Útlendingahatur á Íslandi.

   er staðreynd. Ég er ein af þeim sem finnst ekki boðlegt að ráða fólk sem ekki talar íslensku til að sinna öldruðum. Og mér þykir afar erfitt ef ég er eini íslenskumælandi starfsmaðurinn á vakt á öldrunarheimili.  En það gefur mér ekki leyfi til að vera með leiðindi við fólk eða sýna því óvirðingu. Það truflar mig minna þótt ég geti ekki talað við starfsmann í verslun eða á veitingastað.  Í gærkvöldi var ég á kvöldvakt á hjúkrunarheimili og átti samtal við pólska konu sem hefur búið í mörg ár á Íslandi, fyrst úti á landi síðar í Reykjavík. Gift íslenskum manni og talar þokkalega íslensku. Hún segist aldrei hafa mætt fordómum á meðan hún bjó úti á landi en í Reykjavík finnur hún mikið fyrir þeim og fer það versnandi. Þetta er hörkudugleg kona.  Inn í umræðuna kom erlendur karlmaður. Af asísku bergi brotinn. Hann verður mikið var við fordóma.  .Ég hefði haldið að íslenskan væri lykillinn að því að komast inn í íslenskt samfélag  en það er bara ekki nóg segja þau.  Pólska samstarfskona mín segir að ef einn Pólverji fremji glæp sé litið á ALLA Pólverja sem seka.

Ég hef unnið með fjölmörgum útlendingum. Þeir eru auðvitað jafn mismunandi og við Íslendingar. Þeir sem leggja sig fram um að ná tökum á málinu og aðlagast samfélaginu vegnar að sjálfsögðu betur en þeim sem reyna ekki einu sinni . Hér er fólk sem hefur búið hér í fjölda ára og getur ekkert tjáð sig á íslensku.  Það er ekki nóg að kunna að segja "já elskan".

Umræðan um palenstínsku flóttakonurnar er ömurleg. Við verðum að muna að fólk er fólk jafnvel þó það sé okkur framandi. Okkur ber skylda til að aðstoða þetta fólk.

 Aðgát skal höfð í nærveru sálar.

Stofnun Félags Litháa olli úlfaþyt.  Hvað gera Íslendingar erlendis??  þeir stofna Íslendingafélög!!!!

En þeir útlendingar sem koma hér gagngert til að fremja glæpi eiga að vera reknir úr landi umsvifalaust.

Svo mörg voru þau orð.

64%

...hvernig væri að skipuleggja verslunarferðir til Evrópu???   Getur einhver sagt mér hvernig stendur á þessu????        Þetta kemur reyndar ekki á óvart. Kannski það þurfi ríkisreknar marvöruverslanir fyrir sauðsvartan almúgann????

Verð á mat 64% hærra en í ESB

8 tonnum af sprengiefni stolið af Kárahnjúkum.

Það gæti nú valdið skaða víða.  Stíflan sjálf??  Alþingishúsið  eða ráðhúsið?? Keflavíkurflugvöllur?? Mér datt reyndar fyrst í hug að einhver vildi hjálpa Upptyppingum við langdregna erfiða fæðingu. Þarf enga öryggisvörslu í kringum sprengiefni???  Eiginlega finnst mér ekki í lagi að hægt sé að stela þessu.  Kannski vill einhver sprengja upp stjórnarsamstarfið?   Og margir vilja sprengja borgarstjórn.

Þarna er mikið að

Þetta er eins og að rétta brennuvargi eldspítur en biðja hann um að nota þær ekki.    Kennarinn á að sjálfsögðu að víkja strax á meðan málið er skoðað. Reynist hann saklaus á hann svo rétt á vinnunni sinni aftur.  Börnin verða að njóta vafans.

   Annars eru stanslausar fréttir af svona málum og maður fer að hugsa hvort þetta sé normið???? Ein af hverjum 5 stúlkum er áreitt eða beitt kynferðislegu ofbeldi. Eitthvað færri drengir. Ég verð mjög refsiglöð þegar kemur að svona málum.   Menn sem hafa hneigðir til barna sækja í störf með börnum það er vitað. Það þarf að fylgjast miklu betur með stöðum þar sem unnið er með börn og hverjir ráðast í þau störf.

En stjórn Borgaskóla er algerlega vanhæf.

Kennara vikið frá störfum í Borgaskóla

Á móti þjóðaratkvæðagreiðslu.

.....Hvernig er það hægt? Hvað er lýðræðislegra en þjóðaratkvæðisgreiðsla?  Ætti fólk ekki að fá að kjósa um flest mál sem varða heildarhagsmuni?  Það hlýtur að vera framtíðin að þjóðin kjósi um öll meiriháttar mál rafrænt.  Fljótlegt og ódýrt. Eftir góða kynningu, rök með og á móti ættum við að kjósa sem oftast.

Á móti þjóðaratkvæðagreiðslu

Konur eru einskis virði.

   Fyrir mörgum árum hlustaði ég á viðtal við ógiftan karl í útvarpi. Ekki man ég annað úr þessu viðtali  en að spyrillinn (kona) vildi vita viðhorf hans til kvenna.  Hann svaraði: "þær eru einskis virði". Spyrlinum var greinilega dálítið brugðið og spurði nánar.  "sjáðu til ég vinn á launadeild Reykjavíkurborgar og ég sé þetta á launaseðlunum".    Er þetta ennþá svona?

Nærri 50 starfsmenn Reykjavíkurborgar með hærri laun en Jakob Frímann Magnússon

.....Ætli einhver þeirra starfi við umönnun, hjúkrun eða kennslu?  Kannski eru þetta laun sem vert er að miða við í kjarasamningum. Launabilið eykst stöðugt. Hvernig er hægt að bjóða fólki í fullri vinnu 150þús í mánaðarlaun fyrir aðhlynningarstörf?? Og svo gæðingum borgarinnar frá 700þús......eru þessi störf svona miklu verðmætari??  Æi  mér er bara bumbult.

þAÐ ERU SKÝRINGAR Á ÖLLU.

Vilhjálmur Þ. hefur sína skýringu......andstæðingarnir tala svo illa um meirihlutann í borgarstjórn. það er ekkert að hjá þeim sjálfum.

Ég hef aðra skýringu en held henni bara fyrir mig.

Annars stendur vepjuliljan í blóma, einnig hvítur kúlulykill og hófsóley. Garðurinn verður litríkari með degi hverjum.

 

Fylgi Sjálfstæðisflokks minnkar mikið í Reykjavík

Besta frétt dagsins.

.....en ekki gott fyrir Davíð að þurfa kannski að basla á seðlabankastjóralaunum einum. Nú er Ingibjörg að standa sig.

Eftirlaunalög Alþingis verða felld úr gildi

Prik númer fjögur.

Fá skipuleggjendur göngunnar gegn slysum.