Háls-nef og eyrnalæknir óskast! Auglýsing.

.......Borið hefur á skertri heyrn starfsmanna okkar á Alþingi.  Þeir heyra ekkert hvað þjóðin segir.  Brýnt er að HNE- læknir geti hafið störf sem fyrst.  Launakjör samkv. samningi LÍ við Fjármálaráðuneyti.

Á sama stað vantar  einnig augnglækni því margir starfsmenn virðast slegnir blindu. Launakjör samkv.samningi LÍ við Fjármálaráðuneyti,

 

Starfsmann vanan sandmokstri er einnig óskað.  Moka þarf frá nokkrum hausum sem eru fastir í sandi.  Launakjör léleg eins og hjá öðru verkafólki.

Áhugasamir hafi samband við starfsmannastjórs Alþingis. Sími 999 666.

Nú höfum við haft Íslenskan 11. september í rúman mánuð.

.....Það verður að fara að fletta dagatalinu.

Ég held að stjórnvöld hér og öll stjórnsýsla sé svo rúin trausti að við fáum enga aðstoð fyrr en skipt hefur verið út.

Ef að það er raunhæf leið að taka upp einhliða evru eigum við að fara hana. Ekki reyna að endurlífga dauða krónu.  Ég held að það sé dæmt til að mistakast og kosti of mikið.

  Ég sé vissulega eftir krónunni en það er ekkert pláss fyrir nostalgíu.

Hvað ætli símanúmerið sé hjá Daniel Gros?

Vegið ómaklega að ráðherrum

Bjarni segir af sér vegna "mistaka"

.......En þeir sem hafa framið afglöp sitja sem fastast.  Hvert er réttlætið í þvi?  En ég tek ofan fyrir honum að axla sína ábyrgð.  Þar er hann góð fyrirmynd.

Mættu nú margir fara að líta í eigin barm.  Stjórnmálamenn á Íslandi eru rúnir trausti.

Burt með spillingarliðið.

Guðni: Bjarni axlar ábyrgð

Ég las þetta bréf.

............Ég fann enga villu í því.

Burt með spillnguna.

Áframsendi gagnrýni á Valgerði

Senda þá upp á fjöll aftur

......þeir hafa ekkert hér að gera. Alltaf hefur loðað við þá að vera hrekkjóttir og þjófóttur þessir sveinkar.   Og hvað heita svo aftur....ærusviptir, krónubani, lánalangur, vinaspillir, bankarústi, blindingi, vonarbrestur,  æ ég man ekki öll þessi nöfn.

Og þjóðin á ekki að fá að kjósa í bráð.

Ráðherrarnir koma af fjöllum

Þetta er orðið pínlegt

.............Ísland er ekki á dagskrá IMF þessa vikuna.  Nú verðum við að fá skýringar.   Ég hef aldrei verið í vafa um að IMF setur einhverjar mannabreytingar sem skilyrði......... Það er ekki hægt að bíða eftir aðgerðum.

En nú segja sumir hagfræðingar að við getum sleppt láninu og tekið upp evru.  Hvernig væri að fá Daniel Gros hingað til að leiða okkur í gegnum þetta?

Við almenningur verðum að fara að fá alvöru skýringar og alvöru aðgerðir.  Þjóðinni blæðir.

Alls staðar

vaxtalækkun nema hér.  Þetta er óskljanlegt fyrir venjulegt fólk.  Ég legg til að hagfræði verði sett inn í grunnskólananám.  Og verði áfram í gegum framhaldsskóla.   Það bara veitir ekki af.

Svo er spurning dagsins.  Verður lánsumsókn frá IMF tekin fyrir í dag?   Geir segir já. Össur segir nei.   Eða stökkvum við á evru í vikunni?  Svartfjallaland og fleiri þjóðir hafa víst gert það með ágætum árangri.   Nú er mér farið að lítast best á þá leið.

Svo vona ég að hausar fari að fjúka.

Saltkjöt og baunir, euro.

Vaxtalækkun í Taívan

Enn um mótmæli á Austurvelli

........Mig undrar lítil sem engin viðbrögð stjórnmálamanna við mótmælum þúsunda Íslendinga á Austurvelli.  Dómsmálaráðherra reyndar hæðist að þeim. Ég sakna þess að fjölmiðlar tali við þingmenn og ráðherra um reiði almennings.  Er heyrnarleysið algert?  Eru eintómir strútar við völd?

Ef við viljum breytingar verðum við að hafa miklu hærra.  Og mæta fleiri á Austurvöll.  Dropinn holar steininn.

Yes we can sagði Obama  og við getum líka haft áhrif á það samfélag sem við búum í.

Bull og vitleysa og brostnar vonir.

......Ég varð fimmtug i október.  Og kveið því ekkert....heldur þvert á móti trúði ég því að ég sæi fram á bjartari tíma.  Ég þyrfti kannski ekki að vinna allt of mikið til eilífðar........gæti farið að eiga meiri tíma fyrir sjálfa mig án þess að fá samviskubit yfir því.  Reyndar hefur vinnan mín snarminnkað...það er enga yfirvinnu að fá.  Fólk sagði mér að nú færi besti tíminn í hönd....og ég færi að upplifa frelsi á ný og bla bla bla...ahahaha. Þetta er jafnljótt og að segja við við börn " þetta verður ekkert vont"  áður en þau eru sprautuð,  Ég hef verið blekkt. Þetta er sko bull og vitleysa.  Þetta er tóm lygi. Síðan ég varð fimmtug hefur allt verið niður á við.....mig grunaði ekki að allt dalaði svona hratt við að komast á þennan aldur.  Ég átti afmæli 6. október.....reikna með að þið munið þann dag jafnvel og ég.  Þá hófst svartnættið.  Og sér ekki fyrir endann á því.

Draumarnir okkar og framtíðarplön hafa verið lögð í rúst. Nú er það "þakkarvert" að hafa vinnu og halda húnæðinu sínu og eiga jafnfamt fyrir mat.

Ég vil finna þá sem bera ábyrgð á þessu  og draga þá fyrir dóm.  Það er með öllu ólíðandi að þeir sem ábyrgð bera séu enn í sínum störfum.   Ég vona að fólk mæti á Austurvöll næsta laugardag og krefjist réttlætis.   Við verðum að neyða ráðamenn til að HLUSTA.

Annars er þetta ekki nokkur aldur

Eggjahræra á Alþingi

...Því miður komst ég ekki á Austurvöll í dag en gat fylgst með fréttum.  Ekkert var sagt frá þeim ræðum sem þarna voru fluttar.....það þarf að lesa blogg til að finna eitthvað um það.  En fjálglega var sagt frá eggjakasti á Alþingishúsið og  Bónusfánanum.  Og loksins var einhver handtekinn vegna fjármálahrunsins á Íslandi þó mér sé mjög til efs að það hafi verið einn af aðalkrimmunum.

Ber ekki fjölmiðlum að gera þessu betri skil?

Eggjum kastað í Alþingishúsið