Hættum þessu

    hættum að birta fréttir af enska boltanum.........og hættum að kaupa sýningarrétt af leikjunum.  Notum gjaldeyrinn í annað.

Chelsea gjörsigraði Middlesbrough

Dorrit

.......við skulum hlusta á hana og vera bjartsýn eins og hún.  Hún veit sínu viti.   Auðvitað komumst við út úr þessu eins og öllum öðrum hremmingum. Fjármálamóðuharðindi ganga nú yfir.   En ekki bara hér.    En við þurfum að taka vel til hjá okkur sjálfum. Ég trúi því að á endanum  verði þessi rassskellur okkur til góðs. Nýjir siðir, nýjar áherslur. Nýtt verðmætamat. Nýtt Ísland.

Í dag fara fram mótmæli við Austurvöll.....og fólk ætlar að krefjast afsagnar/ eða brottreksturs Daviðs. Það truflar mig svolítið að mótmælin beinist bara að einum manni.  Öll stjórn SÍ á að segja af sér.  Við viljum auðvitað losna við hann og það væri gott fyrsta skref ef hann sýndi þann manndóm að segja af sér.  En það þarf svo miklu meira til.  En ég hvet fólk til að mæta til að mótmæla ástandinu og krefjast þess að allir þeir sem bera ábyrgð axli hana og viðurkenni með afsögnum.

Dorrit bjartsýn á framtíðina

Kæri Brán.

........Ég er ein af örfáum Íslendingum sem skil viðbrögð þín við orðum einræðisherra Íslands í sjónvarpsþætti á dögunum. Hann talaði alveg skírt og greinilega. En kannski voru viðbrögð þín fullsterk.....við nebblega tökum lítið mark á orðum þessa hryðjuverkamanns hér uppi á Íslandi.  Reyndar viljum við flest losna við hann.   Ég myndi vilja að íslensk stjórnvöld brygðust sköruglega við ef hætta væri á á Íslendingar misstu sparifé sitt í Breskum banka staðsettum á Íslandi.  Veistu að það er ekkert skrifað um það í íslenskum fjölmiðlum að staða þín hefur styrkst eftir þetta....aðeins skrifað um óvinsældir þínar.  Nú horfa margir á þig sem manninn sem skemmdi Ísland  sem er svo miklu léttara fyrir okkur en að líta í eigin barm. Sennilega eigum við það þér að þakka að við erum álíka hátt skrifuð  í Bretlandi og múslimahommar.  Við erum bara allt of góð með okkur til að taka það mjög nærri okkur.

 Íslendingar eru þér mjög reiðir og við erum hætt að kaupa breskar vörur.  Og við ætlum vinsamlegast að afþakka ykkar vernd.  Við eigum nýja vini sem eru meira en til í að sjáum varnir fyrir okkur hér norður í Atlantshafi.  Rússneska verður nú kennd hér sem fyrsta erlenda tungumálið.

En sem lítil þjóð í norðri getum við aðstoðað ykkur ef þið óskið  eftir því.   Til dæmis gætum við kennt ykkur að elda.

God save the Queen

Segja Ísland hafi orðið fyrir auðmýkingu

Það slapp fyrir horn.

.......enda höfum við ekki efni á því að vera í öryggisráðinu. Fegin að þessar millur sparast.

Við eigum líka að hætta við Heimssýningarverkefnið í Kína.   Skera niður öll gæluverkefni á meðan staðan er eins og hún er.  Lækka þarf hæstu laun hjá ríkinu.   Hægt að gera það a.m.k. þegar skipt er um fólk.    Nærtækt dæmi eru laun forstjóra landsvirkjunar.  Leggja niður stöður aðstoðarmanna þingmanna.  Bráðliggur á að breyta eftirlaunaósóma ráðamanna.  Fækkum sendiráðum. Fækkum ferðum opinberra starfsmanna til útlanda. 

Margt  smátt gerir eitt stórt.  Af NÓGU  er að taka.

Ísland náði ekki kjöri

Afnemum launaleynd

.....það hlýtur að vera sanngjörn krafa  á Nýja Íslandi að öll laun séu gefin upp. Hér hafa viðgengist svo lág laun að ekki er hægt að framfleyta sér af þeim og svo ofurlaun sem duga heilu bæjunum til lífsviðurværis.  Það hlýtur að verða hluti af endurreisn hér að jafna launamun.  Það gengur ekki í svona litlu samfélagi að hafa svona hrópandi óréttlæti.   

Það skrítna er að þeir sem fengið hafa hæstu launin vegna ábyrgðar   axla enga ábyrgð þegar á hólminn er komið heldur lendir hún hvað harðast á þeim sem minnst hafa haft úr að moða. Enginn hefur sagt af sér enn. Enginn hefur stigið fram og viðurkennt mistök.  Í hverju fólst öll þessi ábyrgð? Í þessu ljósi  er rétt að endurskoða allt launakerfi hér þegar lægir.

Ef ég fengi þó ekki nema einu sinni á ári laun seðlabankastjóra væri ég í góðum málum peningalega.  Bara það segir mér að topparnir hjá ríkinu eru með of há laun miðað við aðra hópa.

Boðin launalækkun

Það er jákvætt ef enhverjir geta keypt eitthvað

...........engin svartsýni hjá Iceland Express.

Annars var gamla fólkið í vinnunni hjá mér að hlusta á útsendingu frá Alþingi.  Það litla sem ég heyrði hljómaði eins og allt væri hér í stakasta lagi,,,,t.d. tillaga um að stofna barnamenningarhús.  Sem er góð hugmynd hjá ríkri þjóð........en undarleg fyrir þjóð með ónýtan gjaldmiðil og milljarðaskuldir.

Annars heyri ég gamla fólkið lítið tala um kreppuna utan ein sem grét vegna þess að hún taldi sig hafa misst allt sitt

Eru ekki allir að velja íslenskt?

Og allir hættir að kaupa breskar vörur?

Iceland Express í viðræðum um kaup á þotum

75-100% verðbólga?

.........þannig spá erlendir sérfræðingar fyrir okkur.  Hvernig lítur næsta þjóðhagsspá út?  Það er lífsnauðsynlegt fyrir okkur almennt launafólk að verðtrygging lána verði afnumin ef ekki er meiningin að við lendum öll á götunni.  Það er varla þjóðhagslega hagkvæmt að láta fólk missa húsnæði sitt í hrönnum,  fólk sem hingað til hefur tekist að standa í skilum.  Loksins kom lækkun stýrivaxta í dag en ég held að skrefið hafi verið of lítið fyrir almennt launafólk.

Er ríkisstjórnin að semja af sér vegna innlánsreikninga í Bretlandi, Hollandi og víðar?   Er verið að ábyrgjast meira en þörf er á ?  Heldur klúðrið í efnahagsstjórninni áfram? Er ríkisstjórnin að panikkera?

Annars er ég búin að fá mörg rafræn faðmlög.........takk fyrir það.

 

 

 

 

Við verðum að fá erlenda sérfræðinga í það

........hverjir gætu sinnt þessu hér?   Þeir sem rannsaka þessi mál verða að vera algerlega óháðir stjórnmálaflokkum og bankastarfsemi.  Það gæti reynst þrautin þyngri að finna fólk hér sem þjóðin treystir.   Við erum orðin full tortryggni og vantrausts á yfirvöld.

Annars sá ég það í einhverju blaðinu í dag að Kaupþings-Sigurður hefði keypt sér hús á 2 milljarða í London......dágóður skildingur það.

Ég er á því þegar versti stormurinn er yfirstaðinn eigi þjóðin skilið að fá að kjósa.

Gift er danska ekki satt?

.......Átti einhvern tímann að greiða þetta út?

Verðmæti Giftar hefur rýrnað mikið

Nú þarf að gera stórhreingerningu

  Allir sem bera ábyrgð hér eiga skilyrðislaust að segja af sér.  Enn og aftur bendi ég á að við þurfum óháða rannsóknaraðila til að skoða málin.....nokkur ár aftur í tímann.  Strútarnir eiga að gera þjóðinni þann greiða að stíga úr embættum. Stjórn SÍ, Fjármálaeftirlits og stjórn landsins nýtur ekki trausts og eiga að sjá sóma sinn í að fara frá.   Síðan á að rannsaka allar ákvarðanir þessara aðila ofan í kjölinn.   Hér er kannski sofandaháttur versti glæpurinn?  Það er búið að hneppa þjóðina í ánauð.      Ég varð aldrei vör við góðærið en er farin að finna vel fyrir hallærinu.  Það er framundan 100 ára einsemd heillar þjóðar ef ekkert er að gert.

Ég held að allt ruglið hafi byrjað þegar stjórnvöld stálu kvótanum.......................nú ber að þjóðnýta hann.

Bankaskýrsla undir stól