna Kolbrún Garðarsdóttir, 12.6.2008 kl. 02:32]

Góða ferð og góða skemmtun, kannski lendið þið í Flatey á Skjálfanda, eða í Hrísey

[Hólmdís Hjartardóttir, 12.6.2008 kl. 02:34]

Aldrei að vita.....hef komið í báðar eyjarnar

[Haraldur Davíðsson, 12.6.2008 kl. 02:57]

Draumalandið..?  Góða nótt.

[Tína, 12.6.2008 kl. 07:32]

Þess óska ég að þú skemmtir þér vel kona. Hlakka síðan mikið til að fá að heyra ferðasöguna.

Knús í daginn Hólmdís

[Gudrún Hauksdótttir, 12.6.2008 kl. 09:57]

hver veit hvar tid lendid mín kæra?Góda skemmtun

Knús inn í daginn.

[Hólmdís Hjartardóttir, 12.6.2008 kl. 13:33]

Takk fyrir góðar kveðjur. Norðurland er yndislegt

[Sporðdrekinn, 12.6.2008 kl. 19:25]

Góðar stundir

[Guðrún Jóna Gunnarsdóttir, 12.6.2008 kl. 20:20]

Það verður pottþétt líf og fjör í tuskunum. Gott að hlaða batteríin. Njóttu vel, hvergi fallegra en í Þingeyjasýslunum

[Sigrún Jónsdóttir, 12.6.2008 kl. 23:45]

Skemmtu þér rosalega vel Hólmdís mín.  Óvissuferðin verður kannski farin í gamla matsalinn, þar sem boðið verður upp á eitt og annað af matseðli ykkar tíma við skólann

[Hólmdís Hjartardóttir, 12.6.2008 kl. 23:50]

Takk öll. Sigrún

[Þórhalla (IP-tala skráð) 13.6.2008 kl. 16:12]

Hlakka til að hitta þig á sunnudagsmorgun  
Og skilaðu kveðjum í gullbrúðkaupið góða, reikna með að það sé á nr. 20

[Lilja Guðrún Þorvaldsdóttir, 14.6.2008 kl. 01:37]

Góða ferð og góða skemmtun. -

[Haraldur Bjarnason, 14.6.2008 kl. 12:23]

Þarna er ástæðan fyrir fréttunum frá Akureyri núna. Þú á staðnum. Fyrirsagnirnar segja sitt: "Fangageymslur fullar" - "Mikil ölvun á Akureyri"....o.s. frv...ekki er ég á staðnum núna!!!......Skemmtu þér vel og það verður örugglega gaman í óvissuferðinni, ég hef lúmskan grun um að Sigrún hafi rétt fyrir sér með hana.

[Lilja G. Bolladóttir, 15.6.2008 kl. 01:50]

Góða skemmtun fyrir norðan!!! Ég er allnokkru sunnar, sem sagt á Spáni akkúrat núna.... en veit sem er, að staðurinn skiptir ekki máli, heldur félagsskapurinn. Enjoy.....

[Himmalingur, 15.6.2008 kl. 02:41]

Góða skemmtun mín kæra! Heyrðu annars, hvert verður farið í óvissuferðina????

[maggatolla (IP-tala skráð) 18.6.2008 kl. 00:01]

Síðbúið svar: frúin að koma frá Álaborg ( ekki komist í tölvu í marga daga.) Fyrstu fréttir á  Akureyrar flugvelli voru hressilegar-allt brjálað um helgina,var þetta tilviljun ein??  Alltaf verið ánægð með þig........    EN ekki kinnar!! Kryddið og flodeskum hljómar vel. Kannski hægt að breyta um fisktegund? Kemur þú ekki á mærudaga? Væri alveg til að taka eitt glas af hvítu víni með þér.Ég veit að okkar vinna er bara skemmtileg  Hólmdís en  17 tíma vaktir???  Kveðja frá Fögru Vík.

[Hólmdís Hjartardóttir, 18.6.2008 kl. 11:57]

takk fyrir innlit, Magga þú ert matvönd.....ég er stödd á Húsavík NÚNA